1 Mose 13:13 - ŊMALƐ KRƆŊKRƆŊ LƐ

¹³ Shi Sodombii lɛ yiwalɔi ji amɛ, ni amɛfeɔ esha amɛshiɔ Yehowa.

Ṅmãle̱ Kroṅkroṅ Le̱

¹³ Ši Sodombii le̱, efõṅfelo̱i ke̱ ešafelo̱i kpeteṅkplei dšiame̱ ye̱ Iehowa hĩe. 18,20; 19,4-9.

1 Mose 13:13 ပူးပေါင်းရင်းမြစ်များ

1 Mose 10:9

Eji gbɔbilɔ kpanaa yɛ Nyɔŋmɔ hiɛ. No hewɔ lɛ, afɔɔ kɛɛmɔ akɛ, “Etamɔ Nimrod, gbɔbilɔ kpanaa yɛ Yehowa hiɛ.”

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

1 Mose 18:20

Kɛkɛ ni Yehowa kɛɛ akɛ, “Akɛni nibii ni awieɔ ashiɔ Sodom kɛ Gomora lɛ fa, ni amɛhe eshai lɛ efa naakpa hewɔ lɛ,

1 Mose 19:13

Shi wɔbaakpãtã maŋ nɛɛ hiɛ, ejaakɛ nibii ni awieɔ ashiɔ amɛ lɛ naa wa waa diɛŋtsɛ yɛ Yehowa hiɛ, ni etsu wɔ koni wɔbakpãtã maŋ lɛ hiɛ.”

1 Mose 38:7

Shi Er, Yuda kromɔ lɛ fee ehe gbɔmɔ fɔŋ yɛ Yehowa hiɛ, ni Yehowa gbe lɛ.

1 Mose 39:9

Ehã mi hewalɛ yɛ shĩa nɛɛ nɔ tamɔ lɛ diɛŋtsɛ nɔŋŋ, ni ekãmãaa mi nɔ ko nɔ ko akɛ ja bo pɛ kɛkɛ; ejaakɛ bo lɛ eŋa ji bo. Te aaafee tɛŋŋ mɔ ni mafee efɔŋ kpeteŋkple ni tamɔ nɛkɛ hu ni mafee esha mashi Nyɔŋmɔ hu?”

1 Mose 6:11

Shikpɔŋ lɛ nɔ gbɔmɛi efite yɛ Nyɔŋmɔ hiɛ, ni shikpɔŋ lɛ nɔ eyi kɛ awuiyeli.

2 Maŋtsɛmɛi 21:6

Egbe emusuŋbi ekɛshã afɔle; ekala, ni eye ŋkunyaa; ni eto sisatsɛlɔi kɛ wɔjiatsɛmɛi. Efee efɔɔji babaoo yɛ Yehowa hiɛ ekɛwo Yehowa mli la.

Yesaia 1:9

Yehowa eshwɛɛɛ hiɛkãalɔi fioo ko hãaa wɔ kulɛ, wɔsane lɛ tsɔ̃ tamɔ Sodom kɛ Gomora.

Yeremia 23:14

Shi nɔ ni mina yɛ Yerusalɛm gbalɔi lɛ ahe lɛ, eyɛ gbeyei. Amɛfiteɔ gbãlã, ni amɛmaleɔ; amɛwo efɔŋfeelɔi hewalɛ, no hewɔ lɛ, mɔ ko mɔ ko kpaaa efɔŋ feemɔ. Amɛ fɛɛ kwa amɛtsɔ̃ tamɔ Sodom, ni maŋbii lɛ tamɔ Gomora hã mi.

Yeremia 23:24

Aso mɔ ko baanyɛ atee ehe yɛ teemɔhe ko ni minaŋ lɛ yɛ he ni eyɔɔ lo? Yehowa kɛɛ. “Ani jeee mi ni miyi ŋwɛi kɛ shikpɔŋ lɛ nɔ fɛɛ obɔ̃ lɛ? Mi, Yehowa, miibi.

4 Mose 32:23

Shi kɛji nyɛyeee nyɛshiwoo lɛ nɔ yɛ Yehowa hiɛ lɛ, no lɛ nyɛtɔ̃ Yehowa nɔ, ni bɔ fɛɛ bɔ ni fee lɛ nyɛbaana nyɛtɔ̃mɔ lɛ he toigbalamɔ.

Mateo 9:10

Ni eba mli akɛ, be ni eta niyenii ashi yɛ shĩa lɛ, toohelɔi kɛ eshafeelɔi babaoo ba, ni amɛkɛ Yesu kɛ ekaselɔi lɛ batara okplɔ̃ lɛ he.

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Yohane 9:24

Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”

Yohane 9:31

Wɔle akɛ Nyɔŋmɔ booo eshafeelɔi atoi; shi kɛji mɔ ko sheɔ lɛ gbeyei ni efeɔ esuɔmɔnaanii lɛ, eboɔ lɛ toi.

Romabii 1:27

ni nakai nɔŋŋ amɛhii lɛ hu eshi amɛyei lɛ asɛɛ, ni amɛkɛ akɔnɔ ni naa wa nyiɛɔ amɛ diɛŋtsɛ amɛhe sɛɛ, ni hii kɛ hii tsuɔ hiɛgbejianii, ni amɛna amɛtɔ̃mɔ lɛ he nyɔmɔwoo ni sa yɛ amɛ diɛŋtsɛ amɛmli.

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;

Yuda 1:7

Kaimɔ bɔ ni Sodom kɛ Gomora kɛ maji ni jwere amɛhe lɛ, bɔ ni amɛbɔ ajwamãŋ aahu tamɔ mɛnɛɛmɛi nɛɛ nɔŋŋ ni amɛtao ni amɛkɛ bɔfoi lɛ afee efɔŋ lɛ. Enɛ fɛɛ kã shi akɛ okadii hã mɛi fɛɛ ni naa naanɔ la mli nyɔmɔwoo lɛ.

1 Samuel 15:18

ni Yehowa tsu bo, ni ekɛɛ bo akɛ, ‘Yaa koni oyaplenee Amalekbii eshafeelɔi lɛ. Okɛ amɛ awu kɛyashi beyinɔ ni oookpãtã amɛhiɛ kwrakwra.’

1 Samuel 2:17

No hewɔ lɛ, Eli bihii lɛ anɔsha lɛ da yɛ Yehowa hiɛ, ejaakɛ amɛhiɛ eyasɔɔɔ nii ni akɛshãa afɔle ahãa Yehowa lɛ.