1 Mose 15:5 - ŊMALƐ KRƆŊKRƆŊ LƐ

⁵ Nyɔŋmɔ kɛ Abram je kpo ni ekɛɛ lɛ akɛ, “Kwɛmɔ ŋwɛi koo, ni okane ŋulamii lɛ akɛ ooonyɛ amɛ okane lo.” Ekɛɛ Abram akɛ, “Bɔ ni oshwiei aaatamɔ nɛ.”

Ṅmãle̱ Kroṅkroṅ Le̱

⁵ Ni ehā edše kpo, ni eké̱le̱ ake̱: Kwe̱mo̱ ṅwei ko, ni okane ṅulamii, ake̱ oonyẽame̱ okane lo? Ni ekẽle̱ ake̱: Bo̱ni oseši aatamo̱ ne̱. 22,17. 2 Mose 32,13. 3 Mose 1,10.

1 Mose 15:5 ပူးပေါင်းရင်းမြစ်များ

1 Mose 12:2

Mahã otsɔ̃ maŋ kpeteŋkple, ni majɔɔ bo, ni mahã ogbɛi ahehee, ni oootsɔ̃ jɔɔmɔ!

1 Mose 13:16

Mahã oshwiei afa tamɔ shikpɔŋ mlu, ni kɛji mɔ ko aaanyɛ shikpɔŋ mlu akane lɛ, belɛ aaanyɛ oshwiei lɛ hu akane.

1 Mose 16:10

Asaŋ Yehowa bɔfo lɛ kɛɛ Hagar akɛ, “Fa mahã oshwiei afa babaoo bɔ ni anyɛŋ amɛ akane.”

1 Mose 17:2

Mikɛ mikpãŋmɔ lɛ baaŋmɛ mi kɛ bo teŋ, ni mahã oshwiei afa babaoo diɛŋtsɛ.”

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 28:14

Oshwiei aaafa tamɔ shikpɔŋ mlu, ni ooogbɛ oshwã anai kɛ bokã kɛ kooyi kɛ wuoyi. Bo kɛ oshwiei amli aaajɛ ajɔɔ shikpɔŋ lɛ nɔ akutsei fɛɛ.

1 Mose 32:13

No hewɔ lɛ, Yakob wɔ jɛi nakai gbi lɛ, ni ekɛ nii ni ehiɛ lɛ eko yake enyɛmi Esau;

1 Maŋtsɛmɛi 3:8

Shi esa akɛ maye omaŋ kpeteŋkple nɛɛ nɔ, maŋ ni bo diɛŋtsɛ ohala, maŋ ni amɛfa babaoo bɔ ni anyɛŋ amɛ akane tete lɛ.

1 Kronika 27:23

Maŋtsɛ David hãaa akane mɛi ni yeko afii nyɔŋmai enyɔ ejaakɛ Yehowa ewo shi eto akɛ ebaahã Israel yi afa tamɔ ŋwɛi ŋulamii lɛ.

Nehemia 9:23

Ohã amɛbii lɛ hu ayi fa tamɔ ŋulamii, ni oŋɔ amɛ kɛba shikpɔŋ lɛ ni okɛɛ amɛtsɛmɛi akɛ amɛya amɛyaŋɔ lɛ nɔ.

Hiob 35:5

Kwɛmɔ ŋwɛi! Kwɛmɔ bɔ ni atatui lɛ yɔɔ ŋwɛi shɔŋŋ yɛ oyiteŋ!

Lalai 147:4

Lɛ etsɔ̃ɔ ŋulamii lɛ ayibɔ, ni ewoɔ eko fɛɛ eko gbɛi lɛ.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

Yesaia 51:2

Nyɛkwɛa nyɛtsɛ Abraham kɛ Sara, mɛi amli ni nyɛjɛ lɛ. Be ni mitsɛ Abraham lɛ, ekome ni; shi mijɔɔ lɛ, ni mihã ewo shwiei babaoo.

Yeremia 33:22

Bɔ ni anyɛŋ ŋwɛi ŋulamii afalɛ akane, ni anyɛŋ ŋshɔnaa shia falɛ akane lɛ, nakai mahã mitsulɔ David shwiei kɛ Levibii ni ji misɔ̃ɔlɔi lɛ hu ayi afa.”

Romabii 4:18

Ni he ni kulɛ hiɛnɔkãmɔ ko bɛ lɛ, ena hiɛnɔkãmɔ kɛ he ni ehe eye, mɔ ni etsɔ̃ jeŋmaji pii atsɛ, tamɔ bɔ ni akɛɛ lɛ akɛ, “Nakai oshwiei lɛ aaatamɔ.”

5 Mose 1:10

Yehowa, nyɛNyɔŋmɔ lɛ, ehã nyɛyi efa, ni ŋmɛnɛ nyɛyikulɛ tamɔ ŋwɛi ŋulamii.

5 Mose 10:22

Nyɛtsɛmɛi lɛ ni tee Ijipt lɛ ayikulɛ ji gbɔmɛi nyɔŋmai kpawo; shi ŋmɛnɛ lɛ, Yehowa, nyɛNyɔŋmɔ lɛ, ehã nyɛyi efa tamɔ ŋwɛi ŋulamii.”

Hebribii 11:12

No hewɔ hu ni ajɛ mɔ kome ni tamɔ mɔ ni egbo momo lɛ mli afɔ mɛi ni fa babaoo tamɔ ŋwɛi ŋulamii loo ŋshɔ naa shia ni anyɛɛɛ akane lɛ.

Yoshua 24:3

Miyaŋɔ̃ nyɛtsɛ Abraham kɛjɛ Eufrate Faa lɛ sɛɛ, ni mihã ekpa Kanaan shikpɔŋ tso muu lɛ fɛɛ nɔ, ni mihã ewo shwiei babaoo. Miduro lɛ Isak,