1 Mose 1:27 - ŊMALƐ KRƆŊKRƆŊ LƐ

²⁷ No hewɔ lɛ, Nyɔŋmɔ bɔ gbɔmɔ adesa yɛ esu nɔ, Nyɔŋmɔ su lɛ nɔ ebɔ lɛ yɛ, ebɔ nuu, ni ebɔ yoo.

Ṅmãle̱ Kroṅkroṅ Le̱

²⁷ Ni *Nyoṅmo̱ bo̱ gbomo ye̱ esubãṅ le̱ no̱, Nyoṅmo̱ subãṅ le̱ no̱ ebo̱le̱ ye̱; †nū ke̱ yō ebo̱ame̱. *Ef. 4,24. †1 Mose 2,7. 22. Mat. 19,4.

1 Mose 1:27 ပူးပေါင်းရင်းမြစ်များ

1 Mose 2:18

Kɛkɛ ni Nuŋtsɔ Nyɔŋmɔ kɛɛ akɛ, “Ehiii akɛ gbɔmɔ lɛ koome hiɔ shi, mafee hefatalɔ ko ni sa lɛ mahã lɛ.”

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

1 Mose 9:6

Mɔ ni shwieɔ gbɔmɔ lá shi lɛ, gbɔmɔ nɔŋŋ aaashwie lɛ hu elá shi kɛ̃ ejaakɛ Nyɔŋmɔ su nɔ Nyɔŋmɔ bɔ gbɔmɔ yɛ.

Lalai 139:14

Miijie oyi, ejaakɛ bɔ ni obɔ mi lɛ, eyɛ naakpɛɛ kɛ gbeyei fɛɛ. Onitsumɔi lɛ yɛ naakpɛɛ; mile enɛ krɛdɛɛ.

Jajelɔ 7:29

Naa, nɔ ni kɛkɛ ni mina ji akɛ Nyɔŋmɔ bɔ gbɔmɔ adesa koni ehi shi krɔŋŋ; shi gbɔmɔ adesa ni eto ŋai srɔtoi.

Yesaia 43:7

mɔ fɛɛ mɔ ni aŋɔ mi, migbɛi awo lɛ lɛ, mɔ fɛɛ mɔ ni mi, mibɔ lɛ, koni ehã mihiɛ aba nyam lɛ.”

Yeremia 29:6

nyɛŋɔŋɔa yei ni nyɛfɔfɔɔ bihii kɛ biyei; nyɛŋɔa ŋamɛi hu nyɛhãa nyɛbihii; nyɛkɛ nyɛbiyei lɛ ahãa gbãlã koni amɛ hu amɛfɔfɔɔ, bɔ ni afee ni nyɛyi afa yɛ jɛi, koni nyɛnɔ akagbɔ!

Maleaki 2:15

Aso jeee Nyɔŋmɔ kome lɛ ji mɔ ni bɔ wala, asaŋ ni lɛ nɔŋŋ ebaa wala mumɔ lɛ yi ehã wɔ lɛ lo? Ni mɛni etaoɔ yɛ wɔdɛŋ mɔ? Eekwɛ gbɛ akɛ nyɛbaafɔ bii ni baatsɔ̃mɔ Nyɔŋmɔ webii anɔkwale mli. No hewɔ lɛ, nyɛkwɛa ni ahia koni shi ni nyɛwo nyɛblahiiaŋ ŋamɛi lɛ nyɛkaku mli kɛtsɔ̃ anɔkwa ni nyɛyeee nɔ.

Mateo 19:4

Ni ehere nɔ ekɛɛ amɛ akɛ, “Ani nyɛkaneko akɛ, mɔ ni bɔ gbɔmɔ yɛ shishijee lɛ mli lɛ, nuu kɛ yoo ebɔ amɛ?

Marko 10:6

shi kɛjɛ jeŋbɔɔ shishijee lɛ mli lɛ, nuu kɛ yoo Nyɔŋmɔ bɔ amɛ.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Efesobii 4:24

ni nyɛwo gbɔmɔ hee ni abɔ yɛ Nyɔŋmɔ subaŋ nɔ yɛ anɔkwa jalɛ kɛ hetsemɔ mli, tamɔ atade.

5 Mose 4:32

“Nyɛbia blema gbii ni eho dani afɔ nyɛ lɛ mli sane akɛ kɛjɛ gbi nɔ ni Nyɔŋmɔ bɔ gbɔmɔ adesa yɛ shikpɔŋ lɛ nɔ nɛɛ lɛ, nɔ ko kpeteŋkple tamɔ nɛkɛ sane eba dã lo? Aloo nyɛbia kɛjɛa ŋwɛi naagbeehe kome kɛyashia ŋwɛi naagbeehe kome hu akɛ anu sane ko ni tamɔ enɛ dã lo?

Kolosebii 1:15

Kristo ji Nyɔŋmɔ ni anaaa lɛ subaŋ, lɛ enɔ atsɔ abɔ nii fɛɛ.

Kolosebii 1:26

Enɛ ji teemɔ sane ni akɛtee kɛjɛ teteete kɛ yinɔi lɛ anɔ lɛ, shi agbɛnɛ lɛ ajie lɛ kpo atsɔ̃ɔ emɛi krɔŋkrɔŋi lɛ.

Kolosebii 3:10

ni nyɛwo gbɔmɔ hee ni aafee lɛ ehee yɛ ebɔlɔ lɛ subaŋ nɔ, koni ele lɛ anɔkwale mli lɛ.

Kojolɔi 21:22

Ni kɛji amɛtsɛmɛi loo amɛnyɛmimɛi ba nyɛŋɔɔ amɛkɛ nyɛ babe lɛ, nyɛkɛa amɛ akɛ, ‘Nyɛkwɛa wɔhewɔ kɛkɛ ni nyɛkɛ amɛ ahãa wɔ; ejaakɛ jeee ta mli wɔshɔ̃ amɛ yɛ, yɛ nyɛdɛŋ koni wɔkɛ amɛ afee wɔŋamɛi; ni asaŋ jeee nyɛ nyɛkɛ amɛ hã wɔ ni eeeba lɛ akɛ nyɛaatere wɔyi sɔ̃ ko.’ ”