1 Mose 11:4 - ŊMALƐ KRƆŊKRƆŊ LƐ

⁴ Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”

Ṅmãle̱ Kroṅkroṅ Le̱

⁴ Ni ame̱kē̱: Yiē̱, nyehãa wo̱toa maṅ wo̱hãa wo̱he, ni wo̱mãa mõ ni eyiteṅ ayaši ṅwei, ni wo̱ke̱-he gbe̱i, koni wo̱-kaſã šikpoṅ mü le̱ fẽ no̱.

1 Mose 11:4 ပူးပေါင်းရင်းမြစ်များ

1 Mose 6:4

Nakai bei lɛ amli kɛ no sɛɛ fɛɛ lɛ Nyɔŋmɔbii lɛ kɛ gbɔmɛi abiyei lɛ fɔfɔɔ asaabui yɛ shikpɔŋ lɛ nɔ. Bii nɛɛ tsɔmɔ gbɔmɛi kãkãlɔi ni agbɛii hehee kɛjɛ blema bei lɛ amli tɔ̃ɔ.

2 Samuel 8:13

David gbɛi hehee kɛteke nɔ. Be ni eku esɛɛ kɛjɛ ta lɛ ebaa lɛ, eyagbe Edombii akpei nyɔŋma kɛ kpaanyɔ yɛ Ŋoo Jɔɔ lɛ mli.

Lalai 107:26

Ŋshɔkei lɛ holeɔ amɛhe nɔ kɛyaa ŋwɛi, ni amɛnyɔɔ shi kɛyaa ŋshɔ kwɔŋkwɔŋ lɛŋ, ni amlakui lɛ atsui fãa yɛ amɛmanehulu lɛ mli.

Lalai 92:9

Ejaakɛ Oo Yehowa! Ohenyɛlɔi lɛ, Ohenyɛlɔi lɛ ahiɛ baakpãtã kɛ̃. Mɛi fɛɛ ni tsuɔ nishaianii lɛ, aaagbɛ amɛ ashwã.

Abe̱i 10:7

Kɛ akai jalɔ lɛ, ajɔɔ lɛ; shi efɔŋfeelɔ lɛ atsiŋ egbɛi tã ajɔŋ lɛ.

Yeremia 51:53

Kɛ Babilon kwɔ kɛtee ŋwɛi tamɔ mɛ, ni kɛ ewaje emɔji lɛ akɛ mɛ, kɛ̃lɛ mibawo mɛi gbɛ kɛyakpãtã ehiɛ. Mi, Yehowa, mikɛɛ.”

Daniel 4:11

Tso lɛ wo dalɛ nɔ, ni ekwɔ kɛtee kɛyashɛ ŋwɛi bɔ ni anaa lɛ yɛ je lɛ mli he fɛɛ he.

Daniel 4:22

“Nii, bo ji nakai tso lɛ. Bo lɛ oda, ni ohe wa. Oda aahu kɛyashɛ ŋwɛi, ni ohewalɛ miiye je lɛ fɛɛ nɔ.

Daniel 4:27

No hewɔ lɛ, Maŋtsɛ, mɔ ŋaa ni mawo bo nɛɛ mli. Kpa eshafeemɔ koni ofee nɔ ni ja. Naa ohiafoi amɔbɔ akɛ aleenɔ no aaahã ohe ajɔ bo lo.”

Daniel 4:30

ekɛɛ akɛ, “Kwɛ Babilon maŋ nɛɛ dalɛ. Mikɛ mihewalɛ tswa lɛ ma shi akɛ maŋtsɛmaŋ; ni eeye mihewalɛ lɛ kɛ agbojee he odase.”

Luka 1:51

Ekɛ enine etsu hewalɛ nitsumɔi; mɛi ni woɔ amɛhe yɛ amɛtsuiŋ jwɛŋmɔ mli lɛ egbɛ amɛ eshwã.

Yohane 5:44

Te aaafee tɛŋŋ ni nyɛaanyɛ nyɛhe nyɛyeŋ, nyɛ ni nyɛtaoɔ anunyam yɛ nyɛteaŋ, shi anunyam ni jɛɔ Nyɔŋmɔ koome lɛ ŋɔɔ lɛ nyɛdii sɛɛ lɛ?

5 Mose 1:28

Nɛgbɛ wɔɔtsɔ̃ kɛya?’ Wɔnyɛmimɛi lɛ ehã wɔtsui efã, ejaakɛ amɛkɛɛ, ‘Gbɔmɛi lɛ dara ni amɛkwɔlɔ fe wɔ; amɛmaji lɛ hu dara, ni atswa gbogboi ni kwɔlɔ kɛyashi ŋwɛi awowoo amɛhe; ni wɔna Anakbii tete yɛ jɛi.’

5 Mose 4:27

Yehowa aaagbɛ nyɛ ashwã maji krokomɛi anɔ, ni nyɛyi fioo kɛkɛ aaashwɛ yɛ maji ni Yehowa aaagbɛ nyɛ ashwã kɛaatee lɛ anɔ.

5 Mose 9:1

“Nyɛboa toi, Israelbii! Nyɛbaafo Yordan Faa lɛ ŋmɛnɛ gbi nɛɛ koni nyɛya nyɛyaŋɔ shikpɔji yɛ maji ni dara, ni asaŋ amɛhe wa hu fe nyɛ adɛŋ, shikpɔji kɛ amɛnɔ maji wuji kɛ amɛhe gbogboi ni atswa kɛtee ŋwɛi shɔŋŋ akɛwaje amɛ.