1 Mose 17:1 - ŊMALƐ KRƆŊKRƆŊ LƐ

¹ Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

Ṅmãle̱ Kroṅkroṅ Le̱

¹ Ni beni Abram eye afii nyo̱ṅmai-ne̱hũ ké̱ ne̱hũ le̱, Iehowa dšie ehe kpo etšõ Abram, ni ekē̱le̱ ake̱: *Midši Mawu Ofe le̱, †nyiemo̱ mihĩe, ni oye emū. *35,11. 2 Mose 6,8. †1 Mose 48,15.

1 Mose 17:1 ပူးပေါင်းရင်းမြစ်များ

1 Mose 12:1

Yehowa kɛɛ Abram akɛ, “Jee oshikpɔŋ nɛɛ nɔ kɛ ojakumɛi ateŋ kɛ otsɛ we lɛ kɛya shikpɔŋ ni matsɔ̃ɔ bo lɛ nɔ.

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 16:16

Abram eye afii nyɔŋmai kpaanyɔ kɛ ekpaa be ni Hagar kɛ lɛ fɔ Ishmael lɛ.

1 Mose 18:1

Yehowa jie ehe kpo etsɔ̃ɔ Abraham yɛ Mamre tsei lɛ ahe, be ni eta shi yɛ buu lɛ shinaa lɛ naa shwane ketekete lɛ.

1 Mose 18:14

Ani nɔ ko wa hã Yehowa lo? Be ni mito lɛ maba oŋɔɔ ekoŋŋ afi naakplɔ benɛ, ni Sara aaana binuu!”

1 Mose 24:40

Shi ekɛɛ mi akɛ, ‘Yehowa, mɔ toi ni miboɔ daa nɛɛ lɛ, aaatsu ebɔfo afata ohe, ni eeehã oye omanye, ni obaaya oyaŋɔ ŋa yɛ mijaku kɛ mitsɛ we lɛ obahã mibinuu lɛ.

1 Mose 26:2

Shi Yehowa jie ehe kpo etsɔ̃ɔ Isak ni ekɛɛ: “Kaaya Ijipt; shi hii shi yɛ shikpɔŋ ni matsɔ̃ɔ bo lɛ nɔ;

1 Mose 28:3

Nyɔŋmɔ Ofe lɛ ajɔɔ bo, ni ehã oshwere ni owo shwiei babaoo koni oshwiei atsɔ̃ majimaji asafo.

1 Mose 35:11

Nyɔŋmɔ kɛɛ lɛ akɛ, “Mi ji Nyɔŋmɔ Ofe lɛ; fɔ ni oyi afa. Maŋ kɛ maji babaoo aaajɛ omli, ni maŋtsɛmɛi hu aaajɛ omli.

1 Mose 43:14

Aba mli akɛ Nyɔŋmɔ Ofe lɛ ahã nuu lɛ musuŋ atsɔ̃ lɛ yɛ nyɛhe, koni eŋmɛɛ nyɛnyɛmi mɔ kome lɛ kɛ Benyamin he ehã nyɛ. Shi mi lɛ, kɛji aaakpakpaa mibii lɛ fɛɛ yɛ mihe jiŋŋ, efeee nɔ ko.”

1 Mose 46:3

Kɛkɛ ni Nyɔŋmɔ kɛɛ lɛ akɛ, “Mi ji Yehowa, otsɛ Nyɔŋmɔ lɛ. Kaashe Ijipt yaa gbeyei ejaakɛ mahã oshwiei atsɔ̃ jeŋmaŋ kpeteŋkple yɛ jɛi.

1 Mose 48:15

Kɛkɛ ni Yakob jɔɔ Yosef ni ekɛɛ, “Nyɔŋmɔ, mɔ ni mitsɛmɛi Abraham kɛ Isak sɔ̃mɔ lɛ, Nyɔŋmɔ mɔ ni ekwɛ minɔ miwala gbii fɛɛ kɛbashi ŋmɛnɛ gbi nɛɛ,

1 Mose 48:3

Yakob kɛɛ Yosef akɛ, “Nyɔŋmɔ Ofe lɛ jie ehe kpo etsɔ̃ɔ mi yɛ Luz yɛ Kanaan shikpɔŋ lɛ nɔ, ni ejɔɔ mi ni ekɛɛ mi akɛ,

1 Mose 5:22

ni efɔ bihii kɛ biyei krokomɛi.

1 Mose 5:24

Henok mɔ Nyɔŋmɔjamɔ mli waa, no hewɔ lɛ, Nyɔŋmɔ ŋɔ lɛ kɛtee, ni no sɛɛ lɛ anaaa lɛ dɔŋŋ.

1 Mose 6:9

Mɛnɛɛmɛi ji Noa shwiei lɛ. Noa ji jalɔ ni eye emuu yɛ eyinɔbii lɛ ateŋ; ni efeɔ Nyɔŋmɔ suɔmɔnaanii.

1 Maŋtsɛmɛi 2:4

Kɛkɛ lɛ shi ni Yehowa wo mi lɛ baaba mli. No ji, ‘Kɛji oshwiei lɛ kɛ amɛtsui fɛɛ kɛ amɛsusuma fɛɛ aaaba amɛjeŋ yɛ mihiɛ, ni amɛaaye mi anɔkwa lɛ, no lɛ nuu ni aaaye maŋtsɛ yɛ Israel ebɔŋ bo.’

1 Maŋtsɛmɛi 3:6

Ni Solomon kɛɛ lɛ akɛ, “Ofee mitsɛ David ejurɔ, ni osumɔ lɛ kɛ suɔmɔ kpele, ejaakɛ eye bo anɔkwa; eja, ni ekɛ bo hi shi kɛ tsui krɔŋŋ. Ni bo hu osumɔ lɛ, ni ohã lɛ binuu koni eta esɛ̃i lɛ nɔ, tamɔ bɔ ni eba mli ŋmɛnɛ nɛɛ.

1 Maŋtsɛmɛi 8:25

No hewɔ lɛ, agbɛnɛ, Yehowa, Israel Nyɔŋmɔ, miikpa bo fai koni oye oshi hu ni owo mitsɛ David, otsulɔ, lɛ nɔ. Nɔ ni owie akɛ, ‘Nuu ni aaata Israel Maŋtsɛ Sɛ̃i lɛ nɔ lɛ ebɔŋ bo yɛ mihiɛ, kɛji obii lɛ aaale amɛhenɔkwɛmɔ, ni amɛba amɛjeŋ yɛ mihiɛ, taakɛ oba ojeŋ yɛ mihiɛ lɛ.’

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 11:7

Ani ooonyɛ ona Nyɔŋmɔ teemɔŋ nibii anaa? Ani ooonyɛ ole he ni Ofe lɛ hewalɛ yatãa?

Lalai 115:3

WɔNyɔŋmɔ lɛ, Ŋwɛii amli ŋwɛi lɛ eyɔɔ; ni nɔ fɛɛ nɔ ni esumɔɔ lɛ, no efeɔ.

Lalai 116:9

Yehowa hiŋmɛi aaakã mihe yɛ hiɛkãalɔi ashikpɔŋ lɛ nɔ.

Lalai 25:14

Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

2 Mose 6:3

mi mijie mihe kpo mitsɔ̃ɔ Abraham kɛ Isak kɛ Yakob akɛ Nyɔŋmɔ Ofe lɛ. Shi migbɛi Yehowa lɛ, mihãaa akɛ no ale mi.

Abe̱i 10:9

Anɔkwayelɔ hiɔ shi shweshweeshwe, shi mɔ ni bɛ jeŋba lɛ, aaayoo lɛ.

Yesaia 38:3

ni ekɛɛ akɛ, “Ao Yehowa, miikpa bo fai, kaimɔ bɔ ni misɔmɔ bo kɛ anɔkwa kɛ mitsuiŋ fɛɛ, ni mifee nɔ ni hi yɛ ohiɛ!” Kɛkɛ ni Hezekia fo blobloblo.

Yeremia 32:17

“Ao! Nuŋtsɔ Nyɔŋmɔ, bo obɔ ŋwɛi kɛ shikpɔŋ yɛ ohewalɛ kpeteŋkple lɛ kɛ onyɛmɔ naa; nɔ ko nɔ ko shɛɛɛ bo feemɔ.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

4 Mose 11:23

Kɛkɛ ni Yehowa kɛɛ Mose akɛ, “Ani Yehowa bɛ hewalɛ yɛ nɔ fɛɛ nɔ nɔ lo? Miwiemɔ lɛ aaaba mli jio, ebaŋ mli jio, obaana ŋmɛnɛ!”

4 Mose 24:16

‘Mɔ ni nuɔ Nyɔŋmɔ wiemɔi lɛ, ni eleɔ Ŋwɛinyo lɛ yiŋtoi lɛ, ni Ofe lɛ jieɔ ninai etsɔ̃ɔ lɛ lɛ, ni ehiɛ bu shi, shi enaa nɔ fɛɛ nɔ lɛ kɛɔ nɛ:

Mateo 19:26

Shi Yesu kwɛ amɛ, ni ekɛɛ amɛ akɛ, “Gbɔmɛi agbɛfaŋ lɛ anyɛŋ enɛ afee; shi Nyɔŋmɔ gbɛfaŋ lɛ aaanyɛ nii fɛɛ afee.”

Mateo 5:48

No hewɔ lɛ, nyɛhia kɛwulaa shi, tamɔ bɔ ni nyɛTsɛ ni yɔɔ ŋwɛi lɛ hi kɛwula shi lɛ.”

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Bɔfoi 23:1

Ni Paulo tɛje ehiɛ ekwɛ akwaashɔŋ lɛ hiɛ kɛkpe ni ekɛɛ, “Ataamɛi kɛ anyɛmimɛi! Mi lɛ, henilee kpakpa sɔŋŋ mikɛba mijeŋ yɛ Nyɔŋmɔ hiɛ kɛbashi ŋmɛnɛ gbi nɛɛ.”

Bɔfoi 24:16

Enɛ hewɔ mikɛ mihe efɔ̃ɔɔ shi lɛ, bɔ ni afee ni mana henilee ni sɔ̃ ko wulaaa lɛ yɛ Nyɔŋmɔ kɛ gbɔmɛi ahiɛ yɛ nibii fɛɛ amli.

Efesobii 3:20

Shi mɔ ni nyɛɔ efeɔ kɛtekeɔ nɔ babaoo fe nii fɛɛ ni wɔkpaa he fai loo wɔjwɛŋɔ, yɛ ehewalɛ ni tsuɔ nii yɛ wɔmli lɛ naa lɛ,

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

5 Mose 18:13

Yehowa, nyɛNyɔŋmɔ lɛ, akana tɔ̃mɔ ko yɛ nyɛhe.

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Hebribii 12:28

No hewɔ lɛ, akɛni wɔna maŋtsɛyeli ni anyɛŋ ahoso lɛ, nyɛhãa wɔdaa shi ni wɔkɛsɔ̃mɔ Nyɔŋmɔ bɔ ni sa ehiɛ kɛ woo kɛ gbeyeishemɔ!

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.