1 Kronika 5:2 - ŊMALƐ KRƆŊKRƆŊ LƐ

² Yɛ nyɛmimɛi lɛ ateŋ lɛ Yuda akutso lɛ ji mɔ ni he bawa fe mɔ fɛɛ mɔ, ni emli ejɛ aye maŋtsɛ. Shi kromɔbi gbɛnaa lɛ, tsɔ̃ Yosef shwiei lɛ anɔ.)

Ṅmãle̱ Kroṅkroṅ Le̱

² edšake̱ Iuda he wa ye̱ enyemimei le̱ ateṅ, ni emli lumo̱ le̱ dše̱; ši kromo̱bi-gbe̱nā le̱ tšṍ Iosef nõ): 1 Mose 49,8. 10. 22. 5 Mose 28,7. 15-17.

1 Kronika 5:2 ပူးပေါင်းရင်းမြစ်များ

1 Mose 25:31

Shi Yakob kɛɛ Esau akɛ, “Hɔɔmɔ okromɔbi gbɛnaa lɛ ohã mi dã!”

1 Mose 35:23

Lea bihii ji Ruben, Yakob kromɔbi lɛ, kɛ Simeon kɛ Levi kɛ Yuda kɛ Isakar kɛ Zebulon.

1 Mose 48:5

Yakob tsa ewiemɔ lɛ nɔ ni ekɛɛ, “Obihii enyɔ ni ji Efraim kɛ Manase ni ofɔ yɛ Ijipt dani miba oŋɔɔ lɛ, minii ji amɛ. Efraim kɛ Manase etsɔ̃mɔ mibii tamɔ Ruben kɛ Simeon nɔŋŋ;

1 Mose 49:26

Otsɛ jɔɔmɔi lɛ mli wa fe naanɔ gɔji lɛ, kɛ naanɔ gɔ̃ŋkpɔi lɛ ajɔɔmɔi lɛ. Jɔɔmɔi nɛɛ ashwie Yosef yiteŋ, eshwie lɛ mɔ ni ajie lɛ yɛ enyɛmimɛi lɛ ateŋ ato afã lɛ pampam.

2 Samuel 8:15

David ye Israel maŋtsɛ, ni eye jalɛ sane ehã mɔ fɛɛ mɔ.

1 Kronika 28:4

Shi Yehowa, Israel Nyɔŋmɔ lɛ, lɛ nɔŋŋ eŋɔ mi yɛ mitsɛwebii lɛ fɛɛ ateŋ koni mi kɛ mishwiei aye Israel maŋtsɛ kɛya naanɔ. Eŋɔ̃ Yuda yɛ akutsei lɛ ateŋ koni etsɔ̃ hiɛnyiɛlɔ; ni eŋɔ̃ mitsɛwe lɛ yɛ Yudabii awei lɛ ateŋ, ni ena mihe tsui yɛ mitsɛbii lɛ fɛɛ ateŋ, ni ewo mi Israel fɛɛ maŋtsɛ.

Lalai 108:8

Minɔ ji Gilead; ni minɔ ji Manase; Efraim ji midade fai, ni Yuda lɛ, mimaŋtsɛ tsi ni.

Lalai 60:7

Minɔ ji Gilead, ni minɔ ji Manase; Efraim ji miyitso dade fai; Yuda ji mimaŋtsɛ tsi.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

4 Mose 2:3

“Mɛi fɛɛ ni yɔɔ Yuda aflaŋaa lɛ shishi baashi amɛbui yɛ Kpee Buu lɛ bokãgbɛ yɛ amɛsafoi anaa; ni amɛsafoiatsɛ nukpa ji Nahashon, Aminadab bi lɛ.

4 Mose 7:12

Klɛŋklɛŋ gbi lɛ nɔ lɛ mɔ ni kɛ enikeenii lɛ bahã ji Nahashon ni eji Aminadab bi, ni lɛ ji Yuda akutso lɛ mli bii anukpa lɛ.

Mateo 2:6

‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Romabii 8:29

Ejaakɛ mɛi ni ele amɛ eto momo lɛ, amɛ ejie eto ni amɛsubaŋ atamɔ eBi lɛ nɔ lɛ, koni efee nyɛmimɛi pii ateŋ kromɔbi.

5 Mose 21:17

Yoo ni esumɔɔɔ esane lɛ binuu lɛ ji ekromɔbi, ni lɛ eŋɔ egboshinii lɛ fɛɛ mlijai lɛ toi enyɔ lɛ ehã akɛ kromɔbi gbɛnaa nɔ.”

5 Mose 33:17

Yosef kromɔbi lɛ je agbo tamɔ tsinanuu; ni ekoji ni ji ehewalɛ lɛ tamɔ ŋaŋ tsinanuu nɔ; nomɛi ji Efraim mɛi akpei nyɔŋma, kɛ Manase akpei nyɔŋma ni amɛkɛbaashimɔ maji lɛ fɛɛ, ni amɛaatsirɛ amɛ kɛaatee jeŋ naagbeehei lɛ.”

Hebribii 7:14

ejaakɛ eyɛ faŋŋ akɛ Yuda mli wɔNuŋtsɔ lɛ jɛ, shi nakai akutso lɛ Mose ewieee he nɔ ko yɛ osɔfoyeli hewɔ.

Yoshua 14:6

Gbi ko lɛ Yuda akutso lɛŋ bii lɛ ba Yoshua ŋɔɔ yɛ Gilgal; ni amɛteŋ mɔ kome ni ji Kaleb, Keniznyo, Yefune bi lɛ, kɛ sane bafɔ̃ Yoshua hiɛ akɛ, “Oookai wiemɔ ni Yehowa kɛ Nyɔŋmɔ gbɔmɔ Mose wie yɛ mihewɔ, kɛ bo hu ohewɔ, yɛ Kadesh Barnea lɛ.

Kpojiemɔ 5:5

Ni onukpai lɛ ateŋ mɔ kome kɛɛ mi akɛ, “Kaafo! Naa, jata lɛ ni jɛ Yuda akutso lɛ mli lɛ, mɔ ni ji David shishifã lɛ, eye kunim ni ebaanyɛ egbele wolo lɛ naa ní etserɛ enaasɔomɔi kpawo lɛ.”

Kojolɔi 1:2

Yehowa kɛɛ, “Yuda tsutsu afã; mibahã eye shikpɔŋ lɛ nɔ.”

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 16:10

Yeshai hã ebihii lɛ ateŋ mɛi kpawo baho yɛ Samuel hiɛ; shi Samuel kɛɛ Yeshai akɛ, “Yehowa eŋɔko obii nɛɛ ateŋ mɔ ko mɔ ko.”

1 Samuel 16:12

Yeshai tsu ni ayaŋɔ ebi gbekɛ lɛ kɛba: etsuɔ fioo, ni ehiŋmɛii yɛ fɛo; anɔkwa ehe yɛ fɛo. Yehowa kɛɛ Samuel akɛ, “Tee shi ni ofɔ oblanyo lɛ mu, ejaakɛ lɛ nɛ.”