1 Mose 12:3 - ŊMALƐ KRƆŊKRƆŊ LƐ

³ Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

Ṅmãle̱ Kroṅkroṅ Le̱

³ Ni madšō̱ mei ni dšō̱o̱o, ni moni lomoo̱o le̱, *malomo̱le̱; ni †omli aadše̱ adšō̱ šikpoṅ le̱ no̱ wekui fẽ. *2 Mose 23,22. †1 Mose 18,18; 22,18; 26,4; 28,14. Bo̱f. 3,25. Gal. 3,8.

1 Mose 12:3 ပူးပေါင်းရင်းမြစ်များ

1 Mose 18:18

Abraham baatsɔ̃ maŋ kpeteŋkple ni he wa, ni abaajɔɔ shikpɔŋ lɛ nɔ maji fɛɛ kɛtsɔ̃ enɔ,

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

1 Mose 24:35

Yehowa ejɔɔ minuŋtsɔ naakpa, ni etsɔ̃ niiatsɛ wulu. Yehowa ehã lɛ toi kɛ tsinai kɛ jwiɛtɛi kɛ shika kɛ webii kɛ weyei kɛ yoomai kɛ tejii.

1 Mose 25:11

Abraham gbele sɛɛ lɛ, Nyɔŋmɔ jɔɔ ebinuu Isak. Ehi shi yɛ “Mɔ ni hiɛ kã ni naa mi” lɛ nubu lɛ he.

1 Mose 26:29

akɛ ofeŋ wɔ efɔŋ ko ejaakɛ wɔfeko bo efɔŋ ko akɛ ja ekpakpa kɛkɛ; ni wɔsaa wɔwo bo gbɛ yɛ hejɔlɛ mli; ni Yehowa ejɔɔ bo!”

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 27:29

Maji asɔ̃mɔ bo, ni je lɛŋ maji akoto bo. Ye onyɛmimɛi lɛ anɔ lumɔ, ni onyɛ bihii lɛ akoto bo. Mɔ fɛɛ mɔ ni aaalomɔ bo lɛ, alomɔ lɛ, ni mɔ fɛɛ mɔ ni aaajɔɔ bo lɛ, ajɔɔ lɛ!”

1 Mose 28:14

Oshwiei aaafa tamɔ shikpɔŋ mlu, ni ooogbɛ oshwã anai kɛ bokã kɛ kooyi kɛ wuoyi. Bo kɛ oshwiei amli aaajɛ ajɔɔ shikpɔŋ lɛ nɔ akutsei fɛɛ.

1 Mose 30:27

Shi Laban kɛɛ lɛ akɛ, “Kɛ oooŋmɛ mi gbɛ ni mawie lɛ, mitsɔ̃ gbalɛ nɔ mina mile akɛ bo ohewɔ ni Yehowa ejɔɔ mi nɛɛ.

1 Mose 30:30

Ejaakɛ be ni miba lɛ, kooloi fioo ko kɛkɛ oyɔɔ; shi amrɔ nɛɛ amɛshwere babaoo; mi mihewɔ Yehowa ejɔɔ bo babaoo nɛɛ. Shi agbɛnɛ mɛɛbe mabua nɔ ko naa mahã mi diɛŋtsɛ miwe hu.”

1 Mose 39:5

Kɛjɛ gbi nɔ ni Ijiptnyo lɛ wo Yosef onukpa yɛ ewe lɛ kɛ nɔ fɛɛ nɔ ni eyɔɔ lɛ nɔ lɛ, Yehowa jɔɔ Ijiptnyo lɛ we lɛ yɛ Yosef hewɔ. Yehowa jɔɔmɔ ba Ijiptnyo lɛ shĩa nii kɛ eŋmɔshi nii fɛɛ nɔ.

Lalai 72:17

Maŋtsɛ lɛ gbɛi ahe shi kɛya naanɔ; gbii abɔ ni hulu yɔɔ nɛɛ, enunyam akagbo. Gbɔmɛi aaanya yɛ ehewɔ; ni majimaji fɛɛ aaajɔɔ lɛ.

2 Mose 23:22

Shi kɛji nyɛye egbee nɔ pɛpɛɛpɛ, ni nyɛfee nɔ ni mikɛɛ nyɛ lɛ fɛɛ lɛ, no lɛ matsɔ̃ henyɛlɔ mahã nyɛhenyɛlɔi, ni mikɛ mɛi ni kɛ nyɛ tswaa baatswa.

4 Mose 24:9

Edɛke shi; ebu shi tamɔ jata, tamɔ jatayoo; namɔ aaatsiɛ lɛ? Mɔ fɛɛ mɔ ni jɔɔ bo lɛ, aaajɔɔ lɛ, ni mɔ fɛɛ mɔ ni lomɔɔ bo lɛ, aaalomɔ lɛ.”

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Mateo 25:45

Kɛkɛ lɛ eeehere amɛ nɔ eeekɛɛ akɛ, ‘Anɔkwale mikɛɔ nyɛ akɛ, gbii abɔ ni nyɛfeee nyɛhãaa mɛi bibii kwraa nɛɛ ateŋ mɔ kome lɛ, nyɛfeee nyɛhãaa mi hu!’

Luka 24:27

Ni ebɔ̃i kɛjɛ Mose kɛ Gbalɔi lɛ fɛɛ nɔ, ni etsɔ̃ɔ amɛ nibii ni yɔɔ Ŋmalɛi lɛ fɛɛ mli yɛ ehe lɛ ashishi.

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

Galatabii 3:16

Shi Abraham lɛ, akɛ lɛ kɛ eshwie lɛ wie shiwoo wiemɔi lɛ. Ekɛɛɛ akɛ, “kɛ oshwiei lɛ” tamɔ nɔ ni ekɛ mɛi pii miiwie, shi moŋ tamɔ mɔ kome akɛ, “kɛ oshwie lɛ”, mɔ ni ji Kristo lɛ.

Galatabii 3:28

Yudanyo bɛ lɛ, Helanyo hu bɛ dɔŋŋ; nyɔŋ bɛ lɛ, odehe hu bɛ dɔŋŋ; nuu bɛ lɛ, yoo hu bɛ dɔŋŋ: ejaakɛ nyɛ fɛɛ lɛ mɔ kome ji nyɛ yɛ Kristo Yesu mli.

Galatabii 3:8

Shi akɛni ŋmalɛ lɛ ena momo akɛ hemɔkɛyeli mli Nyɔŋmɔ aaabu jeŋmaji lɛ abem yɛ hewɔ lɛ, ejaje Sanekpakpa lɛ etsɔ̃ɔ Abraham eto akɛ, “Omli aaajɔɔ jeŋmaji lɛ fɛɛ yɛ.”

Efesobii 1:3

Ajɔɔ Nyɔŋmɔ, wɔ Nuŋtsɔ Yesu Kristo Tsɛ lɛ, mɔ ni kɛ mumɔŋ jɔɔmɔ ejɔɔ wɔ yɛ ŋwɛiniiaŋ yɛ Kristo mli lɛ.

Kolosebii 3:11

Enɛ mli lɛ Helanyo kɛ Yudanyo, ketiafolɔ kɛ foolɔ, gbɔ, Sikitianyo, nyɔŋ kɛ odehe ko bɛ dɔŋŋ, shi moŋ Kristo ji nii fiaa yɛ mɛi fɛɛ mli.

Kpojiemɔ 7:9

Nii nɛɛ asɛɛ lɛ mikwɛ, ni naa, asafo kpele ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ maji anɔ wiemɔi amli damɔ maŋtsɛ sɛ̃i lɛ hiɛ kɛ Toobi lɛ hiɛ, ni amɛwo atadei yɛji, ni amɛhiɛ blɛoi yɛ amɛdɛŋ,