1 Kronika 5:26 - ŊMALƐ KRƆŊKRƆŊ LƐ

²⁶ No hewɔ lɛ, Nyɔŋmɔ tsɛ Asiria Maŋtsɛ Pul (ni atsɛ lɛ Tiglat-Pilneser hu lɛ) ewo amɛhe, ni efã ta kɛbatua amɛ, ni ebaŋɔ Rubenbii lɛ kɛ Gadbii lɛ kɛ Bokãgbɛ Manasebii lɛ nom, ni eloo amɛ kɛtee eyashwie Hala kɛ Habor kɛ Hara shikpɔŋ lɛ nɔ kɛ Gozan Faa lɛ hu naa, ni amɛka jɛi kɛbashi ŋmɛnɛ.

Ṅmãle̱ Kroṅkroṅ Le̱

²⁶ ke̱ke̱ ni Israel Nyoṅmo̱ le̱ tšē̱ *Pul, Ašur maṅtše̱ le̱, ke̱ †Tiglat-Pilneser, Ašur maṅtše̱ le̱, ewo ame̱he, ni ebaṅõ Rubenbii ke̱ Gadbii ke̱ Manase akutšo le̱ fẽ le̱ nom, ni elōame̱ ke̱-te Hala ke̱ Habor ke̱ Hara ke̱ Gozan fā le̱ nā ke̱-baši ṅme̱ne̱. *1 Maṅ. 15,19. †2 Maṅ. 15,29.

1 Kronika 5:26 ပူးပေါင်းရင်းမြစ်များ

2 Samuel 24:1

Yehowa mli bafu Israelbii lɛ ekoŋŋ, ni etsɔ̃ David nɔ, ni egbala amɛtoi. Yehowa kɛɛ David akɛ, “Yaa ni oyakane Israelbii kɛ Yudabii lɛ.”

2 Maŋtsɛmɛi 15:19

Asiria Maŋtsɛ Tiglat Pileser batua Israel, ni Menahem hã Tiglat Pileser jwiɛtɛi talentai akpe koni ewa lɛ ni ehã emaŋtsɛyeli lɛ ama shi yɛ Israel.

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

2 Maŋtsɛmɛi 16:7

Kɛkɛ ni Ahaz tsu bɔfoi kɛtee Asiria Maŋtsɛ Tiglat-Pileser ŋɔɔ kɛ wiemɔ akɛ, “Otsulɔ kɛ obi ji mi. Ba ni obahere mi yɛ Siria maŋtsɛ lɛ kɛ Israel maŋtsɛ lɛ, maŋtsɛmɛi ni ete shi ewo mi lɛ, adɛŋ.”

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

2 Maŋtsɛmɛi 18:11

Asiria maŋtsɛ lɛ ŋɔ Israelbii lɛ nom kɛtee Asiria, ni eŋɔ amɛteiaŋ mɛi komɛi eyato Hala maŋ wulu lɛ mli, yɛ Habor Faa lɛ naa yɛ Gozan kpokpai lɛ nɔ; akɛ mɛi komɛi tee Media maji wuji lɛ amli hu.

2 Maŋtsɛmɛi 19:12

Mitsɛmɛi lɛ kpãtã Gozanbii kɛ Haranbii kɛ Resefbii ashikpɔji lɛ ahiɛ, ni amɛgbe Betedenbii ni yɔɔ Telasar lɛ. Ani amɛnyɔŋmɔi lɛ here amɛyiwala lo?

1 Kronika 5:22

Hagribii lɛ babaoo nyɔnyɔi ejaakɛ eji Nyɔŋmɔ suɔmɔ naa akɛ awu nakai ta lɛ. Rubenbii lɛ kɛ Gadbii lɛ kɛ Bokãgbɛ Manasebii lɛ hi shikpɔŋ lɛ nɔ aahu kɛyashi be ni aŋɔ amɛ nom lɛ.

1 Kronika 5:6

ni Baal fɔ Beera, mɔ ni Asiria Maŋtsɛ Tiglat-Pilneser baŋɔ lɛ nom kɛtee be mli ni lɛ ji Rubenbii lɛ alumɔ lɛ.

1 Kronika 9:1

Akane Israelbii fɛɛ ayibɔ yɛ amɛwekui lɛ anaa. Aŋmã mɛi akanemɔ nɛɛ he saji lɛ yɛ Israel Maŋtsɛmɛi Ayinɔ Saji Awolo lɛ mli. Aŋɔ̃ Yudabii nom kɛtee Babilon; akɛgbala amɛtoi yɛ amɛtɔ̃mɔi ahewɔ.

2 Kronika 28:20

Be ni Asiria Maŋtsɛ Tiglat Pileser ba lɛ yɛ nɔ najiaŋ ni eeewa Ahaz kɛwo lɛ hewalɛ lɛ, ebawo Ahaz nɔnaa lɛ mli wu moŋ

2 Kronika 30:6

No hewɔ lɛ, maŋtsɛ lɛ kɛ maŋ onukpai lɛ ŋmala woji, ni amɛkɛtsu bɔfoi kɛtee Israel kɛ Yuda heihei fɛɛ. Maŋtsɛ lɛ shɛɛ lɛ kɛɛ akɛ, “Israelbii, nyɛkpalea nyɛbaa Yehowa, ni ji Abraham kɛ Isak kɛ Israel Nyɔŋmɔ lɛ ŋɔɔ, ni lɛ hu eeebɛŋkɛ nyɛ, nyɛ mɛi ni nyɛhe je mli, ni Asiria maŋtsɛmɛi lɛ anine eyashɛɛɛ nyɛnɔ koni amɛŋɔ nyɛ nom lɛ.

2 Kronika 33:11

No hewɔ lɛ, Yehowa hã Asiria maŋtsɛ tatsɛmɛi lɛ fã ta kɛba, ni amɛbatua Yuda. Amɛmɔ Manase, ni amɛkɛ kpoŋ lala lɛ, ni amɛwo lɛ akɔɔble gboklɛ, ni amɛkpala lɛ kɛtee Babilon.

Ezra 1:5

Kɛkɛ ni Yuda kɛ Benyamin wekui lɛ ayitsei kɛ osɔfoi lɛ kɛ Levibii lɛ, mɛi fɛɛ ni Nyɔŋmɔ kanya amɛ yɛ mumɔ mli lɛ, fã koni amɛya ni amɛyasaa Yehowa shĩa lɛ ni yɔɔ Yerusalɛm lɛ amɛma.

Yesaia 37:12

Majimaji lɛ ni mitsɛmɛi lɛ kpãtã amɛhiɛ lɛ, ani amɛnyɔŋmɔi lɛ ehere amɛyiwala? Ekomɛi ji Gozan kɛ Haran kɛ Rezef kɛ Betlehembii lɛ ni kulɛ amɛhi Telasar lɛ?

Yesaia 37:18

Ao Yehowa, eyɛ mli lɛɛlɛŋ akɛ Asiria maŋtsɛ lɛ ekpãtã majimaji lɛ fɛɛ kɛ amɛshikpɔji lɛ ahiɛ,