1 Mose 17:8 - ŊMALƐ KRƆŊKRƆŊ LƐ

⁸ Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

Ṅmãle̱ Kroṅkroṅ Le̱

⁸ Ni maṅõ *ogbo̱tōhe ne̱ ni dši Kanaan šikpoṅ le̱ fẽ mahão ke̱ osešibii ni aaba ye̱ ose̱ le̱, ake̱ ame̱no̱yelinõ ke̱-ya nāno̱, ni matšṍ ame̱-Nyoṅmo̱. *23,4; 35,27. Heb. 11,9-16.

1 Mose 17:8 ပူးပေါင်းရင်းမြစ်များ

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 13:15

bo kɛ oshwiei mikɛbaahã kɛaatee naanɔ.

1 Mose 13:17

Tee shi, nyiɛmɔ shikpɔŋ lɛ nɔ kɛtsɔ̃ ekɛlɛ kɛ elɛɛmɔ nɔ, shi bo mikɛbaahã”.

1 Mose 23:4

“Mɔkpɔŋ ji mi, ni mibato gbɔ yɛ nyɛteŋ. Nyɛhãa mi he ko mahe koni mikɛfee fuuhe ni mato miŋa gbonyo ni kã mihiɛ nɛɛ yɛ jɛi.”

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

1 Mose 28:4

Bɔ ni ejɔɔ Abraham lɛ, ejɔɔ bo kɛ oshwiei nakai nɔŋŋ koni ogbɔtoo shikpɔŋ nɛɛ ni Nyɔŋmɔ kɛhã otsɛ Abraham lɛ atsɔ̃ onɔ.”

1 Mose 35:27

Yakob ba etsɛ Isak ŋɔɔ yɛ Mamre loo Kiriat-Arba ni bɛŋkɛ Hebron lɛ, he ni Abraham kɛ Isak bato gbɔ yɛ lɛ.

1 Mose 36:7

ejaakɛ amɛnii ni amɛna lɛ fa tsɔ̃ fe bɔ ni amɛaanyɛ amɛhi shi yɛ he kome. Amɛkooloi lɛ ahewɔ lɛ amɛhooo shikpɔŋ ni amɛbato gbɔ yɛ nɔ lɛ nɔ.

1 Mose 37:1

Yakob hi shi yɛ etsɛ gbɔtoo shikpɔŋ ni ji Kanaan shikpɔŋ lɛ nɔ.

1 Mose 48:4

‘Naa, mahã ofɔ pii ni obaashwere, ni mahã oshwiei atsɔmɔ maji pii, ni mikɛ shikpɔŋ nɛɛ aaahã oshwiei ni aaaba yɛ osɛɛ lɛ akɛ amɛnɔ kɛmiiya naanɔ.’ ”

2 Samuel 23:5

Bɔ ni Nyɔŋmɔ baajɔɔ miwe lɛ nɛ, ejaakɛ ekɛ mi ekpãŋ naanɔ kpãŋmɔ, kpãŋmɔ ko ni akuŋ mli, shiwoo ko ni atsakeŋ hiɛ. Anɔkwa, Nyɔŋmɔ baahã mi yelikɛbuamɔ ni he ehia, kɛ mitaomɔ nii fɛɛ.

1 Kronika 16:18

ni ekɛɛ akɛ, “Bo maŋɔ Kanaan shikpɔŋ lɛ mahã akɛ ogbɛfaŋnɔ kɛ gboshinii.”

Lalai 103:17

Shi Yehowa suɔmɔ ni tsakeee lɛ eyɛ kɛjɛ naanɔ kɛmiiya naanɔ. Eyɛ hã mɛi ni sheɔ lɛ gbeyei lɛ, ni ejalɛ lɛ yɛ hã bii abii.

Lalai 105:11

Ekɛɛ akɛ, “Bo maŋɔ Kanaan shikpɔŋ lɛ mahã akɛ nyɛgbɛfaŋnɔ kɛ gboshinii.”

Lalai 105:9

kpãŋmɔ ni ekɛ Abraham kpãŋ lɛ, kitã ni ekã Isak lɛ;

2 Mose 13:11

“Kɛji Yehowa kɛ nyɛ yashɛ Kanaanbii ashikpɔŋ lɛ nɔ tamɔ bɔ ni ekã nyɛ kɛ nyɛtsɛmɛi lɛ kitã akɛ ekɛaahã nyɛ lɛ,

2 Mose 21:6

no lɛ enuŋtsɔ lɛ kɛ lɛ aya Nyɔŋmɔ hiɛ, ni ehã edamɔ jamɔhe lɛ shinaa lɛ naa loo shinaatso lɛ he, ni enuŋtsɔ lɛ kɛ fitii agbu nyɔŋ lɛ toi, ni nyɔŋ lɛ asɔ̃mɔ enuŋtsɔ lɛ ewala gbii abɔ fɛɛ.

2 Mose 29:45

Ni mahi Israelbii lɛ ateŋ, ni matsɔ̃ amɛNyɔŋmɔ.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

2 Mose 40:15

ni ofɔ amɛ hu mu tamɔ ofɔ amɛtsɛ mu lɛ koni amɛsɔ̃mɔ mi akɛ osɔfoi. Amɛmufɔɔ nɛɛ aaahã osɔfoyeli atsɔ̃ amɛ kɛ amɛshwiei abihii anɔ kɛya naanɔ.”

2 Mose 6:4

Ni misaa mi kɛ amɛ kpãŋ akɛ mikɛ Kanaan shikpɔŋ lɛ baahã amɛ, shikpɔŋ ko ni amɛyato gbɔ yɛ nɔ lɛ.

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

Yeremia 25:5

Amɛbakɛɛ nyɛ akɛ, ‘Nyɛteŋ mɔ fɛɛ mɔ akpa ejeŋba gbonyo kɛ enifeemɔnii gbohii lɛ, bɔ ni afee ni nyɛhi shikpɔŋ ni Yehowa kɛhã nyɛ kɛ nyɛtsɛmɛi lɛ kɛjɛ naanɔ aahu kɛmiiya naanɔ lɛ nɔ.

Yeremia 31:1

Yehowa kɛɛ akɛ, “Be ko miiba, ni nakai be lɛ mibatsɔ̃ Israel akutsei lɛ fɛɛ aNyɔŋmɔ, ni amɛ hu amɛbaatsɔ̃ miwebii.

Ezekiel 11:20

bɔ ni afee ni amɛba amɛjeŋ yɛ mikpɔi lɛ anaa, ni amɛye mimlai lɛ anɔ, koni amɛtsɔ̃ miwebii ni mi hu matsɔ̃ amɛNyɔŋmɔ.

Ezekiel 33:24

“Gbɔmɔ Adesa, maŋbii ni yɔɔ Israel shikpɔŋ lɛ nɔ amaŋfɔ̃i lɛ amli lɛ kɛɔ akɛ, ‘Abraham lɛ, gbɔmɔ kome too ni, kɛ̃lɛ shikpɔŋ lɛ tsɔ̃ enɔ, shi wɔ lɛ, wɔyi fa; akɛ shikpɔŋ lɛ eha wɔ akɛ wɔŋɔ.’

3 Mose 14:34

Kɛ nyɛshɛ Kanaan shikpɔŋ lɛ ni mi diɛŋtsɛ mikɛhã nyɛ ni nyɛye nɔ lɛ nɔ, ni mihã kpiti shwie shĩa ko he yɛ nyɛshikpɔŋ lɛ nɔ lɛ,

3 Mose 16:34

Enɛ atsɔ̃ akpɔ ni kã shi hã nyɛ kɛmiiya naanɔ, koni akɛkpãtã ahã Israelbii lɛ daa afi shi kome yɛ amɛhe eshai lɛ fɛɛ hewɔ.” Mose fee bɔ ni Yehowa wo lɛ kitã lɛ.

3 Mose 26:12

Manyiɛ nyɛteŋ, ni matsɔ̃ nyɛNyɔŋmɔ, ni nyɛ hu nyɛaatsɔ̃ mimaŋ.

Zakaria 8:8

ni mikɛ amɛ aaaba koni amɛbahi Yerusalɛm maŋ lɛ mli, ni amɛaatsɔ̃ mimaŋ, ni matsɔ amɛNyɔŋmɔ yɛ anɔkwale kɛ jalɛ mli.” Bɔ ni Yehowa, Taiatsɛ lɛ, kɛɛ nɛ,

4 Mose 10:29

Be ni Israel asafoi lɛ baafã nyiɛmɔ lɛ, Mose kɛɛ eŋa nyɛmi nuu Hobab, ni ji eshaanuu Yetro, Midiannyo lɛ, binuu lɛ akɛ, “Wɔmiifã kɛya he ni Yehowa wo wɔ shi yɛ he akɛ ekɛbaahã wɔ lɛ. Fatamɔ wɔhe ni wɔtee. Yehowa ewo shi akɛ ebaahã Israel aye ejurɔ; no hewɔ lɛ, wɔ hu wɔɔfee bo ejurɔ.”

4 Mose 25:13

ni mijɔɔ osɔfoyeli lɛ nɔ mihã lɛ kɛ eshwiei kɛmiiya naanɔ, ejaakɛ eye awuŋã yɛ mi, mihewɔ, ni ehã akɛ tɔ̃mɔ ni maŋ lɛ tɔ̃ lɛ efa amɛ.’ ”

4 Mose 27:12

Kɛkɛ ni Yehowa kɛɛ Mose akɛ, “Kwɔɔ Abarim Gɔŋ nɛɛ kɛya eyiteŋ koni okwɛ shikpɔŋ ni mikɛhãa Israelbii lɛ.

Bɔfoi 7:5

ni ehãaa lɛ nɔyelinɔ ni ji shikpɔŋ ni shɛɔ nane tokota lɛɛmɔ tete, shi ewo lɛ shi akɛ ekɛaahã lɛ kɛ eshwiei ni baaba yɛ esɛɛ lɛ akɛ amɛnɔ, tsɛ no mli lɛ ebɛ bi kwraa po.

5 Mose 14:2

Ejaakɛ Yehowa je gbɛ eŋɔ nyɛ yɛ shikpɔŋ lɛ nɔ maji fɛɛ ateŋ ehã ehe akɛ lɛ diɛŋtsɛ emaŋ.

5 Mose 26:18

Yehowa hu egba mli kpoo ekɛɛ bo, ŋmɛnɛ gbi nɛɛ, akɛ lɛ diɛŋtsɛ emaŋ ji bo tamɔ bɔ ni ewo bo shi lɛ, ni eebi bo koni oye ekitãi lɛ fɛɛ nɔ,

5 Mose 29:13

koni ŋmɛnɛ lɛ, Yehowa ama nɔ mi akɛ lɛ diɛŋtsɛ emaŋ ji nyɛ, ni lɛ hu etsɔ̃ nyɛNyɔŋmɔ tamɔ bɔ ni ewo shi momo sa, be ni ekã nyɛtsɛmɛi Abraham kɛ Isak kɛ Yakob kitã lɛ.

5 Mose 32:49

“Kwɔɔ Abarim gɔŋ nɛɛ, ni ji Nebo Gɔŋ ni yɔɔ Moab shikpɔŋ lɛ nɔ ni ekwɛɔ Yeriko maŋ lɛ hiɛ lɛ, koni okwɛ Kanaan shikpɔŋ ni mikɛhãa Israelbii lɛ akɛ amɛgbɛfaŋnɔ lɛ.

5 Mose 32:8

Be ni Ŋwɛinyo lɛ ja shikpɔŋ lɛ ekɛhã jeŋ majimaji lɛ, ni egbala adesai abii amli lɛ, ejie maji lɛ ahusui eshwie shi faŋŋ, yɛ Nyɔŋmɔ webii lɛ ayibɔ naa.

5 Mose 34:4

Kɛkɛ ni Yehowa kɛɛ Mose akɛ, “Shikpɔŋ lɛ ni miwo Abraham kɛ Isak kɛ Yakob shi yɛ he akɛ, ‘Mikɛbaahã nyɛshwiei’ lɛ, no nɛ. Mihã ona kɛ ohiŋmɛitsei enyɔ, shi jɛi ni oyaŋ.”

5 Mose 4:37

Ni akɛni esumɔ nyɛtsɛmɛi lɛ hewɔ lɛ, eŋɔ amɛshwiei ni ba yɛ amɛsɛɛ lɛ, ni ekɛ lɛ diɛŋtsɛ ehewalɛ kpeteŋkple lɛ yakpɔ̃ nyɛ yɛ Ijipt.

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.

Hebribii 9:15

Ni enɛ hewɔ ni eji kpãŋmɔ hee mlidaamɔlɔ lɛ, bɔ ni afee ni mɛi ni Nyɔŋmɔ etsɛ amɛ lɛ anine ashɛ naanɔ gboshinii lɛ ni ewo he shi lɛ nɔ, akɛni ekɛ egbele kpɔ̃ amɛ kɛjɛ klɛŋklɛŋ kpãŋmɔ lɛ nɔtɔmɔi lɛ amli lɛ.

Yoshua 1:2

“Mitsulɔ Mose egbo, no hewɔ lɛ, saamɔ ohe koni bo kɛ Israelbii lɛ fɛɛ afo Yordan Faa nɛɛ kɛya shikpɔŋ lɛ ni mikɛhãa amɛ lɛ nɔ.

Kpojiemɔ 21:7

Kunimyelɔ lɛ aaatsɔ̃ nɛkɛ nii nɛɛ fɛɛ yelɔ, ni matsɔ eNyɔŋmɔ ni lɛ hu eeetsɔ̃ mibi.