1 Mose 12:15 - ŊMALƐ KRƆŊKRƆŊ LƐ

¹⁵ Farao lumɛi lɛ hu na lɛ, ni amɛyajie eyi amɛhã Farao, ni abaŋɔ yoo lɛ kɛtee Farao we lɛ.

Ṅmãle̱ Kroṅkroṅ Le̱

¹⁵ Ni Farao lume̱i le̱ hũ nale̱, ni ame̱yadšie eyi ame̱hã Farao; ni abaṅõ yō le̱ ke̱-te Farao we le̱.

1 Mose 12:15 ပူးပေါင်းရင်းမြစ်များ

1 Mose 12:14

Be ni Abram bashɛ Ijipt lɛ, Ijiptbii lɛ na yoo lɛ akɛ ehe yɛ fɛo naakpa.

1 Mose 20:2

Abraham kɛɛ yɛ eŋa hewɔ akɛ, “Minyɛmi yoo ji lɛ.” Kɛkɛ ni Abimelek, Gerar maŋtsɛ lɛ, tsu ayaŋɔ Sara abahã lɛ.

1 Mose 26:7

Ni be ni jɛibii lɛ bi eŋa lɛ he sane lɛ, eto he akɛ, “Minyɛmi yoo ni”. Ejaakɛ eeshe gbeyei ni ekɛɛɛ akɛ: “Miŋa ni.” Ni ekɛɛ hu yɛ eyiŋ akɛ, “Bɔ ni afee ni jɛibii lɛ akabagbe mi yɛ Rebeka hewɔ; ejaakɛ Rebeka he yɛ fɛo.”

1 Mose 40:2

Farao mli fu epiafoi enyɔ nɛɛ, ni ji edãawolɔ nukpa lɛ kɛ ebolooshãlɔ nukpa lɛ,

1 Mose 41:1

Afii naakplɔi enyɔ sɛɛ lɛ, Farao la lamɔ ko. Ela ni edamɔ Nilo faa lɛ naa.

1 Maŋtsɛmɛi 3:1

Solomon kɛ Ijipt maŋtsɛ Farao fee shaanuu, ni Solomon kpee Farao biyoo. Ni ekɛ lɛ ba Yerusalɛm kɛyashi beyinɔ ni agbe lɛ diɛŋtsɛ ewe lɛ kɛ Yehowa we lɛ kɛ Yerusalɛm he gbogboi lɛ atswaa naa.

2 Maŋtsɛmɛi 18:21

Naa, oŋɔ ohiɛ ofɔ̃ Ijipt nɔ, nakai glã ni eku momo, ni kɛji akpasa lɛ ni egbuɔ mɔ dɛ̃ kɛjeɔ kpo lɛ. Nakai Farao, Ijipt maŋtsɛ lɛ, ji hã mɛi fɛɛ ni ŋɔɔ amɛhiɛ amɛfɔ̃ɔ enɔ lɛ.’ ”

Lalai 105:4

Nyɛtaoa Yehowa kɛ ehewalɛ lɛ sɛɛgbɛ; nyɛtaoa ehiɛgbɛ daa.

2 Mose 2:15

Be ni Farao nu nɛkɛ sane nɛɛ lɛ, etao Mose egbe. Shi Mose jo Farao naa foi kɛtee Midian shikpɔŋ lɛ nɔ, ni eyahi jɛi. Mose ta nubu ko naa, ni Yetro, ni ji Midian osɔfo lɛ, biyei kpawo lɛ ba jɛi koni amɛbasha nu amɛwo tsesei amli amɛhã amɛtsɛ toi lɛ ni amɛnu.

2 Mose 2:5

Farao biyoo ba ehejuu yɛ faa lɛ naa, ni eweyei lɛ miishara shi yɛ faa lɛ toi. Kɛkɛ ni ehiŋmɛi gba kɛntɛŋ lɛ nɔ yɛ glãi lɛ ateŋ, ni etsu eweyei lɛ ateŋ mɔ kome ni eyawo kɛba.

Abe̱i 29:12

Nɔyelɔ ni boɔ amale toi lɛ, etsuji fɛɛ tsɔ̃mɔɔ mɛi fɔ̃ji.

Abe̱i 6:29

Nakai eji hã nuu ni nyiɛɔ mɔ kroko ŋa sɛɛ; mɔ ko mɔ ko bɛ ni aaata ehe ni eeeye ehe kɔkɔɔkɔ.

Yeremia 25:19

Mɛi krokomɛi hu ni nu Yehowa mlifu lɛ eko nɛ: Ijipt maŋtsɛ lɛ kɛ etsuji lɛ kɛ elumɛi lɛ kɛ emaŋbii lɛ fɛɛ,

Yeremia 46:17

“Gbɛi ni okɛtsɛ Farao, Ijipt maŋtsɛ lɛ, agbɛnɛ ji ‘Naafuutsɛ ni hã be ho yaka.’

Ezekiel 32:2

“Gbɔmɔ Adesa, ye Ijipt maŋtsɛ lɛ ŋkɔmɔ ni okɛɛ lɛ akɛ Obuɔ ohe akɛ jata ko yɛ majimaji lɛ ateŋ, shi moŋ, otamɔ báa yɛ faa mli, otswaa aŋmɔ yɛ onui lɛ amli, okɛ onaji taa nu mli ni okpɔtɔɔ fai lɛ.

Hebribii 13:4

Awo gbãlã hiɛ nyam yɛ nyɛ fɛɛ nyɛteŋ, ni akabule gbãlã saa hu; shi ajwamãŋbɔlɔi kɛ gbãlãŋkulɔi lɛ, Nyɔŋmɔ baakojo amɛ.