1 Mose 15:18 - ŊMALƐ KRƆŊKRƆŊ LƐ

¹⁸ Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

Ṅmãle̱ Kroṅkroṅ Le̱

¹⁸ Nakai gbĩ le̱ Iehowa ke̱ Abram kpãṅ ni ekē̱ ake̱: *Oseši le̱ maṅõ ne̱ke̱ šikpoṅ ne̱ mahā ke̱-dše̱ Mizraim fā le̱ nā ke̱-yaši fā kpeteṅkple ṅi dši Eufrate fã le̱ nā: *12,7.

1 Mose 15:18 ပူးပေါင်းရင်းမြစ်များ

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 13:15

bo kɛ oshwiei mikɛbaahã kɛaatee naanɔ.

1 Mose 2:14

Faa ni ji etɛ̃ lɛ gbɛi ji Tigris. Ehoɔ yɛ Asiria bokãgbɛ. Faa ni ji ejwɛ lɛ gbɛi ji Eufrate.

1 Mose 24:7

Yehowa, ŋwɛi Nyɔŋmɔ lɛ, mɔ ni ŋɔ mi kɛjɛ mitsɛ we lɛ kɛ miwekumɛi ashikpɔŋ lɛ nɔ ni ekɛ mi wie ni ekã mi kitã akɛ, ‘Oshwiei maŋɔ nɛkɛ shikpɔŋ nɛɛ mahã lɛ,’ lɛ eeetsu ebɔfo kɛnyiɛ ohiɛ ni oyaŋɔ yoo kɛjɛ jɛi obahã mibi lɛ.

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 28:4

Bɔ ni ejɔɔ Abraham lɛ, ejɔɔ bo kɛ oshwiei nakai nɔŋŋ koni ogbɔtoo shikpɔŋ nɛɛ ni Nyɔŋmɔ kɛhã otsɛ Abraham lɛ atsɔ̃ onɔ.”

1 Mose 35:12

Shikpɔŋ lɛ ni mikɛhã Abraham kɛ Isak lɛ, bo mikɛbaahã, ni oshwiei ni aaaba yɛ osɛɛ lɛ mikɛ shikpɔŋ nɛɛ baahã.”

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

2 Samuel 23:5

Bɔ ni Nyɔŋmɔ baajɔɔ miwe lɛ nɛ, ejaakɛ ekɛ mi ekpãŋ naanɔ kpãŋmɔ, kpãŋmɔ ko ni akuŋ mli, shiwoo ko ni atsakeŋ hiɛ. Anɔkwa, Nyɔŋmɔ baahã mi yelikɛbuamɔ ni he ehia, kɛ mitaomɔ nii fɛɛ.

2 Samuel 8:3

David ye Zoba Maŋtsɛ Hadadezer, Rehob bi lɛ, hu nɔ kunim, be ni Hadadezer yiŋ etee akɛ eyaapele hewalɛ ni eyɔɔ yɛ shikpɔŋ ni kã Eufrate Faa lɛ naa lɛ he lɛ.

1 Maŋtsɛmɛi 4:21

Solomon ye maŋtsɛyelii fɛɛ nɔ lumɔ kɛjɛ Eufrate Faa lɛ naa, kɛ Filistibii lɛ ashikpɔŋ lɛ nɔ kɛyashwie Ijipt husui lɛ anɔ. Amɛtsu onia amɛhã Solomon, ni amɛsɔmɔ lɛ ewala gbii abɔ fɛɛ.

1 Maŋtsɛmɛi 5:1

Hiram, Tiro maŋtsɛ lɛ, naanyo ji Maŋtsɛ David yɛ ewala beiaŋ fɛɛ. Be ni Hiram nu akɛ afɔ Solomon mu awo lɛ maŋtsɛ yɛ etsɛ David sɛɛ lɛ, etsu etsuji kɛba Solomon ŋɔɔ.

1 Kronika 16:16

ni ji kpãŋmɔ ni ekɛ Abraham kpãŋ lɛ; kɛ kitã lɛ hu ni ekã Isak lɛ,

1 Kronika 5:9

Amɛ nɔŋŋ amɛhi bokãgbɛ shikpɔŋ lɛ nɔ kɛtee aahu kɛyanina shiaŋa lɛ ni kã shi kɛtee Eufrate Faa lɛ naa lɛ, ejaakɛ amɛkooloi lɛ shwere yɛ Gilead shikpɔŋ lɛ nɔ.

2 Kronika 7:8

Nakai be lɛ mli nɔŋŋ ni Solomon kɛ Israel asafo kpeteŋkple diɛŋtsɛ lɛ fɛɛ ye Asesei Agbijurɔ lɛ kɛyashi gbii kpawo. Mɛi jɛ kooyigbɛ shɔŋŋ yɛ Lebo-Hamat aahu kɛyashwie Ijipt faa lɛ naa niiaŋ tɔ̃ɔ yɛ wuoyigbɛ amɛba amɛbaye afi lɛ eko.

2 Kronika 8:7

Hitbii kɛ Amorbii kɛ Perizbii kɛ Hivbii kɛ Yebusbii lɛ ateŋ mɛi fɛɛ ni shwɛ yɛ Kanaan shikpɔŋ lɛ nɔ, ni jeee Israelbii ji amɛ lɛ,

2 Kronika 9:26

Maŋtsɛmɛi fɛɛ yɛ Solomon shishi kɛjɛ Eufrate Faa lɛ naa kɛyashi Filistibii ashikpɔŋ lɛ kɛ Ijipt husui lɛ anɔ.

Ezra 4:20

Asaŋ maŋtsɛmɛi wuji hu ehi Yerusalɛm ni amɛye Eufrate Faa lɛ biɛgbɛ shikpɔŋ lɛ fɛɛ nɔ, ni atsuɔ onia kɛ maŋ too kɛ gbɛjee shika ahãa amɛ.

Nehemia 9:8

Ona akɛ eyeɔ bo anɔkwa, ni okɛ lɛ kpãŋ akɛ okɛ Kanaanbii kɛ Hitbii kɛ Amorbii lɛ kɛ Perizbii kɛ Yebusbii kɛ Girgashbii ashikpɔŋ lɛ baahã eshwiei lɛ; ni oye oshiwoo lɛ nɔ, ejaakɛ jalɔ ji bo.

Lalai 105:11

Ekɛɛ akɛ, “Bo maŋɔ Kanaan shikpɔŋ lɛ mahã akɛ nyɛgbɛfaŋnɔ kɛ gboshinii.”

2 Mose 13:11

“Kɛji Yehowa kɛ nyɛ yashɛ Kanaanbii ashikpɔŋ lɛ nɔ tamɔ bɔ ni ekã nyɛ kɛ nyɛtsɛmɛi lɛ kitã akɛ ekɛaahã nyɛ lɛ,

2 Mose 2:24

Nyɔŋmɔ nu amɛkɔmɔyeli lɛ, ni ekai kpãŋmɔ ni ekɛ Abraham kɛ Isak kɛ Yakob kpãŋ lɛ.

2 Mose 23:23

Mibɔfo lɛ aaanyiɛ nyɛhiɛ kɛyanina Amorbii lɛ kɛ Hitbii lɛ kɛ Perizbii lɛ kɛ Kanaanbii lɛ kɛ Hivbii lɛ kɛ Yebusbii lɛ, ni makpãtã amɛhiɛ butubutu.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

2 Mose 34:11

Ye mlai ni miwoɔ bo ŋmɛnɛ nɛɛ anɔ. Naa, mibahã Amorbii lɛ kɛ Kanaanbii lɛ kɛ Hitbii lɛ kɛ Perizbii lɛ kɛ Hivbii lɛ kɛ Yebusbii lɛ ajo nyɛnaa foi.

2 Mose 34:24

Ejaakɛ mibashwie majimaji yɛ nyɛhiɛ, ni malɛɛ nyɛhusui lɛ amli kɛya shɔŋŋ, ni daa afi shii etɛ̃, be mli ni nyɛba Yehowa, nyɛNyɔŋmɔ lɛ, hiɛ lɛ mɔ ko mɔ ko hiɛ ekɔŋ nyɛshikpɔŋ lɛ nɔ ni eeeta he.

2 Mose 6:4

Ni misaa mi kɛ amɛ kpãŋ akɛ mikɛ Kanaan shikpɔŋ lɛ baahã amɛ, shikpɔŋ ko ni amɛyato gbɔ yɛ nɔ lɛ.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Yesaia 27:12

Ao Israel, nakai gbi lɛ, Yehowa aaahala nyɛ ekomekome kɛjɛ Eufrate Faa lɛ naa kɛyaashi Ijipt husu lɛ nɔ, tamɔ mɔ ko ni miigbee ŋmãa.

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yeremia 32:22

ni oŋɔ shikpɔŋ nɛɛ ni okã amɛtsɛmɛi lɛ kitã yɛ he akɛ okɛbaahã amɛ lɛ ohã amɛ, eji shikpɔŋ kɛ emli fɔ ni baa nii.

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

3 Mose 26:42

no lɛ mibakai mi kɛ Yakob teŋ kpãŋmɔ lɛ, kɛ mi kɛ Isak teŋ kpãŋmɔ lɛ hu, kɛ mi kɛ Abraham teŋ kpãŋmɔ lɛ hu, ni mibakai amɛshikpɔŋ lɛ.

3 Mose 26:45

Shi amɛhewɔ lɛ, mibakai mi kɛ amɛtsɛmɛi lɛ ateŋ kpãŋmɔ lɛ, amɛtsɛmɛi lɛ ni mijie yɛ Ijipt shikpɔŋ lɛ nɔ yɛ majimaji lɛ ahiɛ lɛ, koni matsɔ̃ amɛNyɔŋmɔ lɛ. Mi ji Yehowa.”

4 Mose 34:5

Husu lɛ baadɔ eyi yɛ Azmon kɛyanina Ijipt husu lɛ naa jɔɔ lɛ, ni enaa baaya eyatã yɛ Mediterenia Ŋshɔ lɛ naa.

Bɔfoi 7:5

ni ehãaa lɛ nɔyelinɔ ni ji shikpɔŋ ni shɛɔ nane tokota lɛɛmɔ tete, shi ewo lɛ shi akɛ ekɛaahã lɛ kɛ eshwiei ni baaba yɛ esɛɛ lɛ akɛ amɛnɔ, tsɛ no mli lɛ ebɛ bi kwraa po.

5 Mose 11:24

He fɛɛ he ni nyɛnane aaasa lɛ jɛi aaatsɔ̃ nyɛnɔ. Nyɛshikpɔŋ lɛ baajɛ shiaŋa lɛ nɔ yɛ wuoyigbɛ, kɛyanina Lebanon gɔji lɛ yɛ kooyigbɛ; ni ebaajɛ Eufrate Faa lɛ naa yɛ bokãgbɛ kɛyamɔ Mediterenia Ŋshɔ lɛ yɛ anaigbɛ.

5 Mose 12:20

“Kɛji be ni Yehowa, nyɛNyɔŋmɔ lɛ, elɛɛ nyɛhusui lɛ amli tamɔ bɔ ni ewo nyɛ shi lɛ, ni eba nyɛtsine akɛ nyɛye loo lɛ, nyɛyɛ hegbɛ akɛ nyɛyeɔ loo bɔ fɛɛ bɔ ni nyɛaanyɛ.

5 Mose 19:8

“Nyɛhalaa maji etɛ̃ krokomɛi hu nyɛkɛfataa abobaa maji etɛ lɛ ahe kɛji Yehowa, nyɛNyɔŋmɔ lɛ, lɛɛ nyɛhusui lɛ amli ehã nyɛ, tamɔ bɔ ni ewo nyɛtsɛmɛi lɛ shi akɛ ebaafee lɛ, ni ekɛ shikpɔŋ ni ewo nyɛtsɛmɛi lɛ shi yɛ he akɛ ekɛbaahã amɛ lɛ fɛɛ hã nyɛ lɛ. Kɛji nyɛye nɛkɛ kitãi nɛɛ fɛɛ anɔ, ni nyɛfee nɔ ni kitãi lɛ kɛɔ lɛ, ni nyɛsumɔ Yehowa, nyɛNyɔŋmɔ lɛ, ni nyɛba nyɛjeŋ bɔ ni etaoɔ lɛ, eeeŋɔ shikpɔŋ lɛ ehã nyɛ.

5 Mose 34:4

Kɛkɛ ni Yehowa kɛɛ Mose akɛ, “Shikpɔŋ lɛ ni miwo Abraham kɛ Isak kɛ Yakob shi yɛ he akɛ, ‘Mikɛbaahã nyɛshwiei’ lɛ, no nɛ. Mihã ona kɛ ohiŋmɛitsei enyɔ, shi jɛi ni oyaŋ.”

5 Mose 7:1

“Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,

Yoshua 13:3

ni ji kɛjɛ Shihor Faa lɛ naa, yɛ Ijipt bokãgbɛ lɛ, kɛtee kɛyashi Ekron husu lɛ naa, he ni abuɔ akɛ Kanaanbii ashikpɔŋ lɛ. Filistibii lɛ amaŋtsɛmɛi enumɔ ni ji Gaza maŋtsɛ kɛ Ashdod maŋtsɛ kɛ Ashkelon maŋtsɛ kɛ Gat maŋtsɛ kɛ Ekron maŋtsɛ yɛ jɛi, kɛ Avimbii ashikpɔŋ lɛ hu.

Yoshua 15:4

Kɛjɛ biɛ lɛ husu lɛ tsɔ̃ Azmon kɛtee Ijipt faa lɛ naa, ni enaa yatã yɛ Mediterenia Ŋshɔ lɛ naa. Enɛ ji Yudabii lɛ ashikpɔŋ lɛ wuoyigbɛ husu lɛ.

Kpojiemɔ 9:14

ni miikɛɛ bɔfo ni ji ekpaa lɛ ni hiɛ tɛtɛrɛmantɛrɛ lɛ akɛ, “Fɛnemɔ bɔfoi ejwɛ lɛ ni afimɔ amɛ yɛ Eufrate Faa kpeteŋkple lɛ naa lɛ!”