1 Mose 15:1 - ŊMALƐ KRƆŊKRƆŊ LƐ

¹ Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

Ṅmãle̱ Kroṅkroṅ Le̱

¹ Sädši ne̱ ase̱ le̱ Iehowa wiemo̱ ba Abram ṅõ ye̱ ninā mli ake̱: Kāše gbeyei, Abram; midši *otše̱ṅ ke̱ oṅyõmo̱wo ni fá naakpa. *Lal. 3,4; 84,12; 119,114.

1 Mose 15:1 ပူးပေါင်းရင်းမြစ်များ

1 Mose 15:2

Shi Abram kɛɛ, “Nuŋtsɔ Nyɔŋmɔ, mɛni obaahã mi, mi ni minyiɛ ni mibɛ bi ni mɔ ni baaye migboshinii lɛ ji Eliezer, Damaskonyo nɛɛ?”

1 Mose 15:4

Kɛkɛ ni Yehowa kɛɛ Abram akɛ, “Mɔ nɛ yeŋ onii; shi moŋ bi ni aaajɛ bo diɛŋtsɛ omusuŋ lɛ, lɛ ebaaye onii.”

1 Mose 21:17

Nyɔŋmɔ nu oblanyo lɛ gbee, ni Nyɔŋmɔ bɔfo jɛ ŋwɛi etsɛ Hagar, ni ekɛɛ lɛ akɛ, “Mɛni gbaa onaa Hagar? Kaashe gbeyei, shi Nyɔŋmɔ enu gbekɛ lɛ gbee yɛ he ni gbekɛ lɛ yɔɔ lɛ.

1 Mose 22:1

Saji nɛɛ asɛɛ lɛ eba mli akɛ Nyɔŋmɔ ka Abraham ni ekɛɛ lɛ akɛ, “Abraham!” Ni Abraham kɛɛ, “Naa mi!”

1 Mose 22:20

Saji nɛɛ asɛɛ lɛ, eba mli akɛ abakɛɛ Abraham akɛ, “Naa, Milka hu kɛ onyɛmi nuu Nahor efɔ bii.”

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

1 Mose 31:7

kɛ̃lɛ nyɛtsɛ shishiu mi, ni etsake minyɔmɔwo shii nyɔŋma; shi Nyɔŋmɔ hãaa lɛ hegbɛ ni efee mi efɔŋ ko.

2 Samuel 22:3

MiNyɔŋmɔ lɛ ji mitɛsaa, mɔ mli ni mibaa abo yɛ. Ebuɔ mihe tamɔ tsɛŋ, ni efãa mihe, ni ehãa mifeɔ shweshweeshwe. Lɛ ji miyiwalaherelɔ ni buɔ mihe, ni hereɔ mi kɛjɛɔ nɔnaa mli.

2 Maŋtsɛmɛi 1:15

Kɛkɛ ni Yehowa bɔfo lɛ kɛɛ Elia akɛ, “Okɛ lɛ akpeleke shi kɛya, kaashe lɛ gbeyei!” Kɛkɛ ni Elia te shi, ni ekɛ lɛ tee maŋtsɛ lɛ ŋɔɔ, ni ekɛɛ lɛ akɛ,

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

Lalai 115:10

Oo Aaronwe, nyɛŋɔa nyɛhiɛ nyɛfɔa Yehowa nɔ! Lɛ ji nyɛbualɔ kɛ nyɛtsɛŋ!

Lalai 119:114

Bo ji miteemɔhe kɛ mitsɛŋ; owiemɔ lɛ nɔ mihiɛ kã.

Lalai 142:5

Oo Yehowa, miibolɔ miitsɛ bo! Mikɛɛ akɛ bo ji mibobaahe, bo ji migbɛfaŋnɔ yɛ hiɛkãalɔi ashikpɔŋ lɛ nɔ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 27:1

Yehowa ji mila kɛ miyiwalaheremɔ, namɔ po gbeyei mashe? Yehowa ji miwala hewalɛ ni wa, namɔ hiɛ po mihe aaakpokpo yɛ?

Lalai 3:3

Shi Yehowa, bo ji mihebuu tsɛŋ, bo ji minunyam, bo ohãa mihiɛ baa nyam.

Lalai 3:4

Miwoɔ migbee nɔ, mibolɔɔ mitsɛɔ Yehowa, ni ejɛɔ egɔŋ krɔŋkrɔŋ lɛ nɔ ehereɔ mi nɔ.

Lalai 5:12

Ejaakɛ bo Yehowa lɛ jalɔ ojɔɔ, ni okɛ mlihilɛ buɔ ehe tamɔ tsɛŋ.

Lalai 58:11

Mɛi aaakɛɛ akɛ, “Lɛɛlɛŋ akɛ nyɔmɔwoo ko yɛ hã jalɔ; lɛɛlɛŋ akɛ Nyɔŋmɔ ko yɛ ni kojoɔ yɛ shikpɔŋ lɛ nɔ.”

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Lalai 84:9

Oo Nyɔŋmɔ, jɔɔmɔ wɔmaŋtsɛ lɛ, jɔɔmɔ mɔ ni ofɔ lɛ mu lɛ.

Lalai 91:4

Ekɛ etsɛji aaaha onɔ, ni ooona abobaahe yɛ efiji ashishi. Enɔkwayeli lɛ, tsɛŋ kɛ dama ni.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

Abe̱i 11:18

Mɔ fɔŋ naa shishiumɔ mli nyɔmɔwoo; shi mɔ ni feɔ jalɛ nii lɛ enaa anɔkwale mli nyɔmɔwoo.

Abe̱i 30:5

Nyɔŋmɔ wiemɔ fɛɛ wiemɔ lɛ, anɔkwale ni; Nyɔŋmɔ ji tsɛŋ kɛhã mɛi ni baa lɛ abo lɛ.

Yesaia 35:4

Nyɛkɛa mɛi ni tsui fãa lɛ akɛ, “Nyɛfea ekãa, nyɛkashea gbeyei! Naa nyɛNyɔŋmɔ lɛ baaba koni ebatɔ nyɛhe owele. Ebaaba koni ebahere nyɛyiwala.”

Yesaia 40:10

Naa, Nuŋtsɔ nyɛNyɔŋmɔ lɛ miibaa kɛ hewalɛ, ni eeeye nɔ kɛ nineshiwalɛ. Mɛi fɛɛ ni ehere amɛyiwala lɛ nyiɛ ehiɛ kɛmiiba.

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yesaia 41:14

Yehowa kɛɛ, “Kaashe gbeyei, bo gɔgɔmi Yakob! Kaashe gbeyei, bo Israel, gɔgɔmi bibioo! Miikɛɛ bo akɛ maye mabua bo! Okpɔlɔ lɛ ji Israel Mɔ Krɔŋkrɔŋ lɛ.

Yesaia 43:1

Shi agbɛnɛ Yakob, bɔ ni Yehowa mɔ ni bɔ bo lɛ kɛɛ nɛ. Ao Israel, bɔ ni mɔ ni shɔ̃ bo lɛ kɛɛ nɛ, “Kaashe gbeyei ejaakɛ makpɔ̃ bo. Mikɛ ogbɛi etsɛ bo; mi, minɔ ji bo!

Yesaia 43:5

Kaashe gbeyei, ejaakɛ mi mikɛ bo yɔɔ. Maŋɔ oshwiei kɛaajɛ bokã kɛba, ni mabua onaa kɛaajɛ anai.

Yesaia 44:2

Bɔ ni Yehowa mɔ ni bɔ bo, mɔ hu ni shɔ̃ bo yɛ onyɛ musuŋ beebe, ni ebaaye ebua bo lɛ kɛɛ nɛ, Kaashe gbeyei, mitsulɔ Yakob, miwebii ni mihala, ni misumɔɔ,

Yesaia 44:8

Nyɛhe akakpokpoa ni nyɛkashea gbeyei! Ani jeee blema beebe mijɛ mikɛɛ nyɛ, ni nyɛnu kɛjɛ minaa? Nyɛ ji midasefoi! Ani misɛɛ lɛ Nyɔŋmɔ ko yɛ? Tɛsaa ko bɛ he ko he ko, mileee eko.”

Yesaia 51:12

Yehowa miikɛɛ akɛ, “Mi mishɛjeɔ nyɛmii! Mɛɛba osheɔ adesa ni baagbo, adesa ni etamɔ jwɛi gbeyei,

Yeremia 39:17

Shi, mi Yehowa, miikɛɛ akɛ mibahere oyiwala yɛ nakai gbi lɛ nɔ, ni aŋɔŋ bo awoŋ hii ni osheɔ amɛ gbeyei lɛ adɛŋ;

Yāfó 3:24

Misusuma kɛɔ akɛ, “Migbɛfaŋnɔ ji Yehowa ni no hewɔ lɛ, mihiɛ baakã enɔ.”

Ezekiel 1:1

Yɛ afi ni ji nyɔŋmai etɛ̃ lɛ nɔ, nyɔŋ ni ji ejwɛ lɛ nɔ, gbi ni ji enumɔ lɛ nɔ lɛ, be ni miyɔɔ nomii lɛ ateŋ yɛ Kebar Faa lɛ naa lɛ, agbele ŋwɛi naa, ni mina Nyɔŋmɔ he ninai.

Ezekiel 11:24

Mina yɛ ninaa lɛ mli akɛ Mumɔ lɛ wo mi, ni ekɛ mi tee nomii lɛ aŋɔɔ yɛ Babilon; kɛkɛ ni mumɔ lɛ je minɔ.

Ezekiel 3:4

Kɛkɛ ni ekɛɛ mi akɛ, “Gbɔmɔ adesa, yiŋ ni oya Israelbii lɛ aŋɔɔ ni okɛ miwiemɔ lɛ ayahã amɛ;

4 Mose 12:6

ni Yehowa kɛɛ amɛ akɛ, “Nyɛboa mi toi! Kɛji gbalɔ ko yɛ nyɛteŋ lɛ, mitsɔ̃ɔ ninaa nɔ mihãa eleɔ mi, ni wɔlamɔ mli mitsɔ̃ɔ mikɛ lɛ wieɔ.

4 Mose 18:20

Yehowa kɛɛ Aaron akɛ, “Onaŋ gboshinii ko yɛ shikpɔŋ lɛ nɔ, ni asaŋ onaŋ shikpɔŋ ni abaaja lɛ eko. Mi, Yehowa, mi ji ogbɛfaŋnɔ kɛ ogboshinii ni he hiaa bo yɛ Israelbii lɛ ateŋ.”

4 Mose 24:4

mɔ ni nuɔ nɔ ni Nyɔŋmɔ kɛɔ ni enaa ninaa ni Ofe lɛ jieɔ etsɔ̃ɔ lɛ, mɔ ni buɔ shi, shi enaa nii lɛ.

Mateo 28:5

Shi bɔfo lɛ kɛɛ yei lɛ akɛ, “Nyɛkashea gbeyei, ejaakɛ mile akɛ nyɛmiitao Yesu mɔ ni asɛŋ lɛ lɛ;

Mateo 8:26

Ni ekɛɛ amɛ akɛ, “Mɛɛba nyɛsheɔ gbeyei nɛkɛ, nyɛ ni nyɛhemɔkɛyeli faaa?” Kɛkɛ ni ete shi ni efã kɔɔyɔɔ lɛ kɛ ŋshɔ lɛ yi, ni eŋmɛ dɛmm.

Luka 1:13

Shi bɔfo lɛ kɛɛ lɛ akɛ, “Kaashe gbeyei, Zakaria, ejaakɛ Nyɔŋmɔ ebo ofaikpamɔ lɛ toi, ni oŋa Elizabet aaafɔ binuu ahã bo, ni ooowo lɛ gbɛi akɛ Yohane.

Luka 1:30

Ni bɔfo lɛ kɛɛ lɛ akɛ, “Kaashe gbeyei, Maria; ejaakɛ ohiɛ eba nyam yɛ Nyɔŋmɔ hiɛ.

Luka 12:32

“Kaashe gbeyei, kuu bibioo; ejaakɛ nyɛTsɛ lɛ yɛ he tsuijurɔ akɛ eeeŋɔ maŋtsɛyeli lɛ ehã nyɛ.

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

1 Korintobii 3:22

Paulo jio, Apolo jio, Kefa jio, je lɛ jio, wala jio, gbele jio, nii ni yɔɔ nɛɛ jio, nii ni baaba lɛ jio; fɛɛ lɛ nyɛnɔ ni,

5 Mose 18:2

Akahã amɛ shikpɔŋ ni abaaja lɛ eko tamɔ abaahã amɛnyɛmimɛi akutsei krokomɛi lɛ. Mi ji amɛgbɛfaŋnɔ tamɔ bɔ ni miwo amɛ shi lɛ.

5 Mose 31:6

Nyɛhe awaa, ni nyɛfea ekãa; nyɛkashea gbeyei lɛ, nyɛtsui akafãa hu yɛ amɛhewɔ, ejaakɛ Yehowa, nyɛNyɔŋmɔ lɛ, ji mɔ ni kɛ nyɛ nyiɛ kɛyaa lɛ; eshiŋ nyɛ, ni ekwaŋ nyɛ hu.”

Hebribii 1:1

Sa lɛ bei srɔtoi amli kɛ gbɛi srɔtoi anɔ Nyɔŋmɔ tsɔ̃ ekɛ wɔtsɛmɛi lɛ wie yɛ gbalɔi lɛ anaa.

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Rut Wolo Lɛ 2:12

Yehowa ato bo nii ni otsu lɛ najiaŋ. Yehowa, Israel Nyɔŋmɔ lɛ, mɔ abo ni obaba nɛɛ ato bo najiaŋ shishiishi.”

1 Samuel 15:10

Yehowa kɛ Samuel wie ni ekɛɛ lɛ akɛ,

1 Samuel 9:9

(Sa lɛ kɛji mɔ ko yaabi Nyɔŋmɔ nii lɛ, bɔ ni akɛɔ yɛ Israel ji “Wɔtee ninalɔ lɛ ŋɔɔ.” Ejaakɛ mɔ ni atsɛɔ lɛ gbalɔ ŋmɛnɛŋmɛnɛ lɛ sa lɛ ninalɔ atsɛɔ lɛ.)