1 Mose 17:11 - ŊMALƐ KRƆŊKRƆŊ LƐ

¹¹ Afolɔ nyɛ ketia, ni no atsɔ̃ kpãŋmɔ ni yɔɔ mi kɛ nyɛ teŋ lɛ he okadi.

Ṅmãle̱ Kroṅkroṅ Le̱

¹¹ Ni aflo̱nye ketia, ni atšṍ kpãṅmo̱ ni yo̱ mike̱ nyeteṅ le̱ he okadi.

1 Mose 17:11 ပူးပေါင်းရင်းမြစ်များ

1 Mose 9:12

Ni Nyɔŋmɔ kɛɛ, “Enɛ ji kpãŋmɔ lɛ ni mikɛ nyɛ kɛ nɔ fɛɛ nɔ ni hiɛ kã ni kɛ nyɛ yɔɔ lɛ ekpãŋ kɛyaa yinɔi ni baaba lɛ fɛɛ lɛ he okadi.

2 Samuel 3:14

David saa je gbɛ etsu bɔfoi kɛtee Saul bi Ishboshet ŋɔɔ kɛ wiemɔ nɛɛ akɛ, “Miitao miŋa Mikal, mɔ ni mikɛ Filistibii afoonaa loi oha hã esɛɛnii lɛ.”

2 Mose 12:48

Shi kɛji gbɔ ni ebato gbɔ miitao akɛ eyeɔ Hehoo lɛ ekɛwo Yehowa hiɛ nyam lɛ, hã afolɔ ebihii lɛ fɛɛ ketia dani eba ni ebaye eko, ni eeetsɔ̃ tamɔ Israelnyo nɔŋŋ. Shi foolɔ ko foolɔ ko akaye eko.

2 Mose 4:25

Kɛkɛ ni Zipora kɔ tɛ kakla ni naa ba, ni ekɛfo ebinuu lɛ ketia; ekɛ loo ni efo lɛ sa Mose naji ahe, ni ekɛɛ, “Lá ayɛmforowu ji bo”.

Bɔfoi 7:8

Ni ekɛ ketiafoo he kpãŋmɔ lɛ hã lɛ; ni no hewɔ efɔ Isak ni efo lɛ ketia gbi ni ji kpaanyɔ lɛ nɔ lɛ; ni Isak fɔ Yakob, ni Yakob hu fɔ blematsɛmɛi nyɔŋma kɛ enyɔ lɛ.

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

5 Mose 10:16

No hewɔ lɛ, nyɛtsakea nyɛtsui ni nyɛkpliŋ lɛ, ni nyɛkafea nyɛhe kuɛŋtilɔi dɔŋŋ.

Yoshua 5:3

Yoshua fee tɛ kaklai lɛ, ni ekɛfolɔ Israelbii ketia yɛ Gibeat Haaralot (eshishi ji Ketia Foohe).