1 Mose 17:6 - ŊMALƐ KRƆŊKRƆŊ LƐ

⁶ Mahã owo shwiei babaoo diɛŋtsɛ, ni mahã majimaji ajɛ omli ni maŋtsɛmɛi aaajɛ omli.

Ṅmãle̱ Kroṅkroṅ Le̱

⁶ Ni mahã oſere babaō dientše̱, ni mahã otšṍ dšeṅmãdši, ni maṅtše̱mei aadše̱ omli.

1 Mose 17:6 ပူးပေါင်းရင်းမြစ်များ

1 Mose 13:16

Mahã oshwiei afa tamɔ shikpɔŋ mlu, ni kɛji mɔ ko aaanyɛ shikpɔŋ mlu akane lɛ, belɛ aaanyɛ oshwiei lɛ hu akane.

1 Mose 17:16

Majɔɔ lɛ ni asaŋ mahã okɛ lɛ afɔ binuu. Majɔɔ lɛ, ni eeetsɔ̃ maji anyɛ, ni maji anɔ maŋtsɛmɛi aaajɛ emli.”

1 Mose 17:20

Yɛ Ishmael hu gbɛfaŋ lɛ, mibo bo toi. Naa, majɔɔ lɛ; mahã eshwere ni ewo shwiei babaoo diɛŋtsɛ. Eeefɔ lumɛi nyɔŋma kɛ enyɔ, ni mahã efee maŋ kpeteŋkple.

1 Mose 17:4

“Mi kɛ bo miikpãŋ kpãŋmɔ nɛɛ, ni oootsɔ̃ maji pii atsɛ.

1 Mose 26:22

Isak fã eshi jɛi, ni eyaje nubu kroko ni no lɛ amɛbeee yɛ he; ni Isak tsɛ nubu lɛ akɛ “Rehobot”; eshishi ji, “Yehowa ehã wɔ gbɛ koni wɔshwere yɛ shikpɔŋ lɛ nɔ.”

1 Mose 28:3

Nyɔŋmɔ Ofe lɛ ajɔɔ bo, ni ehã oshwere ni owo shwiei babaoo koni oshwiei atsɔ̃ majimaji asafo.

1 Mose 35:11

Nyɔŋmɔ kɛɛ lɛ akɛ, “Mi ji Nyɔŋmɔ Ofe lɛ; fɔ ni oyi afa. Maŋ kɛ maji babaoo aaajɛ omli, ni maŋtsɛmɛi hu aaajɛ omli.

1 Mose 41:52

Ewo mɔ ni ji enyɔ lɛ Efraim ni ekɛɛ, “Ejaakɛ Nyɔŋmɔ ehã miwo shwiei yɛ mimanehulu shikpɔŋ lɛ nɔ.”

1 Mose 47:27

Bɔ ni fee ni Israelbii lɛ hi shi yɛ Ijipt shikpɔŋ lɛ nɔ yɛ Goshen lɛ nɛ. Israelbii nɛɛ nanaa shikpɔji yɛ shikpɔŋ lɛ nɔ, ni amɛfɔfɔɔ ni amɛshwere babaoo diɛŋtsɛ.

1 Mose 48:3

Yakob kɛɛ Yosef akɛ, “Nyɔŋmɔ Ofe lɛ jie ehe kpo etsɔ̃ɔ mi yɛ Luz yɛ Kanaan shikpɔŋ lɛ nɔ, ni ejɔɔ mi ni ekɛɛ mi akɛ,

1 Mose 48:4

‘Naa, mahã ofɔ pii ni obaashwere, ni mahã oshwiei atsɔmɔ maji pii, ni mikɛ shikpɔŋ nɛɛ aaahã oshwiei ni aaaba yɛ osɛɛ lɛ akɛ amɛnɔ kɛmiiya naanɔ.’ ”

Ezra 4:20

Asaŋ maŋtsɛmɛi wuji hu ehi Yerusalɛm ni amɛye Eufrate Faa lɛ biɛgbɛ shikpɔŋ lɛ fɛɛ nɔ, ni atsuɔ onia kɛ maŋ too kɛ gbɛjee shika ahãa amɛ.

3 Mose 26:9

Madro nyɛ, ni mahã nyɛwo shwiei ni nyɛyi afa; ni maye mi kɛ nyɛ teŋ kpãŋmɔ lɛ nɔ.