1 Mose 15:13 - ŊMALƐ KRƆŊKRƆŊ LƐ

¹³ Kɛkɛ ni Yehowa kɛɛ Abram akɛ, “Na ole akɛ oshwiei aaatsɔ̃mɔ gbɔi yɛ shikpɔŋ ni jeee amɛnɔ nɔ ni amɛaasɔ̃mɔ shikpɔŋ lɛ nɔ bii lɛ ni gbɔmɛi nɛɛ aaawa oshwiei lɛ ayi afii ohai ejwɛ.

Ṅmãle̱ Kroṅkroṅ Le̱

¹³ Ni ekē̱ Abram ake̱: Ná ole ake̱ osešibii aatšṍmo̱ gbo̱i ye̱ šikpoṅ ni dšee ame̱nõ no̱; ni ame̱asúmo̱ame̱, ni nomei aawa ame̱yi afii ohai-edſe̱. 2 Mose 12,40. Bo̱f. 7,6.

1 Mose 15:13 ပူးပေါင်းရင်းမြစ်များ

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

1 Mose 47:4

Ni asaŋ amɛkɛɛ Farao akɛ, “Wɔba gbɔtoo yɛ shikpɔŋ nɛɛ nɔ ejaakɛ otsuji kooloi lɛ naaa nii amɛye yɛ Kanaan shikpɔŋ lɛ nɔ yɛ hɔmɔ ni naa wa ni yɔɔ Kanaan shikpɔŋ lɛ nɔ lɛ hewɔ. No hewɔ lɛ, wɔmiikpa bo fai ni ohã otsuji ahi Goshen shikpɔŋ lɛ nɔ.”

Lalai 105:42

Ejaakɛ ekai eshiwoo krɔŋkrɔŋ, ni ewo etsulɔ Abraham lɛ.

2 Mose 1:11

No hewɔ lɛ, Ijiptbii lɛ totoo nitsumɔ nɔkwɛlɔi yɛ Israelbii lɛ anɔ koni amɛkɛ nitsumɔi keketekeketei awa amɛ yi. Israelbii mamɔ nitoo maji ni ji Pitom kɛ Rameses amɛhã Farao.

2 Mose 1:13

No hewɔ lɛ, amɛhiɛ Israelbii lɛ nyɔji ahiɛmɔ shɛii.

2 Mose 1:14

Amɛhã amɛnaa su, ni amɛfo ntayaa, ni amɛtsu ŋmɔshi nitsumɔi srɔtoi, ni enɛ hã jeŋ shihilɛ je Israelbii lɛ atsine.

2 Mose 2:24

Nyɔŋmɔ nu amɛkɔmɔyeli lɛ, ni ekai kpãŋmɔ ni ekɛ Abraham kɛ Isak kɛ Yakob kpãŋ lɛ.

2 Mose 22:21

“Akaye gbɔ sane ni ejaaa, ni akawa lɛ yi ejaakɛ nyɛ hu nyɛyatsɔ̃mɔ gbɔi yɛ Ijipt dã.

2 Mose 23:9

“Nyɛkawaa gbɔ yi, akɛ ni nyɛle bɔ ni gbɔ tsui nuɔ nii ahe ehãa lɛ, ejaakɛ nyɛ hu nyɛyatsɔ̃mɔ gbɔi yɛ Ijipt dã.”

2 Mose 3:10

No hewɔ lɛ, ba ni matsu bo Farao ŋɔɔ koni oyajie mimaŋ Israel kɛje Ijipt.”

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

3 Mose 19:34

Nyɛhiɛa lɛ tamɔ bɔ ni nyɛbaahiɛ nyɛnyɛmi Israelnyo nɔŋŋ, ni nyɛsumɔa lɛ tamɔ bɔ ni nyɛsumɔɔ nyɛ diɛŋtsɛ nyɛhe lɛ; ejaakɛ nyɛ hu nyɛyato gbɔ pɛŋ yɛ Ijipt shikpɔŋ lɛ nɔ. Mi ji Yehowa, nyɛNyɔŋmɔ lɛ.

4 Mose 20:15

bɔ ni wɔblema tsɛmɛi lɛ tee Ijipt, kɛ bɔ ni wɔhi shi yɛ Ijipt be kplaŋŋ diɛŋtsɛ, kɛ bɔ ni Ijiptbii fee wɔ kɛ wɔtsɛmɛi lɛ fɛɛ niseniianii aahu.

Bɔfoi 7:17

“Shi be ni bè ni Nyɔŋmɔ baaye eshi ni ewo Abraham lɛ nɔ lɛ shɛ lɛ, maŋ lɛ shwere, ni amɛyi fa yɛ Ijipt shikpɔŋ lɛ nɔ,

Galatabii 3:17

Shi nɔ ni mitsɔ̃ɔ lɛ ji akɛ Mla ni awo yɛ afii ohai ejwɛ kɛ nyɔŋmai etɛ̃ sɛɛ lɛ eguuu kpãŋmɔ ni Nyɔŋmɔ ema nɔ aduatsɔ eto lɛ ni ehã shiwoo lɛ afee yaka.

5 Mose 10:19

No hewɔ lɛ, nyɛdɔa gbɔ he ejaakɛ nyɛ hu nyɛyato gbɔ pɛŋ yɛ Ijipt shikpɔŋ lɛ nɔ.

5 Mose 5:15

Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.