1 Mose 14:22 - ŊMALƐ KRƆŊKRƆŊ LƐ

²² Shi Abram kɛɛ Sodom maŋtsɛ lɛ akɛ, “Mina Ŋwɛi Flooflo Nyɔŋmɔ ni ji ŋwɛi kɛ shikpɔŋ bɔlɔ lɛ

Ṅmãle̱ Kroṅkroṅ Le̱

²² Ni Abram kē̱ Sodom maṅtše̱ le̱ ake̱: Mīwó minine no̱ mītšõ Iehowa ṅwei flōflo Nyoṅmo̱ ni dši ṅwei ke̱ šikpoṅ tše̱ le̱,

1 Mose 14:22 ပူးပေါင်းရင်းမြစ်များ

1 Mose 14:21

Kɛkɛ lɛ Sodom maŋtsɛ lɛ kɛɛ Abram akɛ, “Ŋɔɔ migbɔmɛi lɛ ohã mi, shi haa nibii lɛ ŋɔɔ ohã ohe.”

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 21:33

Abraham tɛo tso ko ni atsɛɔ lɛ akɛ tamariske tso lɛ yɛ Beersheba, ni eja Yehowa, Naanɔ Nyɔŋmɔ lɛ, yɛ jɛi.

1 Mose 24:3

koni mahã okã Yehowa, ŋwɛi Nyɔŋmɔ kɛ shikpɔŋ Nyɔŋmɔ lɛ, kitã akɛ oŋɔŋ Kanaanbii ni miyɔɔ amɛteŋ nɛɛ abiyei lɛ eko akɛ ŋa ohaŋ mibi Isak;

2 Samuel 2:5

David tsu bɔfoi kɛtee Yabesh-Gileadbii lɛ aŋɔɔ, ni ayakɛɛ amɛ akɛ, “Yehowa ajɔɔ nyɛ akɛ nyɛfu nyɛnuŋtsɔ Saul nyɛkɛfee lɛ ejurɔ nɛkɛ.

2 Maŋtsɛmɛi 5:16

Elisha hã lɛ hetoo akɛ, “Gbii abɔ ni Yehowa, mɔ ni misɔ̃mɔɔ lɛ, hiɛ kã nɛɛ, miheee nɔ ko.” Ni enyɛ enɔ doo akɛ ehe kɛ̃, shi Elisha ekpɛlɛ̃ɛɛ.

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Lalai 144:11

Shɔ̃ mi kɛje yiwalɔ klante naa; kpɔ̃ mi kɛje mɛi kpɔ̃ji adɛŋ, mɛi ni maleɔ, ni amɛwoɔ amɛninejurɔ nɔ amɛkãa amale kitã lɛ.

Lalai 144:8

mɛi ni maleɔ, ni amɛwoɔ amɛninejurɔ nɔ amɛkãa amale kitã lɛ.

Lalai 24:1

Shikpɔŋ lɛ kɛ enɔ nii fɛɛ lɛ, Yehowa nɔ ni; ni je lɛ kɛ mɛi fɛɛ ni yɔɔ mli lɛ, enɔ ni.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Hagai 2:8

Je lɛ mli jwiɛtɛi fɛɛ kɛ shika fɛɛ lɛ mi, minɔ ni. Mi Yehowa, Taiatsɛ lɛ, mikɛɛ.

5 Mose 10:14

Naa, Yehowa, nyɛNyɔŋmɔ lɛ, ŋwɛi kɛ ŋwɛi amli ŋwɛi lɛ enɔ ni; ni shikpɔŋ lɛ kɛ emli nii lɛ fɛɛ hu enɔ ni.

5 Mose 32:40

Ejaakɛ miiwo minine nɔ kɛya ŋwɛi, ni miikɛɛ akɛ, miyɛ kɛmiiya naanɔ lɛ,

Kojolɔi 11:35

Be ni Yefta na lɛ lɛ, egbala ehe atadei, ni ekɛɛ: “Ao mibi, ohã mihe ejɔ̃ mihe naakpa; bo pam ohã oshara bashara mi nɛɛ! Ejaakɛ miwo Yehowa shi, ni minyɛŋ minaa makpale.”