1 Mose 17:10 - ŊMALƐ KRƆŊKRƆŊ LƐ

¹⁰ Bɔ ni nyɛbaato mikpãŋmɔ lɛ ni yɔɔ mi kɛ bo kɛ oshwiei ni aaabaye osɛɛ lɛ teŋ nɛ: nuu fɛɛ nuu ni yɔɔ nyɛteŋ lɛ afo lɛ ketia.

Ṅmãle̱ Kroṅkroṅ Le̱

¹⁰ Ene̱ dši mikpãṅmo̱ ni nyetoa ye̱ mike̱nye ke̱ osešibii ni aaba ye̱ ose̱ le̱ ateṅ: Nū-fẽ-nū ní ye̱ nyeteṅ le̱ afole̱ ketia. 3 Mose 12,3. Bo̱f. 7,8.

1 Mose 17:10 ပူးပေါင်းရင်းမြစ်များ

1 Mose 17:11

Afolɔ nyɛ ketia, ni no atsɔ̃ kpãŋmɔ ni yɔɔ mi kɛ nyɛ teŋ lɛ he okadi.

1 Mose 17:23

Kɛkɛ ni Abraham ŋɔ ebi Ishmael kɛ hii fɛɛ ni afɔ yɛ ewe lɛ kɛ hii fɛɛ ni ekɛ eshika he, nuu fɛɛ nuu ni yɔɔ eshĩa mli bii lɛ ateŋ lɛ, ni efolɔ amɛ fɛɛ ketia yɛ nakai gbi lɛ nɔ nɔŋŋ, tamɔ bɔ ni Nyɔŋmɔ kɛ lɛ wie lɛ.

1 Mose 17:27

Abraham we lɛ bii fɛɛ, mɛi ni afɔ yɛ shĩa kɛ mɛi ni akɛ shika he yɛ gbɔi adɛŋ fɛɛ, afolɔ amɛ ketia afata ehe.

1 Mose 21:4

Ni Abraham fo ebi Isak ketia be ni gbekɛ lɛ ena gbii kpaanyɔ, tamɔ bɔ ni Nyɔŋmɔ ewo lɛ kitã lɛ.

1 Mose 34:15

Nɔ ni wɔtaoɔ kɛkɛ dani wɔɔkpɛ̃lɛ nɔ wɔhã nyɛ ji akɛ nyɛbaatsɔmɔ tamɔ wɔ, ni abaafolɔ nyɛteŋ hii lɛ fɛɛ ketia.

1 Mose 34:22

Shi ja afo wɔteŋ hii fɛɛ ketia tamɔ bɔ ni afo amɛ lɛ dani gbɔmɛi lɛ aaakpɛ̃lɛ ni amɛkɛ wɔ ahi shi ni amɛkɛ wɔ aaafee maŋ kome.

2 Mose 12:48

Shi kɛji gbɔ ni ebato gbɔ miitao akɛ eyeɔ Hehoo lɛ ekɛwo Yehowa hiɛ nyam lɛ, hã afolɔ ebihii lɛ fɛɛ ketia dani eba ni ebaye eko, ni eeetsɔ̃ tamɔ Israelnyo nɔŋŋ. Shi foolɔ ko foolɔ ko akaye eko.

2 Mose 4:25

Kɛkɛ ni Zipora kɔ tɛ kakla ni naa ba, ni ekɛfo ebinuu lɛ ketia; ekɛ loo ni efo lɛ sa Mose naji ahe, ni ekɛɛ, “Lá ayɛmforowu ji bo”.

Yeremia 4:4

Nyɛjiea nyɛtsuii amli muji lɛ nyɛshwiea tamɔ afoɔ ketia kɛjieɔ foo koni nyɛkɛ nyɛhe ahã Yehowa. Nyɛ Yudahii kɛ nyɛ Yerusalɛmbii, kɛjeee nakai lɛ mimlila lɛ baanina nyɛ tamɔ la yɛ nyɛnifɔɔjianii lɛ ahewɔ, ni ebaashã nii, mɔ ko bɛ ni aaanyɛ agbe.”

Yohane 7:22

Mose kɛ ketiafoo lɛ hã nyɛ — jeee akɛ lɛ Mose lɛ eŋɔɔ ejɛ, shi moŋ ejɛ tsɛmɛi lɛ aŋɔɔ — ni hejɔɔmɔ gbi lɛ nɔ lɛ nyɛfoɔ mɔ ketia.

Bɔfoi 7:8

Ni ekɛ ketiafoo he kpãŋmɔ lɛ hã lɛ; ni no hewɔ efɔ Isak ni efo lɛ ketia gbi ni ji kpaanyɔ lɛ nɔ lɛ; ni Isak fɔ Yakob, ni Yakob hu fɔ blematsɛmɛi nyɔŋma kɛ enyɔ lɛ.

Romabii 2:28

Ejaakɛ jeee mɔ ni anaa lɛ yɛ kpo nɔ gbɛ akɛ Yudanyo doo ji Yudanyo, ni asaŋ jeee nɔ ni anaa yɛ kpo nɔ gbɛ yɛ gbɔmɔtso he ji ketiafoo;

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Romabii 3:28

No hewɔ lɛ, wɔbuɔ akɛ hemɔkɛyeli nɔ atsɔ̃ɔ abuɔ gbɔmɔ bem, shi jeee Mla nitsumɔi anɔ.

Romabii 3:30

akɛni Nyɔŋmɔ lɛ Nyɔŋmɔ kome ni, ni hemɔkɛyeli naa ebuɔ ketiafoo bem, ni esaa edamɔɔ hemɔkɛyeli nɔ ebuɔ foo bem lɛ.

Galatabii 3:28

Yudanyo bɛ lɛ, Helanyo hu bɛ dɔŋŋ; nyɔŋ bɛ lɛ, odehe hu bɛ dɔŋŋ; nuu bɛ lɛ, yoo hu bɛ dɔŋŋ: ejaakɛ nyɛ fɛɛ lɛ mɔ kome ji nyɛ yɛ Kristo Yesu mli.

Galatabii 6:12

Mɛi ni taoɔ akɛ amɛ hiɛ aba nyam yɛ gbɔmɛi ahiɛ lɛ, amɛ, amɛnyɛɔ nyɛnɔ ni afolɔ nyɛ ketia, be ni afee kɛkɛ ni akawa amɛyi yɛ Kristo sɛŋmɔtso lɛ hewɔ.

Efesobii 2:11

No hewɔ lɛ, nyɛkaia akɛ nyɛ ni sa ni nyɛ ji jeŋmajiaŋbii yɛ heloo gbɛfaŋ ni mɛi ni atsɛɔ amɛ ketiafolɔi ni akɛ niji folɔ amɛ ketia yɛ heloo mli lɛ tsɛɔ nyɛ foolɔi lɛ,

5 Mose 10:16

No hewɔ lɛ, nyɛtsakea nyɛtsui ni nyɛkpliŋ lɛ, ni nyɛkafea nyɛhe kuɛŋtilɔi dɔŋŋ.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Yoshua 5:2

Nakai be lɛ mli nɔŋŋ ni Yehowa kɛɛ Yoshua akɛ, “Feemɔ tɛ kaklai koni ofolɔ Israelbii lɛ ketia.”

Yoshua 5:4

Nɔ hewɔ ni Yoshua folɔ Israelbii lɛ ketia lɛ nɛ: Israelbii ni shi Ijipt lɛ ateŋ hii fɛɛ, ni ji tabilɔi lɛ, egboi yɛ gbɛteŋ yɛ ŋã lɛ nɔ be ni ajɛ Ijipt abaa lɛ.