1 Kronika 28:9 - ŊMALƐ KRƆŊKRƆŊ LƐ

⁹ “Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

Ṅmãle̱ Kroṅkroṅ Le̱

⁹ Ni bo, mibi Salomo, le otše̱ Nyoṅmo̱ le̱, ni osúmo̱le̱ ke̱ otšui mū le̱ fẽ ke̱ osusuma suomo̱ nā! Edšake̱ *Iehowa taoo tšuii fẽ amli, ni ele yitšeiaṅ dſẽṅmo̱i fẽ. Ke̱dši ōtaole̱ le̱, eehã onale̱; ši ke̱dši okwale̱ le̱, eeše̱o efo ke̱-ya nāno̱. *Lal. 7,10.

1 Kronika 28:9 ပူးပေါင်းရင်းမြစ်များ

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

1 Maŋtsɛmɛi 3:6

Ni Solomon kɛɛ lɛ akɛ, “Ofee mitsɛ David ejurɔ, ni osumɔ lɛ kɛ suɔmɔ kpele, ejaakɛ eye bo anɔkwa; eja, ni ekɛ bo hi shi kɛ tsui krɔŋŋ. Ni bo hu osumɔ lɛ, ni ohã lɛ binuu koni eta esɛ̃i lɛ nɔ, tamɔ bɔ ni eba mli ŋmɛnɛ nɛɛ.

1 Maŋtsɛmɛi 8:39

no lɛ bo amɛ toi yɛ ŋwɛi ni ji oshihilɛhe lɛ koni oŋɔ fa. Ni oye obua mɔ fɛɛ mɔ yɛ enifeemɔnii anaa, ejaakɛ bo okome too pɛ ole gbɔmɛi adesai atsuiiaŋ. Okɛ mɔ fɛɛ mɔ aye bɔ pɛ ni sa lɛ,

1 Maŋtsɛmɛi 8:43

no lɛ bo lɛ toi yɛ ŋwɛi ni ji oshihilɛhe lɛ, ni ofee nɔ fɛɛ nɔ ni gbɔ lɛ boɔ tsɛɔ bo yɛ he lɛ ohã lɛ. Enɛ baahã shikpɔŋ lɛ nɔ majimaji fɛɛ ale ogbɛi lɛ koni amɛja bo tamɔ omaŋ Israelbii feɔ lɛ. Ni amɛsaa amɛaana amɛle akɛ ogbɛi aŋɔ wo nɛkɛ Sɔlemɔtsu ni mimã kɛhã ojamɔ nɛɛ.

1 Maŋtsɛmɛi 8:61

Nyɛ Yehowa webii, nyɛyea Nuŋtsɔ Nyɔŋmɔ lɛ anɔkwa, nyɛyea ekpɔi kɛ ekitãi lɛ anɔ tamɔ bɔ ni nyɛfeɔ ŋmɛnɛ nɛɛ.”

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

2 Maŋtsɛmɛi 21:22

Ekwa Yehowa, etsɛmɛi aNyɔŋmɔ lɛ, ni ebaaa ejeŋ tamɔ bɔ ni Yehowa taoɔ lɛ.

2 Maŋtsɛmɛi 22:2

Yosia fee jalɛ nii ni sa Yehowa hiɛ, ni ekɔ eblematsɛ David nane. Eshihilɛ mli lɛ, egbaaa ninejurɔ lɛ, egbaaa abɛku.

1 Kronika 22:19

No hewɔ lɛ, agbɛnɛ nyɛkɛ nyɛtsuii kɛ nyɛnyɛmɔ fɛɛ asɔmɔa Yehowa. Nyɛtea shi ni nyɛmaa Yehowa Nyɔŋmɔ lɛ Sɔlemɔ we lɛ koni akɛ Yehowa Kpãŋmɔ Adeka lɛ kɛ tsɛnsii kɛ nibii krɔŋkrɔŋi ni akɛjaa lɛ lɛ fɛɛ abamamɔ tsu ni ama ni aja Yehowa yɛ jɛi lɛ mli.”

1 Kronika 28:8

“No hewɔ lɛ, agbɛnɛ, mimaŋbii, miibi nyɛ yɛ Israel tso muu fɛɛ, ni ji Yehowa asafo ni ewo shi nɛɛ, hiɛ, ni wɔNyɔŋmɔ lɛ hu miinu, koni nyɛye Yehowa, nyɛNyɔŋmɔ lɛ, kitãi lɛ fɛɛ anɔ; nyɛdia amɛsɛɛ bɔ ni afee ni nɛkɛ shikpɔŋ kpakpa nɛɛ atsɔ̃ nyɛnɔ, koni nyɛshi nyɛhã nyɛbii ni baa yɛ nyɛsɛɛ lɛ akɛ gboshinii kɛya naanɔ.

1 Kronika 29:9

Agbɛnɛ maŋ muu lɛ fɛɛ nya yɛ nii ni amɛkɛke yɛ tsuijurɔ naa lɛ hewɔ. Ejaakɛ amɛjɛ amɛtsuiiaŋ amɛkɛ nii ke Yehowa, ni Maŋtsɛ David hu nya naakpa.

2 Kronika 12:5

Kɛkɛ ni Gbalɔ Shemaia tee ni eyanina Rehoboam kɛ Yuda maŋ onukpai ni ebabua amɛhe naa yɛ Yerusalɛm yɛ Shishak hewɔ lɛ, ni ekɛɛ amɛ akɛ, “Naa nɔ ni Yehowa kɛɛ, ‘Nyɛkwa mi, no hewɔ lɛ, mi hu miŋmɛɛ nyɛhe mihã Shishak.’ ”

2 Kronika 15:2

ni eyiŋ etee koni ekɛ Maŋtsɛ Asa ayakpe. Be ni amɛkpe lɛ Azaria kɛɛ maŋtsɛ lɛ akɛ, “Maŋtsɛ Asa kɛ Yuda kɛ Benyamin fɛɛ, nyɛboa mi toi. Gbii abɔ ni nyɛmiibo Yehowa toi lɛ, lɛ hu ekɛ nyɛ yɛ. Kɛji nyɛtao lɛ lɛ, nyɛbaana lɛ, shi kɛji nyɛkwa lɛ lɛ, lɛ hu ebaakwa nyɛ.

2 Kronika 6:30

jɛɛ ŋwɛi ni ji oshihilɛhe lɛ obo toi ni okɛfa. Bo pɛ ole gbɔmɔ yitsoŋ, no hewɔ lɛ, okɛ mɔ fɛɛ mɔ aye bɔ ni sa mɔ lɛ,

Ezra 8:22

Ejaakɛ eefee mi hiɛgbele akɛ makpa maŋtsɛ lɛ fai ni ehã wɔ asraafoi kɛ okpɔŋɔnɔtaralɔi ni amɛbu wɔhe yɛ henyɛlɔi ni yɔɔ gbɛteŋ lɛ ahewɔ. Eefee mi hiɛgbele ejaakɛ wɔkɛɛ maŋtsɛ lɛ akɛ: wɔNyɔŋmɔ lɛ yeɔ buaa mɛi fɛɛ ni taoɔ esɛɛgbɛ lɛ, shi mɛi fɛɛ ni kɛ lɛ efeee nɔ ko lɛ enaaa amɛhe miishɛɛ ni egbalaa amɛtoi waa.

Lalai 101:2

Mikɛ nilee baaba mijeŋ koni shwamɔ ko akahi mihe. Te be ni manyɛ enɛ he mashɛ hu? Mikɛ tsui krɔŋŋ aaaba mijeŋ yɛ miwe lɛŋ.

Lalai 139:2

Ole mishitamɔ kɛ mishitee mli fɛɛ; oyoɔ miyiŋtoo yɛ shɔŋŋ beebe.

Lalai 17:3

Kɛji oka mitsui okwɛ, kɛ otao mimli nyɔɔŋ, ni oka mi okwɛ lɛ, onaŋ nɔ fɔŋ ko kwraa yɛ mimli; mikɛ minaabu efeee efɔŋ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 7:10

Naa Nyɔŋmɔ ji mitsɛŋ! Lɛ ehereɔ mɛi ni ja yɛ amɛtsuiiaŋ lɛ.

Lalai 7:9

Oo, hã mɛi fɔ̃ji anɔfɔŋfeemɔ lɛ sɛɛ afo; Shi jalɔi lɛ, ojuro amɛ; ejaakɛ bo ji jalɛ Nyɔŋmɔ, ni okaa tsui kɛ jwɛŋmɔ okwɛɔ.

Lalai 89:26

Eeebo, ni eeekɛɛ mi akɛ, ‘Bo ji miTsɛ kɛ miNyɔŋmɔ kɛ mihebuu Tɛsaa!’

Lalai 89:38

Shi agbɛnɛ okwa lɛ, ni oshɛ lɛ ofɔ̃; omli efu mɔ ni ofɔ lɛ mu lɛ.

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

2 Mose 15:2

Yehowa ji mihewalɛ kɛ milala, ni lɛ etsɔ̃ miyiwalaherelɔ. Lɛ ji miNyɔŋmɔ, ni majie eyi, mitsɛmɛi aNyɔŋmɔ ni, ni mawo ehiɛ nyam.

2 Mose 3:16

Yaa ni oyabua Israel onukpai lɛ anaa, ni okɛɛ amɛ akɛ, Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ejie ehe kpo etsɔ̃ɔ mi, ni ekɛɛ, Mikwɛ, ni mina nyɛ kɛ nɔ ni afeɔ nyɛ yɛ Ijipt lɛ,

Abe̱i 17:3

Akɛ kukwɛi kaa jwiɛtɛi akwɛɔ, ni akɛ flɔnɔɔ kaa shika; shi gbɔmɔ tsui lɛ Yehowa ji mɔ ni kaa ekwɛɔ.

Abe̱i 3:6

kaimɔ lɛ yɛ ogbɛi fɛɛ amli, ni lɛ eeetsɔ̃ɔ bo gbɛ ni ja ni onyiɛ nɔ.

Abe̱i 4:4

“Hã otsui amɔ miwiemɔi amli, ye mikitãi ni miwoɔ bo lɛ anɔ, ni oyi aaana wala.

Yesaia 1:28

Shi maŋ lɛ atuatselɔi lɛ kɛ eshafeelɔi lɛ aaakpãtã amɛ fɛɛ amɛhiɛ, ni mɛi ni baakwa Yehowa lɛ, abaaplene amɛ.

Yesaia 38:3

ni ekɛɛ akɛ, “Ao Yehowa, miikpa bo fai, kaimɔ bɔ ni misɔmɔ bo kɛ anɔkwa kɛ mitsuiŋ fɛɛ, ni mifee nɔ ni hi yɛ ohiɛ!” Kɛkɛ ni Hezekia fo blobloblo.

Yesaia 45:19

Jeee teemɔ mli miwie yɛ, yɛ shikpɔŋ ni enɔ ewo duŋ ko nɔ. Mikɛɛ Israelbii lɛ akɛ, “Nyɛtaoɔ mi yaka; nyɛtaoɔ mi yɛ he ni nɔ ko nɔ ko bɛ. Mi Yehowa, miwieɔ anɔkwale. Nɔ ni ja lɛ, no mikɛɔ.”

Yeremia 11:20

Kɛkɛ ni misɔle nɛkɛ, “Ao! Yehowa, Taiatsɛ, bo ni okojoɔ yɛ jalɛ naa, bo ni okaa gbɔmɔ susumɔ kɛ etsui fɛɛ okwɛɔ, hã mana owele ni obaatɔ yɛ gbɔmɛi nɛɛ anɔ lɛ; ejaakɛ bo odɛ̃ŋ mitu misane lɛ fɛɛ miwo.”

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Yeremia 20:12

Ao, Yehowa, Taiatsɛ ni okaa jalɔ okwɛɔ, ni onaa etsuiŋ kɛ eyitsoŋ saji fɛɛ, hã mana amɛnɔ owele ni obaatɔ lɛ, ejaakɛ mitu misane lɛ miwo odɛ̃ŋ.

Yeremia 22:16

Eye nɔnalɔ kɛ ohiafo sane ehã lɛ; ni no hã ehi ehã lɛ lɛ.

Yeremia 24:7

Mibahã amɛ tsui ni baahã amɛle mi akɛ mi ji Yehowa; ni amɛbaatsɔ̃ miwebii, ni mibatsɔ̃ amɛNyɔŋmɔ, ejaakɛ amɛbaaku amɛsɛɛ kɛba miŋɔɔ kɛ amɛtsui fɛɛ.

Yeremia 29:13

Nyɛaatao mi, ni nyɛaana mi, kɛji nyɛtao misɛɛgbɛ kɛ nyɛtsui fɛɛ lɛ.

Yeremia 29:14

Mi Yehowa, mikɛɛ akɛ nyɛaana mi; ni nyɛnii fɛɛ ni laaje lɛ, nyɛnine baashɛ nɔ ekoŋŋ. Mibabua nyɛnaa kɛjɛ majimaji anɔ kɛ hei fɛɛ ni mishwie nyɛ kɛtee lɛ, ni mikɛ nyɛ baaku sɛɛ kɛba biɛ nɛɛ he ni mihã aŋɔ nyɛ nom kɛjɛ kɛtee lɛ ekoŋŋ.

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Yeremia 9:24

shi mɔ ni shwãa lɛ, eshwã efɔ̃, enɛ moŋ nɔ; akɛ ele mi, ni enuɔ mi shishi, akɛ mi ji Yehowa ni misuɔmɔ sɛɛ efooo, ni miyeɔ jalɛ sane yɛ shikpɔŋ lɛ nɔ. Enɛɛmɛi ahe moŋ minyaa. Mi, Yehowa, mikɛɛ.”

Ezekiel 11:5

Kɛkɛ ni Yehowa Mumɔ lɛ yi minɔ ni ekɛɛ mi akɛ, “Kɛɛmɔ amɛ akɛ, bɔ ni mi, Yehowa, mikɛɔ nɛ, ‘Nyɛ Israelbii, nakai nyɛsusuɔ; mile nibii ni nyɛsusuɔ yɛ nyɛyitseiaŋ fɛɛ.

Ezekiel 38:10

Bɔ ni Nuŋtsɔ Yehowa kɛɔ nɛ, “Nakai gbi lɛ nɔ lɛ susumɔi pii baaba oyiŋ, ni obajwɛŋ efɔŋfeemɔ he.

Hosea 4:1

Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Hosea 4:6

Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

Yohane 1:47

Yesu na Natanael miiba eŋɔɔ, ni ekɛɛ yɛ ehe akɛ, “Naa anɔkwa Israelnyo, mɔ mli ni apasa bɛ lɛ.”

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 2:25

Ni ehe ehĩaaa akɛ mɔ ko aye gbɔmɔ he odase ahã lɛ, ejaakɛ lɛ diɛŋtsɛ ele nɔ ni yɔɔ gbɔmɔ tsui mli.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Yohane 4:24

Nyɔŋmɔ lɛ Mumɔŋ, ni mɛi ni jaa lɛ lɛ, ja amɛja lɛ yɛ mumɔ kɛ anɔkwale mli.”

Yohane 8:55

ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

Bɔfoi 1:24

Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

Bɔfoi 17:30

No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

1 Korintobii 15:34

Nyɛhãa nyɛhiɛ akãa shi jogbaŋŋ, ni nyɛkafea esha; ejaakɛ nyɛteŋ mɛi komɛi leee nɔ ko nɔ ko yɛ Nyɔŋmɔ he. Miikɛɛ enɛ ni mikɛwo nyɛ hiɛgbele.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

2 Korintobii 9:7

Mɔ fɛɛ mɔ ahã bɔ ni ekpɛ mli momo yɛ etsui mli, ni ekajɛ ŋkɔmɔyeli loo nɔnyɛɛ mli, ejaakɛ tsuijurɔnaa halɔ Nyɔŋmɔ sumɔɔ.

5 Mose 10:12

“No hewɔ lɛ, agbɛnɛ Israel, mɛni Yehowa, nyɛNyɔŋmɔ lɛ, taoɔ yɛ nyɛdɛŋ dɔŋŋ fe akɛ nyɛshe Yehowa, nyɛNyɔŋmɔ lɛ, gbeyei, ni nyɛba nyɛjeŋ bɔ ni etsɔ̃ɔ nyɛ lɛ, ni nyɛsumɔ lɛ ni nyɛ kɛ nyɛtsui fɛɛ kɛ nyɛnyɛmɔ fɛɛ hu asɔmɔ lɛ.

5 Mose 31:21

Kɛji saji fɔ̃ji kɛ hejaramɔ babaoo eba amɛnɔ lɛ, lala nɛɛ aaaye mi kɛ amɛteŋ odase, ejaakɛ amɛshwiei ahiɛ kpaŋ lala nɛɛ nɔ, ni lala lɛ aaahi amɛdaaŋ daa. Amrɔmrɔ nɛɛ po, dani mikɛ amɛ aaaya ayashɛ shikpɔŋ lɛ ni mikã he kitã akɛ mikɛbaahã amɛ lɛ nɔ lɛ, mile yiŋ ni amɛtoɔ momo.”

5 Mose 4:35

Ahã nyɛna nibii nɛɛ koni nyɛkɛle akɛ Yehowa koome ji Nyɔŋmɔ, ni lɛ esɛɛ lɛ nyɔŋmɔ ko bɛ dɔŋŋ.

Hebribii 12:28

No hewɔ lɛ, akɛni wɔna maŋtsɛyeli ni anyɛŋ ahoso lɛ, nyɛhãa wɔdaa shi ni wɔkɛsɔ̃mɔ Nyɔŋmɔ bɔ ni sa ehiɛ kɛ woo kɛ gbeyeishemɔ!

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

1 Petro 5:2

Nyɛlɛa Nyɔŋmɔ tooku ni yɔɔ nyɛteŋ lɛ, nyɛkwɛa nɔ, jeee nɔnyɛɛ naa, shi moŋ yɛ suɔmɔ naa; tamɔ bɔ ni Nyɔŋmɔ taoɔ, asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa;

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

1 Samuel 12:20

Shi Samuel kɛɛ maŋ lɛ akɛ, “Nyɛkashea gbeyei; nyɛna nyɛfee nɛkɛ nɔ fɔŋ nɛɛ moŋ, shi kɛ̃lɛ nyɛkakpalea kɛjea Yehowa sɛɛ, shi moŋ nyɛsɔmɔa lɛ kɛ nyɛtsui fɛɛ.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”