1 Mose 1:11 - ŊMALƐ KRƆŊKRƆŊ LƐ

¹¹ Kɛkɛ ni Nyɔŋmɔ fã akɛ, “Shikpɔŋ lɛ akwɛ̃ bai kɛ tsei kɛ jwɛi; tsei ni woɔ yibii ni wui yɔɔ mli, kɛ yeli tsei ni woɔ yibii ni wui yɔɔ mli, eko fɛɛ eko lɛ yɛ ehenɔ yɛ shikpɔŋ lɛ nɔ!” Ni eba mli nakai.

Ṅmãle̱ Kroṅkroṅ Le̱

¹¹ Ni Nyoṅmo̱ kē̱: Šikpoṅ le̱ akwẽ dſe̱i, bāi ni woo̱ wui ke̱ tšei ni woo̱ yibii ye̱ eheno̱, ní ewui le̱ yo̱ emli, ye̱ šikpoṅ le̱ no̱! Ni efe nakai.

1 Mose 1:11 ပူးပေါင်းရင်းမြစ်များ

1 Mose 1:12

Shikpɔŋ lɛ kwɛ̃ tsei kɛ bai kɛ jwɛi; tsei ni woɔ yibii ni wui yɔɔ mli, kɛ yeli tsei ni woɔ yibii ni wui yɔɔ mli, eko fɛɛ eko kɛ ehenɔ yɛ shikpɔŋ lɛ nɔ. Ni Nyɔŋmɔ na akɛ ehi.

1 Mose 1:29

Nyɔŋmɔ kɛɛ akɛ, “Naa, mikɛ tsei ni woɔ dumɔwui kɛ tsei ni woɔ yeli yibii ni wui yɔɔ mli ni yɔɔ shikpɔŋ lɛ nɔ lɛ ehã nyɛ koni nyɛye.”

1 Mose 2:16

Nuŋtsɔ Nyɔŋmɔ kɛɛ gbɔmɔ lɛ akɛ, “Trom lɛ mli tsei lɛ fɛɛ nɔ yibii lɛ ye bɔ ni osumɔɔ;

1 Mose 2:5

ŋa nɔ baa ko bɛ ni ŋa nɔ jwɛi ko nako akwɛ̃ ejaakɛ Nuŋtsɔ Nyɔŋmɔ hãko nu anɛ shikpɔŋ lɛ nɔ, ni gbɔmɔ ko bɛ ni huɔ shikpɔŋ lɛ nɔ.

1 Mose 2:9

Nuŋtsɔ Nyɔŋmɔ hã tsei fɛɛ ni kɛ akwɛ ni aaaba mɔ tsine ni amɛhi hã yeli hu kwɛ̃ kɛjɛ shikpɔŋ sũ lɛ mli. Ehã wala tso kɛ ekpakpa kɛ efɔŋlee tso hu kwɛ̃ yɛ trom lɛ teŋ.

Hiob 28:5

Shikpɔŋ mli niyenii jɛɔ; shi shikpɔŋ lɛ nɔŋŋ shishi lɛ, efee tamɔ nɔ ni la eshã.

Lalai 1:3

Etamɔ tsei ni atɛo yɛ fai atoi, ni woɔ yibii yɛ amɛbe mli, ni amɛbai kpalaaa, ni nɔ fɛɛ nɔ ni efeɔ lɛ shwereɔ.

Lalai 147:8

Lɛ ekɛ atatui haa ŋwɛi, ni ehãa nu nɛɔ shikpɔŋ lɛ nɔ, ni ehãa jwɛi kwɛ̃ɔ yɛ gɔ̃ŋkpɔi anɔ.

Yesaia 61:11

Ejaakɛ bɔ ni shikpɔŋ hãa nii kwɛ̃ɔ, ni trom hãa nii ni adu yɛ mli lɛ kwɛ̃ɔ lɛ, nakai Nuŋtsɔ Nyɔŋmɔ aaahã jalɛ kɛ yijiemɔ akwɛ̃ yɛ majimaji lɛ fɛɛ ahiɛ.

Yeremia 17:8

Etamɔ tso ni atɛo yɛ faa toi; etsɛ̃rɛɔ eshishi fãi kɛyaninaa nu lɛ. Esheee gbeyei kɛji jeŋdɔlɛ be shɛ, ejaakɛ lɛ lɛ eyaa nɔ ewoɔ yibii, etsui yeee kɛji nu enɛɛɛ, ejaakɛ eyibaa hiɔ shi frɔ̃frɔ̃.

Mateo 3:10

Shi lema lɛ kã tsei lɛ ashishifã lɛ nɔ momo; hewɔ lɛ tso fɛɛ tso ni wooo yibii kpakpai lɛ atoɔ afɔɔ shi, ni ashɛɔ afɔɔ la mli.

Mateo 6:30

Shi kɛji ŋa nɔ jwɛi ni ŋmɛnɛ eyɛ ni wɔ ni ashɛ afɔ̃ flɔnɔɔ mli lɛ ni Nyɔŋmɔ wulaa nɛkɛ lɛ, ani efeŋ nɔ ni fe enɛ ehaŋ nyɛ, nyɛ ni nyɛhemɔkɛyeli faaa lɛ lo?

Marko 4:28

Shikpɔŋ lɛ diɛŋtsɛ woɔ yibii: jwɛifɔ lɛ tsutsu, kɛkɛ lɛ ŋmãatso lɛ, ni no sɛɛ lɛ ŋmãa lɛ diɛŋtsɛ yɛ ŋmãatso yi.

1 Korintobii 15:38

shi Nyɔŋmɔ hãa lɛ tso bɔ ni esumɔɔ, ni wu fɛɛ wu lɛ, ehãa lɛ lɛ diɛŋtsɛ etso.

Hebribii 6:7

Shikpɔŋ ni miiɔ nu ni nɛɔ shwieɔ enɔ kpitiokpitio ni ebaa nii ni hi hã mɛi ni huɔ nɔ lɛ, enaa Nyɔŋmɔ jɔɔmɔ lɛ eko.

Yakobo 3:12

Minyɛmimɛi, aso agbãmi tso aaanyɛ mutso yibii awo? Aloo waintso aaawo agbãmi? Nakai nɔŋŋ kɛ̃ ŋoobu nyɛŋ nu ŋma aba.