1 Mose 1:1 - ŊMALƐ KRƆŊKRƆŊ LƐ

¹ Shishijee mli lɛ Nyɔŋmɔ bɔ ŋwɛi kɛ shikpɔŋ.

Ṅmãle̱ Kroṅkroṅ Le̱

¹ Šišidšē mli le̱ Nyoṅmo̱ bo̱ ṅwei ke̱ šikpoṅ. Bo̱f. 17,24. Kpods. 4,11. Heb. 11,3. Ioh. 1,1-3.

1 Mose 1:1 ပူးပေါင်းရင်းမြစ်များ

2 Maŋtsɛmɛi 19:15

Ni Hezekia yasɔle ekpa Yehowa fai akɛ, “Ao, Yehowa Israel Nyɔŋmɔ, bo mɔ ni oyeɔ lumɔ yɛ kerubim lɛ anɔ, bo okome too ji Nyɔŋmɔ yɛ shikpɔŋ lɛ nɔ maŋtsɛmɛi lɛ fɛɛ nɔ. Bo obɔ ŋwɛi kɛ shikpɔŋ.

1 Kronika 16:26

Ejaakɛ maji lɛ anyɔŋmɔi lɛ fɛɛ lɛ, amãgãi ni; Shi Yehowa lɛ, lɛ ebɔ ŋwɛi.

2 Kronika 2:11

Kɛkɛ ni Huram, Tiro maŋtsɛ lɛ, hã Solomon ewolo lɛ hetoo. Ekɛɛ yɛ wolo ni eŋma emaje Solomon lɛ mli akɛ, “Suɔmɔ ni Yehowa sumɔ emaŋ lɛ hewɔ ni ewo bo amɛmaŋtsɛ lɛ.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Hiob 26:13

Emumɔ ji nɔ ni hãa ŋwɛi tseɔ, ni ekɛ enine kpãtãa onufu ni miijo foi ni eya lɛ hiɛ.

Hiob 38:4

Be ni mito je lɛ shishi lɛ, nɛgbɛ oyɔɔ? Kɛji ole he nɔ ko lɛ, kɛɛmɔ mi!

Hiob 9:8

Lɛ ekoome ekpã ŋwɛi mli elɛɛ shi, ni enaanaa bonso nɔ yɛ ŋshɔŋ.

Lalai 102:25

Blema beebe oto shikpɔŋ lɛ shishi, ni ŋwɛi lɛ, onijianaa nitsumɔ ni.

Lalai 104:24

Oo Yehowa, onitsumɔi lɛ fa naakpa, fɛɛ jɛ onilee mli. Shikpɔŋ lɛ nɔ eyi tɔ kɛ onibɔɔnii sɔŋŋ.

Lalai 104:30

Kɛji okɛ omumɔ lɛ wo amɛmli lɛ, wala baa amɛmli; ni wala hee baa shikpɔŋ lɛ nɔ.

Lalai 115:15

Yehowa, ŋwɛi kɛ shikpɔŋ bɔlɔ lɛ aaajɔɔ nyɛ.

Lalai 121:2

Miyelikɛbuamɔ jɛɔ Yehowa, mɔ ni bɔ ŋwɛi kɛ shikpɔŋ lɛ ŋɔɔ!

Lalai 124:8

Wɔyelikɛbuamɔ yɛ Yehowa, mɔ ni bɔ ŋwɛi kɛ shikpɔŋ lɛ dɛŋ.

Lalai 134:3

Yehowa ni bɔ ŋwɛi kɛ shikpɔŋ lɛ ajɛ Zion ajɔɔ bo!

Lalai 136:5

Lɛ mɔ ni ekɛ nilee bɔ ŋwɛi amli ŋwɛii lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 146:6

Lɛ ebɔ ŋwɛi kɛ shikpɔŋ kɛ ŋshɔ kɛ nɔ fɛɛ nɔ ni yɔɔ mli lɛ; lɛ lɛ eyeɔ anɔkwa kɛyaa naanɔ.

Lalai 33:6

Yehowa wiemɔ naa abɔ ŋwɛi yɛ, ni ekɛɛmɔ naa abɔ hulu kɛ nyɔɔŋtsere kɛ ŋulamii fɛɛ yɛ.

Lalai 33:9

Ejaakɛ lɛ ewie ni eba mli; lɛ efã ni je lɛ ma shi shiŋŋ.

Lalai 8:3

Kɛ mikwɛ oŋwɛi kɛ onine naa nitsumɔi lɛ, nyɔɔŋtsere kɛ ŋulamii ni obɔ lɛ,

Lalai 8:4

mɛni ji gbɔmɔ adesa ni ojwɛŋɔ ehe? Namɔ po ji gbɔmɔbi ni ogbaa ohenaa yɛ ehe?

Lalai 90:2

Be ni onako obɔ gɔji lɛ, ni onako obɔ shikpɔŋ lɛ kɛ jeŋ lɛ, bo ji Nyɔŋmɔ kɛjɛ naanɔ kɛmiiya naanɔ fɛɛ.

Lalai 96:5

Ejaakɛ maji krokomɛi anyɔŋmɔi lɛ, amãgãi ni; shi Yehowa ji mɔ ni bɔ ŋwɛii amli ŋwɛi lɛ.

2 Mose 20:11

Ejaakɛ gbii ekpaa Yehowa kɛbɔ ŋwɛi kɛ shikpɔŋ kɛ ŋshɔ kɛ amɛmli nibii fɛɛ; ni gbi ni ji kpawo lɛ nɔ lɛ ejɔɔ ehe. No hewɔ ni Yehowa jɔɔ hejɔɔmɔ gbi lɛ, ni efee lɛ krɔŋkrɔŋ lɛ.

2 Mose 31:18

Be ni Yehowa kɛ Mose ewie egbe naa yɛ Sinai Gɔŋ lɛ nɔ lɛ, ekɛ tɛi enyɔ ni ji tɛi tɛtɛrɛbii ni lɛ Nyɔŋmɔ lɛ diɛŋtsɛ kɛ ewao eŋma nii yɛ nɔ lɛ hã Mose.

Abe̱i 16:4

Nɔ fɛɛ nɔ ni Yehowa fee lɛ, eyɛ nɔ hewɔ ni efee; gbi fɔŋ tete lɛ, ekã shi ehã mɔ fɔŋ.

Abe̱i 3:19

Yehowa kɛ nilee to shikpɔŋ lɛ shishi, ni jwɛŋmɔ ni mli kwɔ ekɛhã ŋwɛi ma shi shiŋŋ.

Jajelɔ 12:1

Kaimɔ obɔlɔ lɛ yɛ oblahiiaŋ, be ni gbii fɔ̃ji lɛ kɛ afii fɔ̃ji lɛ nako ashɛ, be mli ni obaakɛɛ akɛ, “Jeŋshihilɛ eŋɔɔɔ” lɛ.

Yesaia 37:16

“Ao Yehowa, Taiatsɛ, Israel Nyɔŋmɔ ni omaŋtsɛ sɛi lɛ ma kerubim anɔ, bo ji Nyɔŋmɔ hã maŋtsɛyelii fɛɛ, bo okoome pɛ obɔ ŋwɛi kɛ shikpɔŋ.

Yesaia 40:21

Ani nyɛleee? Ani nyɛnuko dã? Ani agbako nyɛ je lɛ shishijee sane? Ani nyɛnuko bɔ ni ato eshishi ahã?

Yesaia 40:26

Nyɛwoa nyɛhiɛ nɔ kɛyaa ŋwɛi ni nyɛkwɛa! Namɔ bɔ ŋulamii nɛɛ? Lɛ mɔ ni ejieɔ amɛsafoi lɛ kpo, ni ekaneɔ amɛyibɔ, ni ewoɔ amɛ fɛɛ gbɛi lɛ, lɛ ji mɔ ni fee. Ehewalɛ kpele kɛ enyɛmɔ naa lɛ, amɛteŋ ekome folo nɛkɛ elaajeee.

Yesaia 40:28

Ani oleee? Ani onuko dã Yehowa ji naanɔ Nyɔŋmɔ lɛ, jeŋ tso muu lɛ fɛɛ bɔlɔ lɛ. Etɔɔɔ lɛ, ni egbɔjɔɔɔ hu, ni aleee ejwɛŋmɔ mlikwɔlɛ.

Yesaia 42:5

Bɔ ni Nyɔŋmɔ mɔ ni ji Yehowa lɛ, mɔ ni bɔ ŋwɛi, ni ekpã mli, mɔ ni bɔ shikpɔŋ elɛɛ shi, kɛ nɔ fɛɛ nɔ ni yɔɔ nɔ, mɔ ni hãa mɛi ni yɔɔ shikpɔŋ lɛ nɔ mumɔ, kɛ mɛi ni nyiɛ nɔ lɛ wala lɛ kɛɛ nɛ,

Yesaia 44:24

“Bɔ ni Yehowa, oKpɔlɔ lɛ kɛɛ nɛ, ‘Mi ji Yehowa, mɔ ni bɔ nii fɛɛ, mɔ ni ekome too ekpã ŋwɛi mli eha shi, ni ekome pɛ elɛɔ shikpɔŋ lɛ mli.

Yesaia 45:18

Ejaakɛ bɔ ni Yehowa mɔ ni bɔ ŋwɛi lɛ, Nyɔŋmɔ mɔ ni shɔ̃ shikpɔŋ lɛ, ni ewaje lɛ ema shi shiŋŋ, ni ebɔɔɔ lɛ koni ekã shi efolo, shi ebɔ lɛ koni ahi nɔ lɛ kɛɛ nɛ, “Mi ji Yehowa, ni kɛjɛ mi, misɛɛ lɛ mɔ ko bɛ dɔŋŋ.”

Yesaia 51:13

ni ohiɛ ekpa Yehowa, obɔlɔ lɛ, moŋ nɔ? Ohiɛ ekpa mɔ ni lɛɛ ŋwɛi mli eha shi, ni eto je lɛ shishi lɛ nɔ? Mɛɛba osheɔ gbeyei jenamɔ tuu yɛ haolɔ lɛ grimɔ kɛ ehe ni esaa kɛkpãtã ohiɛ lɛ hewɔ? Ni nɛgbɛ haolɔ lɛ grimɔ lɛ yɔɔ po?

Yesaia 51:16

Mi milɛɛ ŋwɛi mli miha shi, ni mito je lɛ shishi. Mikɛɛ Yerusalɛm akɛ, ‘Miwebii ji nyɛ! Mikɛ miwiemɔi lɛ ewo nyɛnaa, ni mikɛ minine miibu nyɛhe.’ ”

Yesaia 65:17

Yehowa kɛɛ akɛ, “Naa, miibɔ ŋwɛi hee kɛ shikpɔŋ hee, ni akaiŋ tsuutsu nii lɛ dɔŋŋ, ni asaŋ ebaŋ gbɔmɔ jwɛŋmɔ mli dɔŋŋ.

Yeremia 10:12

Yehowa ji mɔ ni bɔ shikpɔŋ lɛ yɛ ehewalɛ naa, ni ebɔ je lɛ yɛ enilee naa, ni elɛɛ ŋwɛi mli eha nɔ yɛ eŋaa naa.

Yeremia 32:17

“Ao! Nuŋtsɔ Nyɔŋmɔ, bo obɔ ŋwɛi kɛ shikpɔŋ yɛ ohewalɛ kpeteŋkple lɛ kɛ onyɛmɔ naa; nɔ ko nɔ ko shɛɛɛ bo feemɔ.

Yeremia 51:15

“Yehowa bɔ shikpɔŋ lɛ, yɛ ehewalɛ naa, ni ejɛ nilee mli ebɔ je lɛ, ni elɛɛ ŋwɛi mli kɛ ŋaa.

Zakaria 12:1

Wiemɔ ni Yehowa wie yɛ Israel he lɛ nɛ. Bɔ ni Yehowa mɔ ni bɔ ŋwɛi ni ha shi nɛɛ, ni bɔ shikpɔŋ lɛ, ni ebɔ mumɔ ni yɔɔ gbɔmɔ mli lɛ kɛɛ nɛ,

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Marko 13:19

Ejaakɛ nakai bei lɛ amli lɛ amanehulu aaaba ni anãko enɔ dã kɛjɛ jeŋ ni Nyɔŋmɔ bɔ lɛ shishijee mli aahu kɛbashi ŋmɛnɛ, ni asaŋ anaŋ enɔ dɔŋŋ.

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Bɔfoi 17:24

Nyɔŋmɔ ni bɔ je lɛ kɛ emli nibii fɛɛ lɛ, lɛ ji ŋwɛi kɛ shikpɔŋ nuŋtsɔ lɛ; ehiii Sɔlemɔtsui ni akɛ niji ma amli,

Bɔfoi 4:24

Be ni amɛnu lɛ, amɛkɛ jwɛŋmɔ kome hole amɛgbei anɔ amɛhã Nyɔŋmɔ ni amɛkɛɛ, “Nuŋtsɔ, bo ni oji Nyɔŋmɔ ni fee ŋwɛi kɛ shikpɔŋ kɛ ŋshɔ kɛ nii fiaa ni yɔɔ amɛmli,

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

1 Korintobii 8:6

wɔ lɛ, Nyɔŋmɔ kome pɛ wɔyɔɔ, Tsɛ lɛ, mɔ mli ni nibii fɛɛ jɛ ni wɔyɔɔ wɔhã lɛ lɛ, kɛ Nuŋtsɔ kome hu ni ji Yesu Kristo lɛ, mɔ nɔ ni nibii fɛɛ tsɔ̃ kɛba ni wɔ hu wɔtsɔ̃ enɔ lɛ.

Efesobii 3:9

Ni mihã mɛi fɛɛ ana teemɔ sane lɛ he gbɛjianɔtoo lɛ faŋŋ, teemɔ sane ni akɛtee kɛjɛ yinɔi ni eho lɛ amli kɛbashi amrɔ nɛɛ yɛ Nyɔŋmɔ mɔ ni bɔ nii fɛɛ lɛ mli lɛ,

Hebribii 1:10

Ni ekɛɛ ekoŋŋ, “Nuŋtsɔ, shishijee lɛ mli lɛ, bo oto shikpɔŋ lɛ shishi, ni ŋwɛi lɛ oninenaa nitsumɔ ni.

Hebribii 1:2

Shi nɛkɛ bei nɛɛ anaagbee mli lɛ, eBi lɛ naa ekɛ wɔ wie yɛ. Ekɛ lɛ efee nibii fɛɛ yelɔ, ni enɔ hu etsɔ̃ efee je lɛ.

Hebribii 11:3

Hemɔkɛyeli wɔkɛyoɔ akɛ Nyɔŋmɔ kɛ wiemɔ bɔ je lɛ, hewɔ lɛ nibii ni anaa lɛ jɛ nibii ni anãaa lɛ mli.

Hebribii 3:4

Ejaakɛ shĩa fɛɛ shĩa lɛ, mɔ ko kɛ̃ ma, shi mɔ ni maa nɔ fɛɛ nɔ ji Nyɔŋmɔ.

2 Petro 3:5

Kwa amɛkwaa amɛ jieɔ amɛhiɛ yɛ enɛ nɔ akɛ ŋwɛi yɛ kɛjɛ blema beebe, ni shikpɔŋ hu jɛ nu mli, ni etsɔ̃ nu mli ebama shi yɛ Nyɔŋmɔ wiemɔ naa;

1 Yohane 1:1

Wala wiemɔ lɛ yɛ kɛjɛ shishijee. Wɔnu ni wɔna kɛ wɔhiŋmɛii, wɔkwɛ ni wɔniji etara he yɛ wala wiemɔ lɛ hewɔ.

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Kpojiemɔ 22:13

Mi ji Alfa lɛ kɛ Omega lɛ, shishijee lɛ kɛ naagbee lɛ, klɛŋklɛŋ mɔ lɛ kɛ naagbee mɔ lɛ.”

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,

Kpojiemɔ 4:11

“WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”