1 Kronika 6:34 - ŊMALƐ KRƆŊKRƆŊ LƐ

³⁴ Samuel tsɛ ji Elkana, ni Elkana tsɛ ji Yeroham; Yeroham tsɛ ji Eliel, ni Eliel tsɛ ji Toa.

Ṅmãle̱ Kroṅkroṅ Le̱

³⁴ [49.] Ši Aaron ke̱ ebihĩĩ le̱ dši mei ni šãa afo̱le ye̱ šã-afo̱lelate̱ le̱ ke̱ tšofã-ke̱-ṅma-šãlate̱ le̱ no̱ ni ame̱tšuo̱ hekroṅkroṅ fè fẽ le̱ nitšumo̱i le̱ fẽ, ni asaṅ ame̱ ame̱kpãtãa ame̱hãa Israel, tamo̱ bo̱ni Nyoṅmo̱ tšũlo̱ Mose ewo kitã le̱ pe̱pē̱pe̱. 2 Mose 28,1. 5 Mose 16.

1 Kronika 6:34 ပူးပေါင်းရင်းမြစ်များ

1 Kronika 23:13

Amram, Kohat kromɔbi lɛ, fɔ Aaron kɛ Mose. Ajie Aaron kɛ eshwiei lɛ ato akɛ mɛi krɛdɛɛ ni akwɛ nibii krɔŋkrɔŋi ni akɛjaa lɛ anɔ kɛya naanɔ; asaŋ akɛ amɛ amɛshã tsofakɛŋma be mli ni ajaa Yehowa; ni amɛsɔmɔ Yehowa, ni amɛjɔɔ mɛi yɛ Yehowa gbɛi mli.

1 Kronika 24:1

Shĩaishĩai ni feɔ Aaron shwiei lɛ agbɛii baa nɛɛ: Aaron fɔ bihii ejwɛ: Nadab kɛ Abihu kɛ Eleazar kɛ Itamar.

1 Kronika 24:19

Bɔ ni ato gbɛjianɔ lɛ ahã gbɔmɛi nɛɛ nɛ: amɛyaa Yehowa we lɛ amɛyasɔmɔɔ bɔ ni amɛtsɛ Aaron to he gbɛjianɔ yɛ Yehowa, Israel Nyɔŋmɔ lɛ, fãmɔ naa lɛ.

1 Kronika 6:33

Naa hii ni tsu lala he nitsumɔ nɛɛ eko lɛ. Amɛteŋ mɔ fɛɛ mɔ kɛ eshwiei: Kohatbii anɔ mli lɛ Heman, ni ji Samuel bi Yoel bi lɛ, ji klɛŋklɛŋ lalatsɛ lɛ. Nɛkɛ ji bɔ ni wekukpãa kã shi ha kɛyashi Yakob nɔ: Heman tsɛ ji Yoel, ni Yoel tsɛ ji Samuel.

1 Kronika 6:35

Toa tsɛ ji Zuf; Zuf tsɛ ji Elkana; Elkana tsɛ ji Mahat, ni Mahat tsɛ ji Amasai.

2 Kronika 29:11

Mibii, nyɛkafea hejɔ̃ yɛ sane nɛɛ mli ejaakɛ nyɛ, nyɛ ji mɛi ni Yehowa diɛŋtsɛ ehala akɛ nyɛdamɔ ehiɛ nyɛsɔmɔ lɛ, asaŋ ni nyɛshã tsofakɛŋma nyɛhã lɛ.”

2 Mose 28:1

“Ŋɔɔ onyɛmi Aaron kɛ ebihii lɛ, ni ji Nadab kɛ Abihu kɛ Eleazar kɛ Itamar, kɛjɛ Israelbii lɛ ateŋ koni amɛsɔmɔ mi akɛ osɔfoi.

2 Mose 30:7

Aaron ashã tsofakɛŋma yɛ nɔ. Daa leebi kɛji etee kanei lɛ saamɔ hã suu lɛ, eshã tsofakɛŋma yɛ nɔ;

3 Mose 1:7

Aaron bihii lɛ ato lai amɛshwie afɔleshãa latɛ lɛ nɔ; ni amɛshɛre la lɛ.

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 16:17

Be ni Aaron boteɔ Kpee Buu lɛ mli koni eyakpãtã ehã maŋ lɛ, mɔ ko mɔ ko akahi jɛi kɛyashi beyinɔ ni eeeje kpo. Aaron akpãtã ahã lɛ diɛŋtsɛ ehe kɛ ewe lɛ kɛ Israel maŋ muu lɛ fɛɛ.

3 Mose 16:19

Ekɛ ewao atsɔ lá lɛ eko eshwã afɔleshãa latɛ lɛ nɔ shii kpawo koni ekɛtsuu he efee lɛ krɔŋkrɔŋ yɛ Israelbii lɛ ahe eshai lɛ ahewɔ.

1 Samuel 1:1

Nuu ko hi shi yɛ Rama yɛ Efraim gɔji lɛ anɔ. Egbɛi ji Elkana, ni etsɛ gbɛi ji Yeroham. Zuf bi Tohu bi Elihu bi ji Elkana nɛɛ.