1 Mose 15:17 - ŊMALƐ KRƆŊKRƆŊ LƐ

¹⁷ Ni be ni hulu enyɔ shi ni hiɛ ebu lɛ, naa, kukwɛi kɛ emli la ni miifã lasu kɛ kɔti ni miitso gboŋaa batsɔ̃ loi fãfãafãi lɛ ateŋ kɛho.

Ṅmãle̱ Kroṅkroṅ Le̱

¹⁷ Ni beni hũlũ enyõ ši ni hĩe ebu le̱, na, flõnõ ni fãa lasũ ke̱ lalile̱i batšṍ kukudši ne̱ ateṅ.

1 Mose 15:17 ပူးပေါင်းရင်းမြစ်များ

1 Mose 15:10

Abram kɛ enɛɛmɛi fɛɛ ba. Abram folɔ amɛmli enyɔɔnyɔɔnyɔ, ni eto fãfãi lɛ eshwie biɛ kɛ biɛ, eko yɛ eko ŋlɛnɔ; shi loofɔji lɛ efolɔɔɔ amɛmli.

2 Samuel 22:9

Lasu fã kɛjɛ egugɔ mli, ni la ni kpãtãa nii ahiɛ jɛ edaaŋ; ŋai ni miitsɛ̃ hu jɛ edaaŋ.

1 Maŋtsɛmɛi 18:38

Kɛkɛ ni Yehowa hã la gba kɛbabote afɔle lɛ mli, ni eshã afɔle lɛ kɛ lai lɛ kɛ tɛi lɛ kɛ su lɛ, ni nu lɛ tete ni yɔɔ bu ni bɔle afɔleshãa latɛ lɛ mli lɛ ŋala wɛɛ.

1 Kronika 21:26

Kɛkɛ ni David ma afɔleshãa latɛ yɛ ŋmãagbeemɔhe lɛ. Be ni ekɛ shãa afɔlei kɛ shidaa afɔlei eba sɛɛ lɛ, esɔle etsɛ Yehowa, ni Yehowa here David nɔ, ni ehã la jɛ ŋwɛi ba, ni ebasɔo afɔlei lɛ anaa la yɛ afɔleshãa latɛ lɛ nɔ.

2 Mose 19:18

Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

Yesaia 62:1

Zion hewɔ lɛ mimuaŋ minaa, ni Yerusalɛm hewɔ lɛ mijɔŋ mihe kɛyaashi bem ni eye lɛ aaaje kpo faŋŋ tamɔ leebi hulu, ni eyiwala ni ahere lɛ aaatso tamɔ kɔti.

Yeremia 11:4

Kpãŋmɔ nɛɛ ji kpãŋmɔ ni mi kɛ nyɛtsɛmɛi lɛ kpãŋ, asaŋ ni miwo amɛ kitã yɛ he be ni mijie amɛ kɛjɛ Ijipt shikpɔŋ lɛ nɔ, he ni amɛhe dɔ la yɛ, tamɔ dade flɔnɔɔŋ lɛ. Mifã nyɛ akɛ nyɛbo migbee toi, ni nyɛye nibii ni mikɛɛ nyɛ lɛ fɛɛ nɔ, koni nyɛtsɔ̃ mimaŋ, ni mi hu matsɔ̃ nyɛNyɔŋmɔ,

5 Mose 4:20

Shi nyɛ lɛ, Yehowa yakpɔ̃ nyɛ yɛ Ijipt, kɛje dade flɔnɔɔ lɛ mli, koni nyɛbatsɔ̃ lɛ diɛŋtsɛ ewebii tamɔ bɔ ni nyɛyɔɔ ŋmɛnɛ gbi nɛɛ lɛ.

Kojolɔi 13:20

Be ni lalilɛi lɛ te shi kɛjɛ afɔleshãa latɛ lɛ nɔ kɛyaa ŋwɛi lɛ, Yehowa bɔfo lɛ tsɔ̃ afɔleshãa latɛ lɛ nɔ lalilɛi lɛ mli ekwɔ kɛtee ŋwɛi. Manoa kɛ eŋã lɛ na kɛkɛ ni amɛkɛ amɛhiɛ bumɔ shi.

Kojolɔi 6:21

Gideon fee nakai. Kɛkɛ ni Yehowa bɔfo lɛ kpã edɛhiɛmɔtso lɛ mli, ni ekɛ tso lɛ naabu sa loo lɛ kɛ akpiti lɛ he. La jɛ tɛsaa lɛ mli ni ebashã loo lɛ kɛ akpiti lɛ wɛɛ. Kɛkɛ ni Yehowa bɔfo lɛ laaje yɛ Gideon hiɛ.