1 Mose 1:9 - ŊMALƐ KRƆŊKRƆŊ LƐ

⁹ Kɛkɛ ni Nyɔŋmɔ fã akɛ, “Nu ni yɔɔ ŋwɛishishi lɛ abua ehe naa yɛ he kome, koni ana shikpɔŋ gbiŋ lɛ!” Ni eba mli nakai.

Ṅmãle̱ Kroṅkroṅ Le̱

⁹ Ni Nyoṅmo̱ kē̱: Nui ni yo̱ ṅwei šiši le̱ abua ame̱he nā ye̱ he kome, ni ana šikpoṅ gbĩṅ le̱! Ni efe nakai. 2 Pet. 3,3. Hiob 38,8-11.

1 Mose 1:9 ပူးပေါင်းရင်းမြစ်များ

1 Mose 1:8

Nyɔŋmɔ tsɛ he ni atatu lɛ yɔɔ lɛ akɛ ŋwɛi. Je na, ni je tsɛre; no ji gbi ni ji enyɔ lɛ.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Hiob 26:10

Efo akrabatsa yɛ ŋshɔ sɛɛ ni no etsɔ̃ husu ni kã la kɛ duŋ lɛ teŋ.

Hiob 26:7

Elɛɛ kooyigbɛ ŋwɛi lɛ mli eha shi yɛ kɔɔyɔɔ mli, ni eŋɔ je lɛ etsotsoro shi ni etsotsorooo nɔ ko nɔ ko nɔ.

Lalai 104:3

Oma oshĩa lɛ yɛ nui anɔ; oŋɔ atatui okɛfee oshwiilii; otaa kɔɔyɔɔ fiji anɔ okɛsheraa shi.

Lalai 33:7

Ebua ŋshɔ mli nu fɛɛ naa, efee lɛ bibioo tamɔ tɔ mli nii; ni shikpɔŋ lɛ shishi bu kwɔŋkwɔŋ lɛ mli nu babaoo lɛ, etsi naa eto nitoohe.

Lalai 95:5

Ŋshɔ lɛ enɔ ni, ni lɛ ebɔ; ni shikpɔŋ gbiŋ lɛ hu eniji ni shɔ̃.

Jajelɔ 1:7

Faa fɛɛ faa naa yaboteɔ ŋshɔ mli, kɛ̃lɛ ŋshɔ yiii. Hei ni fai lɛ hoɔ kɛyaa lɛ, jɛi nɔŋŋ amɛhoɔ kɛyaa be fɛɛ be.

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Yona 1:9

Yona jie naa akɛ, “Hebrinyo ji mi; ni Yehowa mɔ ni yɔɔ ŋwɛi ni lɛ ebɔ ŋshɔ kɛ shikpɔŋ gbiŋ fɛɛ lɛ mijaa.”

2 Petro 3:5

Kwa amɛkwaa amɛ jieɔ amɛhiɛ yɛ enɛ nɔ akɛ ŋwɛi yɛ kɛjɛ blema beebe, ni shikpɔŋ hu jɛ nu mli, ni etsɔ̃ nu mli ebama shi yɛ Nyɔŋmɔ wiemɔ naa;

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,