1 Mose 13:10 - ŊMALƐ KRƆŊKRƆŊ LƐ

¹⁰ Kɛkɛ ni Lot wo ehiɛ nɔ ni ekwɛ shikpɔŋ lɛ kɛkpe, ni ena akɛ Yordan jɔɔ lɛ fɛɛ yɛ frɔ̃frɔ̃ aahu kɛtee Zoar tɔ̃ɔ. Etamɔ Yehowa trom lɛ aloo Ijipt shikpɔŋ lɛ. Nɛkɛ be mli lɛ, Yehowa kpãtãko Sodom kɛ Gomora hiɛ.

Ṅmãle̱ Kroṅkroṅ Le̱

¹⁰ Ni Lot hole ehĩṅme̱ii ano̱ ni ekwe̱ Iordan niiaṅ kutū le̱ fẽ, ni hefẽhe ye̱ frõfrõ; dãni Iehowa kpãtã Sodom ke̱ Gomora hĩe le̱, etamo̱ Iehowa trom le̱ ke̱ Mizraim šikpoṅ le̱, āhũ ke̱-yaši Zoar tō̃.

1 Mose 13:10 ပူးပေါင်းရင်းမြစ်များ

1 Mose 11:27

Tera shwiei nɛ. Tera fɔ Abram kɛ Nahor kɛ Haran, ni Haran fɔ Lot.

1 Mose 13:11

Kɛkɛ ni Lot kɔ Yordan jɔɔ lɛ fɛɛ, ni efã kɛtee bokãgbɛ. Bɔ ni fee ni amɛyi enyɔ lɛ amɛgbala mli nɛ.

1 Mose 13:9

Shikpɔŋ muu lɛ fɛɛ kã ohiɛ nɛɛ. Tse ohe yɛ mihe. Kɛji okɔ abɛkugbɛ lɛ, no lɛ makɔ ninejurɔgbɛ; ni kɛji okɔ ninejurɔgbɛ lɛ, no lɛ makɔ abɛkugbɛ.”

1 Mose 14:2

maŋtsɛmɛi nɛɛ fã ta amɛshi Sodom maŋtsɛ Bera kɛ Gomora maŋtsɛ Birsha kɛ Adma maŋtsɛ Shinab kɛ Zeboim maŋtsɛ Shemeber kɛ Bela ni ji Zoar maŋtsɛ lɛ.

1 Mose 14:8

Kɛkɛ ni Sodom maŋtsɛ kɛ Gomora maŋtsɛ kɛ Adma maŋtsɛ kɛ Ziboim maŋtsɛ kɛ Bela, ni atsɛɔ lɛ Zoar hu lɛ maŋtsɛ lɛ fã, ni amɛbagba ta yɛ Sidim jɔɔ lɛ mli,

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 47:6

Naa, Ijipt shikpɔŋ lɛ kã ohiɛ nɛɛ, hã otsɛ kɛ onyɛmimɛi lɛ ahi shikpɔŋ lɛ he ni hi fe fɛɛ lɛ nɔ; hã amɛhi Goshen shikpɔŋ lɛ nɔ. Ni kɛ ole amɛteŋ mɛi ni he esa yɛ koolookwɛmɔ mli lɛ, tuu mitsinai lɛ akwɛmɔ owo amɛdɛŋ.”

1 Mose 6:2

Nyɔŋmɔ gbɔmɛi lɛ yana akɛ gbɔmɛi abiyei lɛ ahe yɛ fɛo, ni amɛŋɔŋɔɔ amɛteŋ yei fɛɛ ni amɛsumɔɔ.

1 Maŋtsɛmɛi 7:46

Maŋtsɛ Solomon hã afee enɛɛmɛi fɛɛ yɛ Yordan ŋa lɛ nɔ, yɛ shiku shikpɔŋ ni yɔɔ Sukot kɛ Zaretan teŋ lɛ mli.

Hiob 40:23

Naa, kɛji faa lɛ fee hamahama tete ewooo ehe gbeyei; kɛji Yordan yi kɛbata esɛ̃ tete po eyoyrooo.

Lalai 107:34

Ehãa shikpɔŋ ni baa nii tsɔ̃ɔ ŋoo shikpɔŋ yɛ mɛi ni hiɔ jɛi lɛ anifeemɔnii hewɔ.

Yesaia 15:5

Mitsui miiye miihã Moab. Emli foijelɔi eshɛ Zoar kɛ Eglat Shelishiya; mɛi kɛ yaafo miikwɔ kɛmiiya Luhit, ni mɛi hu ewo maŋ lɛ hiɛkpãtãmɔ lɛ he yara yɛ Horonaim gbɛjegbɛ lɛ nɔ.

Yesaia 51:3

Ejaakɛ Yehowa baashɛje Yerusalɛm mii; ebaashɛje hei fɛɛ ni efee koikoi lɛ amii; ebaahã eŋa lɛ nɔ atsɔ̃ tamɔ Eden; ni eshiaŋa lɛ baatsɔ tamɔ Yehowa diɛŋtsɛ abɔɔ. Jɛi baasɔ kɛ mliflimɔ kɛ nyamɔ kɛ shidaa lalai.

Yeremia 48:34

“Heshbonbii kɛ Elealebii miibolɔ, ni aanu amɛbolɔmɔ nɛɛ yɛ Yahaz. Anu blɔmɔ lɛ kɛjɛ Zoar aahu kɛtee Horanaim kɛ Eglat-Shelishiya tɔ̃ɔ, ejaakɛ Nimrim Faa lɛ tete eŋala.

Ezekiel 16:46

“Onyɛmi yoo nukpa ji Samaria, mɔ ni kɛ ekrowai yɔɔ okooyigbɛ lɛ; ni onyɛmi yoo gbekɛ ji Sodom, mɔ ni kɛ ekrowai lɛ yɔɔ owuoyigbɛ lɛ.

Ezekiel 16:49

Naa, efɔŋ ni onyɛmi yoo ni ji Sodom fee lɛ ji akɛ ekɛ ebiyei lɛ woɔ amɛhe, ejaakɛ amɛyɛ ŋmãa babaoo ni amɛyɛ toiŋjɔlɛ hu, shi amɛyeee amɛbuaaa ohiafoi kɛ mɛi ni efi amɛ.

Ezekiel 28:13

Ohi Eden, Nyɔŋmɔ abɔɔ lɛ mli. Okɛ tɛ fɛɛ tɛ ni jara wa wula ohe: ojarawatɛi ni ji, rubi kɛ daiamɔnd kɛ topasiɔn kɛ beril kɛ sardio kɛ yaspi kɛ safiro kɛ smaragdo kɛ gaanɛt. Oyɛ fabii kɛ bɛji ni ashwie amɛhe shika. Gbi nɔ ni abɔ bo lɛ, nakai gbi lɛ nɔŋŋ afee amɛ ahã bo.

Ezekiel 31:8

Tsenedrui ni yɔɔ Nyɔŋmɔ trom lɛ mli lɛ, eko eko kɛ lɛ yeee hegbɔ; sɛsɛo lɛ kɛ eniji wuji lɛ yeee hegbɔ, ni papaoi lɛ jeee fɛifɛi kɛ okɛ amɛto bibii lɛ ahe. Tso ko tso ko bɛ Nyɔŋmɔ trom lɛ mli ni kɛ lɛ ye egbɔ kɛ he fɛo.

Ezekiel 31:9

Mi mifee, ni mihã eniji bibii lɛ abumɔ hã ehe fee fɛo lɛ, ni Eden tsei fɛɛ ni yɔɔ Nyɔŋmɔ trom lɛ mli lɛ ahiɛ kɔ̃ enɔ.

Ezekiel 47:18

“Bokãgbɛ husu lɛ ajɛ Hazar-Enon ni kã Hauran kɛ Damasko teŋ lɛ. Aŋɔ Yordan Faa lɛ akɛ husu, bɔ ni Israel shikpɔŋ lɛ aye anaigbɛ, ni Gilead shikpɔŋ lɛ hu aye bokãgbɛ. Husu lɛ akã shi aahu kɛyashi Tamar tɔ̃ɔ yɛ bokãgbɛ ŋshɔ lɛ he. Enɛ baatsɔ̃ bokãgbɛ husu.

Yoel 2:3

Baalabii lɛ yeɔ tsei lɛ tamɔ la yeɔ nii. Amɛhiɛgbɛ lɛ, shikpɔŋ lɛ tamɔ Eden trom, shi amɛsɛɛgbɛ lɛ etamɔ ŋa kpataa. Nɔ ko nɔ ko ejeee amɛdɛŋ.

5 Mose 34:3

Ekɛ Yuda shikpɔŋ lɛ wuoyigbɛ lɛ, kɛ Yeriko ni ji tɛŋmaŋ jɔɔ lɛ mli ŋa kplenee lɛ kɛyashi Zoar tɔ̃ɔ?