1 Mose 16:11 - ŊMALƐ KRƆŊKRƆŊ LƐ

¹¹ Yehowa bɔfo lɛ tee nɔ ekɛɛ Hagar akɛ, “Naa, ohiɛ musu ni obaafɔ binuu ni gbɛi ni ooowo lɛ ji Ishmael, ejaakɛ Nyɔŋmɔ ena bɔ ni onaa nɔ ni oyoyro lɛ,

Ṅmãle̱ Kroṅkroṅ Le̱

¹¹ Ni Iehowa bo̱fo le̱ sā kē̱le̱ ake̱: Na, ohĩe mũsũ, ni obafo̱ binū; ni ootšē̱ egbē̱i akē̱ Išmael, edšakē̱ Iehowa enu omane le̱.

1 Mose 16:11 ပူးပေါင်းရင်းမြစ်များ

1 Mose 17:19

Nyɔŋmɔ kɛɛ akɛ, “Okɛ oŋa Sara lɛ baafɔ binuu, ni obaawo lɛ gbɛi akɛ Isak. Mahã mi kɛ lɛ kpãŋmɔ lɛ ama shi ni etsɔ̃ naanɔ kpãŋmɔ ehã eshwiei ni aaaba yɛ esɛɛ lɛ.

1 Mose 21:17

Nyɔŋmɔ nu oblanyo lɛ gbee, ni Nyɔŋmɔ bɔfo jɛ ŋwɛi etsɛ Hagar, ni ekɛɛ lɛ akɛ, “Mɛni gbaa onaa Hagar? Kaashe gbeyei, shi Nyɔŋmɔ enu gbekɛ lɛ gbee yɛ he ni gbekɛ lɛ yɔɔ lɛ.

1 Mose 37:25

Kɛkɛ ni amɛho amɛtara shi ni amɛbɔi niyeli. Be ni amɛwo amɛhiɛ nɔ lɛ, amɛna Ishmaelbii gbɛnyiɛlɔi aku ko ni jɛ Gilead miiba kɛ amɛyoomai ni tere tsofakɛŋmai kɛ gbonyowoo tsofa kɛ ohɛ ni jeɔ ŋma kɛmiiya Ijipt.

Hiob 38:41

Namɔ hã kwãakwãalabite niyenii, be ni ebii bibii bolɔɔ amɛtsɛɔ Nyɔŋmɔ, ni amɛtsomloɔ ejaakɛ niyenii bɛ lɛ?

Lalai 22:24

Ejaakɛ ekwaaa nɔnalɔ nɔnaa lɛ, ni ekuuu ehiɛ efɔ̃ɔɔ nɔnalɔ nɔ. Shi be ni nɔnalɔ bo etsɛ lɛ lɛ, ehere lɛ nɔ.

2 Mose 3:7

Yehowa kɛɛ akɛ, “Naa, mina amanehulu mli ni miwebii lɛ yɔɔ yɛ Ijipt lɛ, ni minu ŋkɔmɔ blɔmɔ ni amɛbolɔɔ koni abahere amɛ yɛ amɛkpalalɔi lɛ adɛŋ lɛ hu. Amɛnidɔɔ nii lɛ kã mitsui nɔ pam.

2 Mose 3:9

Israelbii lɛ akɔmɔyeli lɛ jwere mitoiŋ, ni mihiɛ tua bɔ ni Ijiptbii haoɔ amɛ lɛ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Luka 1:13

Shi bɔfo lɛ kɛɛ lɛ akɛ, “Kaashe gbeyei, Zakaria, ejaakɛ Nyɔŋmɔ ebo ofaikpamɔ lɛ toi, ni oŋa Elizabet aaafɔ binuu ahã bo, ni ooowo lɛ gbɛi akɛ Yohane.

Luka 1:31

Ni naa, obaana musu, ni ooofɔ binuu ni ooowo lɛ gbɛi akɛ Yesu.

Luka 1:63

Ni ebi tao ko, ni eŋma akɛ, “Yohane ji egbɛi.” Ni efee amɛ fɛɛ naakpɛɛ.

1 Samuel 1:20

be ni shɛɔ afi naakplɔ lɛ Hana ena musu, ni efɔ binuu. Hana wo abifao lɛ gbɛi akɛ Samuel, ni ekɛɛ, “Ejaakɛ miba lɛ yɛ Yehowa dɛŋ.”