1 Kronika 5:20 - ŊMALƐ KRƆŊKRƆŊ LƐ

²⁰ Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

Ṅmãle̱ Kroṅkroṅ Le̱

²⁰ Ni afata ame̱he ni ame̱ke̱ame̱ wu, ni adšie Hagribii le̱ ke̱ mei fẽ ni fata ame̱he le̱ awo ame̱deṅ; edšake̱ ame̱blo̱ ame̱tšé̱ Nānyoṅmo̱ ye̱ ta le̱ṅ, ni eboame̱ toi; edšake̱ ame̱hĩe kã eno̱.

1 Kronika 5:20 ပူးပေါင်းရင်းမြစ်များ

1 Mose 25:21

Isak kpa Yehowa fai ehã eŋa lɛ ejaakɛ efee kene. Yehowa bo efaikpamɔ lɛ toi ni eŋa Rebeka na musu.

1 Mose 49:19

“Gad lɛ ojotswalɔi asafo aaabatua lɛ, shi lɛ moŋ eeewo amɛ foi.

1 Maŋtsɛmɛi 22:32

No hewɔ lɛ, be ni Siria asafoiatsɛmɛi lɛ na Yehoshafat lɛ, amɛsusu akɛ Israel maŋtsɛ lɛ ni, ni amɛkɛɛ akɛ, “Israel maŋtsɛ lɛ pi nɛ!” Kɛkɛ ni amɛgba kɛtee koni amɛkɛ lɛ ayawu. Shi Yehoshafat bolɔ, kɛkɛ ni ayoo lɛ.

1 Kronika 5:21

Kɛkɛ ni amɛloo Hagribii lɛ akooloi kɛtee: yoomai akpei ohai nyɔŋmai enumɔ, kɛ toi hu akpei ohai enyɔ kɛ nyɔŋmai enumɔ, kɛ tejii hu akpei oha.

1 Kronika 5:22

Hagribii lɛ babaoo nyɔnyɔi ejaakɛ eji Nyɔŋmɔ suɔmɔ naa akɛ awu nakai ta lɛ. Rubenbii lɛ kɛ Gadbii lɛ kɛ Bokãgbɛ Manasebii lɛ hi shikpɔŋ lɛ nɔ aahu kɛyashi be ni aŋɔ amɛ nom lɛ.

2 Kronika 13:18

Belɛ Yudabii lɛ ye Israelbii lɛ anɔ kunim ejaakɛ Yudabii lɛ kɛ amɛhiɛ fɔ̃ Yehowa ni ji amɛtsɛmɛi aNyɔŋmɔ lɛ nɔ.

2 Kronika 18:31

No hewɔ lɛ, be ni tayaa shwiilii anɔ asafoiatsɛmɛi lɛ na Maŋtsɛ Yehoshafat lɛ, amɛsusu akɛ Israel maŋtsɛ lɛ ni; no hewɔ lɛ, amɛtsɛ̃ kɛba koni amɛ kɛ lɛ abanɔ. Shi Yehoshafat bo waa etsɛ, ni Yehowa ye bua lɛ. Nyɔŋmɔ hã henyɛlɔi lɛ dɔ amɛyi amɛŋmɛ he kroko,

2 Kronika 20:12

WɔNyɔŋmɔ, tɔɔ wɔhe owele ohã wɔ ejaakɛ wɔhe waaa, ni ta kpeteŋkple ni baa wɔnɔ nɛɛ lɛ wɔnyɛŋ amɛhiɛ wɔdamɔ. Ataa, wɔleee bɔ ni wɔɔfee, bo kɛkɛ wɔkwɛɔ nɛɛ.”

2 Kronika 26:7

Nyɔŋmɔ ye ebua lɛ ni eye Filistibii lɛ kɛ Arabiabii ni yɔɔ Gur-Baal lɛ, kɛ agbɛnɛ Meunbii lɛ fɛɛ anɔ kunim.

2 Kronika 33:13

Nyɔŋmɔ bo Manase faikpamɔ lɛ toi, ni etsu he nii ehã lɛ. Ehã Manase ku esɛɛ kɛba Yerusalɛm ni ebatsa emaŋtsɛyeli lɛ nɔ. Enɛ hã Manase na nɔmimaa akɛ Yehowa lɛ ji Nyɔŋmɔ lɛɛlɛŋ.

Ezra 8:23

No hewɔ lɛ, wɔhi ŋmãa, ni wɔkpa wɔNyɔŋmɔ lɛ fai yɛ enɛ hewɔ, ni efee nɔ ni wɔbi lɛ lɛ ehã wɔ.

Lalai 37:39

Yehowa hereɔ jalɔi ayiwala. Lɛ ji amɛbobaahe yɛ haomɔ be mli.

Lalai 37:40

Yehowa yeɔ buaa amɛ, ni ehereɔ amɛyiwala. Ekpɔ̃ɔ amɛ kɛjɛɔ yiwalɔi adɛŋ, ni ehereɔ amɛ, ejaakɛ amɛbaa lɛ abo.

Lalai 46:1

Naa Nyɔŋmɔ ji wɔbobaahe kɛ wɔhewalɛ, wɔyelikɛbualɔ krɔŋŋ yɛ fimɔ mli.

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

2 Mose 17:11

Kɛji Mose wo enine nɔ kɛtee ŋwɛi pɛ, kɛkɛ lɛ Israelbii lɛ anine miitsɔ̃ Amalekbii lɛ anɔ; shi kɛji Mose kɛ enine ba shi pɛ Amalekbii lɛ anine miitsɔ̃ Israelbii lɛ anɔ.

Abe̱i 29:25

Gbɔmɔ gbeyeishemɔ lɛ, etsɔ̃ɔ tsɔne ehãa mɔ; shi mɔ ni kɛ ehiɛ fɔ̃ɔ Yehowa nɔ lɛ, eyɛ shweshweeshwe.

Yeremia 39:18

shi oyi baana wala, ni onyɔŋ yɛ ta lɛ naa, shi owala baatsɔ̃ tamɔ ta mli haanii ahã bo, ejaakɛ ohiɛ kã minɔ. Mi Yehowa, mikɛɛ.’ ”

Daniel 6:23

Maŋtsɛ lɛ mii shɛ ehe naakpa, ni efã akɛ ajie Daniel yɛ bu lɛ mli. Ajie Daniel yɛ bu lɛ mli ni apilako ehe ko he ko, ejaakɛ ekɛ ehiɛ fɔ̃ eNyɔŋmɔ lɛ nɔ.

Nahum 1:7

Yehowa hi, etsɔ̃ɔ teemɔhe yɛ amanehulu be mli, ni ebaa mɛi ni baa lɛ abo lɛ ayi.

Efesobii 1:12

bɔ ni afee ni wɔ mɛi ni wɔtsɔ̃ hiɛ wɔkɛ wɔhiɛ efɔ̃ Kristo nɔ lɛ, wɔtsɔ̃mɔ enunyam lɛ yijiemɔ.

Yoshua 10:14

Nakai gbi lɛ henɔ bako pɛŋ dã, ni kɛjɛ no sɛɛ hu eko bako dɔŋŋ ni Yehowa ebo gbɔmɔ toi nɛkɛ, ejaakɛ gbi lɛ Yehowa wu Israel ta lɛ ehã lɛ.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Yoshua 23:10

Nyɛteŋ gbɔmɔ kome aaashwie mɛi akpe kɛ foi. Ejaakɛ Yehowa, nyɛNyɔŋmɔ lɛ, lɛ ji mɔ ni wuɔ nyɛta lɛ ehãa nyɛ tamɔ bɔ ni ewo nyɛ shi eto lɛ.

1 Samuel 19:15

Shi Saul saa wo bɔfoi lɛ agbɛ ekoŋŋ kɛtee David we lɛ akɛ amɛyana lɛ kɛ amɛhiŋmɛi; ni akɛɛ amɛ akɛ, “Nyɛwoa lɛ kɛ saa lɛ fɛɛ nyɛbahãa mi koni magbe lɛ.”

1 Samuel 7:12

Kɛkɛ ni Samuel wo tɛ ekɛma shi yɛ Mizpa kɛ Shem teŋ, ni ewo lɛ gbɛi akɛ “Ebenezer” ejaakɛ ekɛɛ, “Biɛ Yehowa eye ebua wɔ kɛbashi.”