1 Mose 16:3 - ŊMALƐ KRƆŊKRƆŊ LƐ

³ No hewɔ lɛ, Sarai ŋɔ Ijiptyoo Hagar, eweyoo lɛ, ehã ewu Abram gbãlã, be ni Abram eye afii nyɔŋma yɛ Kanaan shikpɔŋ lɛ nɔ lɛ.

Ṅmãle̱ Kroṅkroṅ Le̱

³ Ni Abram ṅã Sarai le̱ ṅõ Mizraimyō Hagar, eweyō le̱, ehā ewù Abram gblã, beni Abram eye afii nyoṅma ye̱ Kanaan šikpoṅ le̱ no̱ le̱.

1 Mose 16:3 ပူးပေါင်းရင်းမြစ်များ

1 Mose 16:16

Abram eye afii nyɔŋmai kpaanyɔ kɛ ekpaa be ni Hagar kɛ lɛ fɔ Ishmael lɛ.

1 Mose 16:4

Abram kɛ Hagar na musu; shi be ni Hagar na akɛ ehiɛ musu lɛ, ewula lɛ heguɔ gbo yɛ ehiɛ.

1 Mose 16:5

Kɛkɛ ni Sarai kɛɛ Abram akɛ, “Sane ni eŋɔɔɔ ni akɛyeɔ mi nɛɛ, sɔ̃ lɛ atere bo! Mikɛ miweyoo lɛ hã bo; shi kɛjɛ be ni ena akɛ ena musu lɛ, mihiɛ eshwiei shi yɛ ehiɛ. Nyɔŋmɔ aaakojo mi kɛ bo teŋ sane nɛɛ.”

1 Mose 21:21

Ehi shi yɛ Paran ŋa lɛ nɔ, ni enyɛ yaŋɔ yoo kɛjɛ Ijipt shikpɔŋ lɛ nɔ ebahã lɛ.

1 Mose 25:6

Shi ehemɛi lɛ abii lɛ, Abraham hã amɛ nikeenii be mli ni ehiɛ kã beebe, ni ewo amɛ gbɛ kɛje ebi Isak he kɛtee bokãgbɛ yɛ bokãgbɛ shikpɔŋ lɛ nɔ.

1 Mose 28:9

Enɛɛmɛi ahewɔ lɛ, Esau yiŋ etee Abraham bi Ishmael ŋɔɔ, ni eyaŋɔ ebiyoo Mahalat, Nabaiot nyɛmi yoo lɛ, efata eŋãmɛi ni eyɔɔ lɛ ahe.

1 Mose 30:4

No hewɔ lɛ, Rahel kɛ eweyoo Bilha hã Yakob gbãlã. Bilha yawɔ Yakob ŋɔɔ;

1 Mose 30:9

Be ni Lea na akɛ ekpa fɔmɔ lɛ, ekɛ eweyoo Zilpa hã Yakob gbãlã.

1 Mose 32:22

Yakob te shi nyɔɔŋ lɛ mli, ni ekɛ eŋãmɛi enyɔ lɛ kɛ eweyei enyɔ lɛ kɛ ebihii nyɔŋma kɛ ekome lɛ yafo faa lɛ yɛ Yabok faafoohe lɛ.

1 Mose 35:22

Be ni Yakob yɔɔ nakai shikpɔŋ lɛ nɔ lɛ, Ruben yi mli etee ekɛ etsɛ hemɔ Bilha lɛ yawɔ; Yakob nu sane nɛɛ he. Yakob yɛ bihii nyɔŋma kɛ enyɔ.

2 Samuel 5:13

Be ni David efã kɛjɛ Hebron kɛba Yerusalɛm sɛɛ lɛ, esaa eŋɔ hemɛi, ni ekpeekpee yei efata eŋãmɛi lɛ ahe, ni efɔ bihii kɛ biyei efata ebii krokomɛi lɛ ahe.

1 Maŋtsɛmɛi 11:3

Maŋtsɛ Solomon kpee maŋtsɛmɛi abiyei ohai kpawo ni eto hemɛi ohai etɛ̃. Ni nɛkɛ maŋsɛɛ yei nɛɛ hã ekpa yɛ Israel Nyɔŋmɔ lɛ sɛɛ.

Galatabii 4:25

ejaakɛ Hagar ji Sinai Gɔŋ lɛ yɛ Arabia; shi ekɛ ŋmɛnɛŋmɛnɛ Yerusalɛm lɛ yaa, ejaakɛ ekɛ ebii lɛ ji nyɔji;