1 Mose 11:7 - ŊMALƐ KRƆŊKRƆŊ LƐ

⁷ Nyɛhãa wɔkpelekea shi ni wɔyatsakea amɛwiemɔ lɛ ni wɔfee lɛ wiemɔi srɔtoisrɔtoi, koni mɔ ko akanu enaanyo wiemɔ dɔŋŋ!”

Ṅmãle̱ Kroṅkroṅ Le̱

⁷ Nyebãa wo̱kplekea ši ni wo̱yatõtõa ame̱nã ye̱ dše̱i, koni moko akanu enanyo wiemo̱ doṅṅ!

1 Mose 11:7 ပူးပေါင်းရင်းမြစ်များ

1 Mose 1:26

Kɛkɛ ni Nyɔŋmɔ kɛɛ, “Nyɛhãa wɔbɔa gbɔmɔ adesa yɛ wɔsu nɔ, tamɔ wɔhenɔ, koni eye ŋshɔŋ loi kɛ loofɔji kɛ shĩaŋ kooloi kɛ ŋaŋ kooloi fɛɛ kɛ nɔ fɛɛ nɔ ni wamɔɔ yɛ shikpɔŋ lɛ nɔ lɛ nɔ!”

1 Mose 10:20

Mɛnɛɛmɛi ji Ham shwiei lɛ. Amɛhi shi yɛ amɛwekuiaŋ kɛ amɛmajiaŋ yɛ amɛshikpɔji lɛ anɔ, amɛteŋ mɔ fɛɛ mɔ kɛ emaŋ wiemɔ.

1 Mose 10:32

Mɛnɛɛmɛi ji Noa shwiei lɛ yɛ amɛwekukpãa naa. Amɛhi amɛmajiaŋ yɛ amɛshikpɔji anɔ. Amɛmli jeŋ maji lɛ jɛ gbɛ shwã jeŋ fɛɛ yɛ nu afua lɛ sɛɛ.

1 Mose 10:5

Mɛnɛɛmɛi amli mɛi jɛ amɛgbɛ amɛshwã ŋshɔnaa shikpɔji kɛ ŋshɔkpɔi lɛ anɔ. Yafet shwiei nɛɛ hi amɛshikpɔji anɔ yɛ amɛwekui amli yɛ amɛmaji amli, amɛteŋ mɔ fɛɛ mɔ kɛ emaŋ wiemɔ.

1 Mose 11:5

Kɛkɛ ni Yehowa kpeleke shi kɛba ni ebakwɛ maŋ kɛ mɔɔ ni gbɔmɛi adesai ema lɛ.

1 Mose 3:22

Ni Nuŋtsɔ Nyɔŋmɔ kɛɛ, “Naa, gbɔmɔ lɛ etsɔ̃ tamɔ wɔteŋ mɔ kome, ni ele ekpakpa kɛ efɔŋ. Agbɛnɛ, eko lɛ eeekpã enine mli ni etse wala tso lɛ yibii lɛ eko ni eye koni ehiɛ akã kɛya naanɔ.”

1 Mose 42:23

Shi amɛleee akɛ Yosef enu nɔ ni amɛwieɔ lɛ shishi ejaakɛ mɔ ko yɛ ni jieɔ enaa.

Hiob 12:20

Ehãa wiemɔ tete ŋmɛɔ mɛi ni hiɛ kã amɛnɔ, ni eshɔ̃ɔ hiimeji anilee yɛ amɛdɛŋ.

Lalai 2:4

Mɔ ni ta ŋwɛi lɛ miiŋmɔ Nuŋtsɔ lɛ miiye amɛhe fɛo po; ni eyeɔ amɛhe fɛo hu.

Lalai 33:10

Yehowa hãa majimaji lɛ ayiŋtoi lɛ feɔ yaka; ni etswaa ayiŋtoi lɛ efɔ̃ɔ.

Lalai 55:9

Oo Nuŋtsɔ, futumɔ amɛjwɛŋmɔi lɛ, kaahã amɛmiikpã gbee, ejaakɛ miina basabasafeemɔ kɛ nɔmɔ yɛ maŋ lɛ mli.

2 Mose 4:11

Yehowa bi lɛ akɛ, “Namɔ bɔ naabu hã gbɔmɔ? Namɔ bɔ mumui loo toimulɔ, loo mɔ ni naa nii, loo shwilafo? Ani jeee mi, Yehowa nɛɛ nɔŋŋ?

Yesaia 33:19

Onaŋ gbɔmɛi hetsɔ̃ɔlɔi lɛ dɔŋŋ, mɛi ni wieɔ wiemɔ ni wa ni anuuu shishi, ni amɛwieɔ kɛ mumɔhaa ni anuuu shishi lɛ.

Yesaia 6:8

Kɛkɛ ni minu Nuŋtsɔ lɛ gbee ni miikɛɛ akɛ, “Namɔ matsu, ni namɔ aaatee ahã wɔ?” Mikɛɛ akɛ, “Naa mi! Tsu mi!”

Yeremia 5:15

Nyɛ Israelbii, naa, miihã maŋ ko ajɛ shɔŋŋ aba koni ebatua nyɛ. Eji blema maŋ, ni ehe wa naakpa; maŋ ko ni nyɛnuuu ewiemɔ, ni kɛji awie tete lɛ nyɛnuuu shishi. Mi, Yehowa, mikɛɛ.

1 Korintobii 14:23

No hewɔ lɛ, agbɛnɛ kɛji asafo muu lɛ fɛɛ naa bakpe shi yɛ he kome, ni mɛi lɛ fɛɛ miiwie wiemɔi srɔtoi, ni mɛi ni leee mli eko aloo mɛi ni heee yeee lɛ ateŋ mɛi komɛi hu ba jɛi lɛ, ani amɛkɛŋ akɛ nyɛmiiye sɛkɛ?

5 Mose 28:49

Yehowa kɛ maŋ ko aaajɛ shɔŋŋ diɛŋtsɛ, kɛaajɛ je lɛ naagbeehe, abatua bo trukaa, shwim tamɔ okropɔŋ filikiɔ, maŋ ko ni onuuu amɛwiemɔ,