1 Mose 12:7 - ŊMALƐ KRƆŊKRƆŊ LƐ

⁷ Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

Ṅmãle̱ Kroṅkroṅ Le̱

⁷ Ni Iehowa dšie ehe kpo etšõ Abram ni eké̱: *Oseši le̱ maṅõ ne̱ke̱ šikpoṅ ne̱ mahā. Ni emã afo̱lešãlate̱ ye̱ dše̱i ehã Iehowa, moni dšie ehe kpo etšõle le̱. *18,15; 15,18; 17,8; 24,7; 28,3. 4; 28,13; 36,12. 2 Mose 6,4. 8; 32,13. Ios. 21,43. Bo̱f. 7,5.

1 Mose 12:7 ပူးပေါင်းရင်းမြစ်များ

1 Mose 12:8

Abram fã yɛ jɛi kɛtee gɔŋ ko ni yɔɔ Betel bokãgbɛ lɛ he, ni eshi ebuu yɛ jɛi; Betel ye anaigbɛ, ni Ai ye bokãgbɛ. Jɛi hu ema afɔleshãa latɛ yɛ ehã Yehowa, ni eja Yehowa yɛ jɛi.

1 Mose 13:15

bo kɛ oshwiei mikɛbaahã kɛaatee naanɔ.

1 Mose 13:17

Tee shi, nyiɛmɔ shikpɔŋ lɛ nɔ kɛtsɔ̃ ekɛlɛ kɛ elɛɛmɔ nɔ, shi bo mikɛbaahã”.

1 Mose 13:18

Kɛkɛ ni Abram fã ebuu lɛ, ni eba ebahi Mamre tsei krɔŋkrɔŋi lɛ ni yɔɔ Hebron lɛ amasɛi, ni ema afɔleshãa latɛ yɛ jɛi ehã Yehowa.

1 Mose 13:4

Biɛ Abram ja Yehowa yɛ.

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 17:3

Kɛkɛ ni Abram ŋɔ ehiɛ ebu shi, ni Nyɔŋmɔ kɛɛ lɛ akɛ,

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

1 Mose 18:1

Yehowa jie ehe kpo etsɔ̃ɔ Abraham yɛ Mamre tsei lɛ ahe, be ni eta shi yɛ buu lɛ shinaa lɛ naa shwane ketekete lɛ.

1 Mose 22:9

Be ni amɛshɛ he ni Nyɔŋmɔ etsɔ̃ɔ lɛ, Abraham ma afɔleshãa latɛ yɛ jɛi. Eto lai lɛ eshwie afɔleshãa latɛ lɛ nɔ. Kɛkɛ ni efi ebi Isak lɛ, ni ekɛ lɛ ŋmɛ lai lɛ nɔ yɛ afɔleshãa latɛ lɛ nɔ.

1 Mose 24:7

Yehowa, ŋwɛi Nyɔŋmɔ lɛ, mɔ ni ŋɔ mi kɛjɛ mitsɛ we lɛ kɛ miwekumɛi ashikpɔŋ lɛ nɔ ni ekɛ mi wie ni ekã mi kitã akɛ, ‘Oshwiei maŋɔ nɛkɛ shikpɔŋ nɛɛ mahã lɛ,’ lɛ eeetsu ebɔfo kɛnyiɛ ohiɛ ni oyaŋɔ yoo kɛjɛ jɛi obahã mibi lɛ.

1 Mose 26:25

Isak mã afɔleshãa latɛ yɛ jɛi, ni eja Yehowa yɛ jɛi; ni eshi ebuu lɛ yɛ jɛi. Ni Isak je nubu yɛ jɛi hu.

1 Mose 26:3

too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã,

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

1 Mose 28:4

Bɔ ni ejɔɔ Abraham lɛ, ejɔɔ bo kɛ oshwiei nakai nɔŋŋ koni ogbɔtoo shikpɔŋ nɛɛ ni Nyɔŋmɔ kɛhã otsɛ Abraham lɛ atsɔ̃ onɔ.”

1 Mose 32:30

Yakob kɛɛ akɛ, “Mina Nyɔŋmɔ hiɛ kɛ hiɛ, shi kɛ̃lɛ migbooo.” No hewɔ lɛ, ewo jɛi Peniel.

1 Mose 33:20

Yakob ma afɔleshãa latɛ yɛ jɛi, ni ewo lɛ gbɛi akɛ “El, Israel Nyɔŋmɔ lɛ.”

1 Mose 35:12

Shikpɔŋ lɛ ni mikɛhã Abraham kɛ Isak lɛ, bo mikɛbaahã, ni oshwiei ni aaaba yɛ osɛɛ lɛ mikɛ shikpɔŋ nɛɛ baahã.”

1 Mose 35:7

Ema afɔleshãa latɛ yɛ jɛi, ni etsɛ jɛi El-Betel, ejaakɛ jɛi Nyɔŋmɔ jie ehe shi etsɔ̃ɔ lɛ yɛ, be ni ejo enyɛmi Esau naa foi lɛ.

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

1 Mose 8:20

Kɛkɛ ni Noa ma afɔleshãa latɛ ehã Yehowa. Eŋɔ shĩaŋ kooloi ni he tse lɛ fɛɛ mli eko kɛ loofɔji ni he tse lɛ fɛɛ mli eko, ni ekɛshã shãa afɔle yɛ afɔleshãa latɛ lɛ nɔ.

2 Samuel 24:25

Kɛkɛ ni Maŋtsɛ David ma afɔleshãa latɛ yɛ nɔ ehã Yehowa, ni eshã shãa afɔlei kɛ shidaa afɔlei. No hewɔ lɛ, Yehowa bo fai ni akpa lɛ ahã Israelbii lɛ toi, kɛkɛ ni gbele hela lɛ sɛɛ fo yɛ Israel.

1 Maŋtsɛmɛi 18:32

ni ekɛ tɛi lɛ mã afɔleshãa latɛ yɛ Yehowa gbɛi mli. No sɛɛ lɛ, etsa bu ni baaye nu litai nyɔŋma kɛ ejwɛ kɛbɔle afɔleshãa latɛ lɛ he kpula.

1 Kronika 16:16

ni ji kpãŋmɔ ni ekɛ Abraham kpãŋ lɛ; kɛ kitã lɛ hu ni ekã Isak lɛ,

1 Kronika 16:18

ni ekɛɛ akɛ, “Bo maŋɔ Kanaan shikpɔŋ lɛ mahã akɛ ogbɛfaŋnɔ kɛ gboshinii.”

2 Kronika 20:11

Nɔ ni amɛkɛdaa wɔ shi ji ba ni amɛto kɛba kɛbashwie wɔ yɛ shikpɔŋ ni bo okɛhã wɔ akɛ wɔgbɛfaŋnɔ lɛ nɔ nɛɛ.

2 Kronika 20:7

WɔNyɔŋmɔ, oshwie shikpɔŋ nɛɛ nɔ bii lɛ yɛ omaŋ ni ji Israel hiɛ, ni okɛ shikpɔŋ lɛ hã oshieŋtsɛ Abraham shwiei lɛ akɛ amɛgboshinii kɛmiiya naanɔ.

Ezra 3:2

Kɛkɛ ni Yeshua, Yehozadak bi lɛ, kɛ enanemɛi osɔfoi lɛ kɛ Zerubabel, Shealtiel bi lɛ, kɛ ewekumɛi kɛ nitsumɔ wo mli, ni amɛma Israel Nyɔŋmɔ lɛ afɔleshãa latɛ lɛ koni amɛshã shãa afɔlei yɛ nɔ, tamɔ bɔ ni aŋma yɛ Nyɔŋmɔ Gbɔmɔ Mose Mla lɛ mli lɛ.

2 Mose 17:15

Ni Mose ma afɔleshãa latɛ yɛ jɛi, ni ewo lɛ gbɛi akɛ “Yehowa ji miflaŋaa”,

2 Mose 24:4

Mose ŋmala Yehowa wiemɔi lɛ fɛɛ eshwie shi. Kɛkɛ ni ete shi leebi maŋkpa, ni ema afɔleshãa latɛ yɛ gɔŋ lɛ shishi, ni ehole tɛi nyɔŋma kɛ enyɔ edamɔ shi yɛ Israel akutsei nyɔŋma kɛ enyɔ lɛ anaa.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

2 Mose 33:1

Yehowa kɛɛ Mose akɛ, “Yi mli ni oje biɛ, bo kɛ maŋ ni oyajie kɛjɛ Ijipt kɛba lɛ, kɛya shikpɔŋ ni mikã Abraham kɛ Isak kɛ Yakob ehe kitã akɛ, ‘Oshwiei mikɛ shikpɔŋ nɛɛ baahã’ lɛ nɔ.

2 Mose 6:3

mi mijie mihe kpo mitsɔ̃ɔ Abraham kɛ Isak kɛ Yakob akɛ Nyɔŋmɔ Ofe lɛ. Shi migbɛi Yehowa lɛ, mihãaa akɛ no ale mi.

2 Mose 6:4

Ni misaa mi kɛ amɛ kpãŋ akɛ mikɛ Kanaan shikpɔŋ lɛ baahã amɛ, shikpɔŋ ko ni amɛyato gbɔ yɛ nɔ lɛ.

Yeremia 3:18

Nakai be lɛ mli lɛ, Yuda akutso lɛ baaya ayafata Israel akutso lɛ he ni amɛaajɛ kooyigbɛ shikpɔŋ lɛ nɔ kutuu kɛaaba shikpɔŋ ni mikɛhã amɛtsɛmɛi lɛ akɛ amɛgboshinii lɛ nɔ.’ ”

4 Mose 26:53

“Jaa shikpɔŋ lɛ ohã akutsei lɛ yɛ amɛmli gbɔmɛi lɛ ayikulɛ naa.”

4 Mose 32:11

‘Hii ni shi Ijipt shikpɔŋ lɛ nɔ lɛ ateŋ mɛi ni eye kɛjɛ afii nyɔŋmai enyɔ kɛyaa lɛ ateŋ mɔ ko mɔ ko hiŋmɛi enaŋ shikpɔŋ ni mikã he kitã akɛ mikɛbaahã Abraham kɛ Isak kɛ Yakob lɛ, ejaakɛ amɛyeko mi anɔkwa kɛwulako shi,

Bɔfoi 7:5

ni ehãaa lɛ nɔyelinɔ ni ji shikpɔŋ ni shɛɔ nane tokota lɛɛmɔ tete, shi ewo lɛ shi akɛ ekɛaahã lɛ kɛ eshwiei ni baaba yɛ esɛɛ lɛ akɛ amɛnɔ, tsɛ no mli lɛ ebɛ bi kwraa po.

Romabii 9:8

No ji akɛ, jeee heloo naa bii lɛ ji Nyɔŋmɔ bii, shi shiwoo naa bii lɛ moŋ abuɔ akɛ oshwiei.

Galatabii 3:16

Shi Abraham lɛ, akɛ lɛ kɛ eshwie lɛ wie shiwoo wiemɔi lɛ. Ekɛɛɛ akɛ, “kɛ oshwiei lɛ” tamɔ nɔ ni ekɛ mɛi pii miiwie, shi moŋ tamɔ mɔ kome akɛ, “kɛ oshwie lɛ”, mɔ ni ji Kristo lɛ.

Galatabii 4:28

Agbɛnɛ, anyɛmimɛi, wɔ lɛ, shiwoo lɛ bii ji wɔ tamɔ Isak.

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

5 Mose 34:4

Kɛkɛ ni Yehowa kɛɛ Mose akɛ, “Shikpɔŋ lɛ ni miwo Abraham kɛ Isak kɛ Yakob shi yɛ he akɛ, ‘Mikɛbaahã nyɛshwiei’ lɛ, no nɛ. Mihã ona kɛ ohiŋmɛitsei enyɔ, shi jɛi ni oyaŋ.”

5 Mose 6:10

“Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ lɛ ni ewo nyɛtsɛmɛi, Abraham kɛ Isak kɛ Yakob, he shi akɛ ekɛbaahã nyɛ lɛ nɔ, shikpɔŋ kɛ enɔ maji wuji fɛɛfɛji ni jeee nyɛ nyɛto;

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.

Hebribii 11:13

Hemɔkɛyeli mli mɛnɛɛmɛi fɛɛ gboi yɛ. Shɔŋŋ kɛkɛ amɛna nii ni awo he shi lɛ yɛ ni amɛnya he, tsɛ amɛnine shɛko nɔ, ni amɛjaje akɛ gbɔi kɛ mɛi kpɔ̃ji ji amɛ yɛ shikpɔŋ lɛ nɔ.

Hebribii 11:8

Hemɔkɛyeli Abraham kɛbo toi be ni Nyɔŋmɔ tsɛ lɛ lɛ, ni eyiŋ etee he ni baatsɔ̃ enɔ lɛ, ni eyiŋ etee, tsɛ eleee he ni eyaa.

Yoshua 1:6

Wajemɔ ohe ni ofee ekãa; ejaakɛ shikpɔŋ lɛ ni mikã maŋbii nɛɛ atsɛmɛi lɛ ehe kitã akɛ mikɛbaahã amɛ lɛ, bo obaahã etsɔ̃ amɛnɔ.

Yoshua 22:10

Be ni amɛbashɛ Yordan niiaŋ yɛ Kanaan shikpɔŋ lɛ nɔ gbɛ lɛ. Rubenbii lɛ kɛ Gadbii lɛ kɛ Bokãgbɛ Manasebii lɛ ma afɔleshãa latɛ yɛ jɛi Yordan naa. Afɔleshãa latɛ kpeteŋkple ni sa kwɛmɔ.

Yoshua 8:30

Kɛkɛ ni Yoshua mã afɔleshãa latɛ yɛ Ebal Gɔŋ lɛ nɔ ehã Yehowa.

Kojolɔi 6:24

Kɛkɛ ni Gideon ma afɔleshãa latɛ yɛ jɛi ehã Yehowa, ni etsɛ lɛ akɛ, “Yehowa ji hejɔlɛ.” Afɔleshãa latɛ lɛ yɛ Ofra ni ji Abiezerbii anɔ lɛ kɛbashi ŋmɛnɛ.

1 Samuel 7:17

ni ekuɔ esɛɛ kɛbaa Rama, ejaakɛ jɛi ewe yɔɔ; ni jɛi hu ekwɛɔ maŋbii lɛ ateŋ saji yɛ. Samuel ma afɔleshãa latɛ yɛ Rama ehã Yehowa.