1 Kronika 27:1 - ŊMALƐ KRƆŊKRƆŊ LƐ

¹ Agbɛnɛ naa Israelbii lɛ atsɛmɛi awei lɛ amli onukpai kɛ tabilɔi akpe kui atatsɛmɛi kɛ tabilɔi oha kui atatsɛmɛi kɛ amɛshishi lumɛi ni sɔmɔ Maŋtsɛ David kɛkura Israel lɛ. Nyɔŋ fɛɛ nyɔŋ nɔ yɛ afi lɛ mli lɛ, ayɛ tabilɔi akpei nyɔŋmai enyɔ kɛ ejwɛ ni ato ni amɛ amɛsɔmɔɔ yɛ tatsɛnukpa kome krɛdɛɛ ko shishi kɛkura Israel saji.

Ṅmãle̱ Kroṅkroṅ Le̱

¹ Agbe̱ne̱ Israelbii le̱ ye̱ ame̱yibo̱ le̱ nā, tše̱mei awei ano̱ onukpai ke̱ mei akpekpei ke̱ mei ohahai ano̱ asafoiatše̱mei le̱ ke̱ ame̱no̱kwe̱lo̱i ní súmoo̱ maṅtše̱ le̱ ye̱ asafokui ni baä yaä dā nyõṅ kome ye̱ afi mli nyõdši le̱ fē mli le̱ asane-fẽ-sane mli, ku-fẽ-ku hĩe mei akpei-nyoṅmai-enyo̱-ke̱-edſe̱.

1 Kronika 27:1 ပူးပေါင်းရင်းမြစ်များ

2 Samuel 23:8

David tabilɔi kakabãi lɛ agbɛii nɛ: Klɛŋklɛŋ mɔ lɛ ji Yosheb-bashebet, Takemonnyo lɛ, mɔ ni ji “kakabãi etɛ̃” lɛ ateŋ onukpa fe fɛɛ lɛ. Ewo ekpɔlɔ nɔ lɛ ekɛgbe mɛi ohai kpaanyɔ yɛ ta kome mli.

1 Maŋtsɛmɛi 4:27

Mɛi nyɔŋma kɛ enyɔ ni kwɛɔ Solomon niyenii anɔ lɛ kɛ niyenii baa daa kɛhã mɛi ni bayeɔ nii yɛ maŋtsɛ we lɛ. Mɔ kome yɛ nyɔɔŋ kome nɔ. Ni amɛhãaa nɔ ko nɔ ko he ahia.

1 Maŋtsɛmɛi 4:7

Maŋtsɛ Solomon hala nitsulɔi nyɔŋma kɛ enyɔ yɛ Israel maŋ fɛɛ. Amɛ amɛkɛ niyenii baa maŋtsɛ we lɛ daa afi. Daa afi mli lɛ mɔ fɛɛ mɔ yɛ nyɔɔŋ nɔ ni ekɛ niyenii baa.

1 Maŋtsɛmɛi 5:14

Aja mɛi lɛ amli kui etɛ̃. Mɛi akpei nyɔŋma yaa amɛyayeɔ nyɔŋ kome yɛ Lebanon, ni amɛbayeɔ nyɔji enyɔ yɛ shĩa.

1 Kronika 11:10

Hii kakabãi ni Maŋtsɛ David yɔɔ lɛ ateiaŋ onukpai, mɛi ni fi esɛɛ kpɛŋŋ yɛ emaŋtsɛyeli lɛ mli, ni asaŋ Israel fɛɛ hu fata amɛhe ni awo David maŋtsɛ tamɔ bɔ ni Yehowa ewo shi eto yɛ Israel he lɛ agbɛii kɛ amɛhe saji baa nɛɛ.

1 Kronika 13:1

Kɛkɛ ni David kɛ tabilɔi akpe akuikui anɔ asafoiatsɛmɛi lɛ kɛ tabilɔi oha kui anɔ asafoiatsɛmɛi lɛ, kɛ lumɛi lɛ fɛɛ tee ajina.

1 Kronika 26:32

Maŋtsɛ David hala Yeria shwiei nɛɛ ashĩaishĩai lɛ kɛ enyɛmimɛi Hebronbii nɛɛ ateŋ hii kãkãlɔi kɛ tsɛmɛi awei amli onukpai akpei enyɔ kɛ ohai kpawo, ni ekɛ Israel shikpɔŋ ni yɔɔ Yordan bokãgbɛ lɛ, ni ji Rubenbii kɛ Gadbii kɛ Bokãgbɛ Manasebii ashikpɔŋ lɛ, nɔkwɛmɔ wo amɛdɛŋ akɛ amɛkwɛ Yehowajamɔ saji kɛ maŋtsɛ lɛ hu sɔɔmɔ saji fɛɛ anɔ yɛ jɛi.

1 Kronika 27:2

Bɔ ni ato gbɛjianɔ lɛ kɛjara nyɔji lɛ ahã tatsɛmɛinukpai lɛ nɛ: Klɛŋklɛŋ nyɔŋ lɛ nɔ asafo ni sɔmɔ lɛ, Yashobeam, Zabdiel bi lɛ, ji mɔ ni kwɛ amɛnɔ. Esafo nɛɛ yikulɛ ji tabilɔi akpei nyɔŋmai enyɔ kɛ ejwɛ.

1 Kronika 28:1

Maŋtsɛ David kpee Israel lumɛi lɛ fɛɛ kɛba Yerusalɛm. No hewɔ lɛ, akutsei lɛ amli lumɛi lɛ, kɛ kuikui ni sɔ̃mɔɔ maŋtsɛ lɛ amli lumɛi lɛ, kɛ tabilɔi akpe akuikui kɛ tabilɔi oha akuikui atatsɛmɛi lɛ, kɛ maŋtsɛ sɛ̃i lɛ he nibii lɛ kɛ maŋtsɛbii lɛ anibii lɛ kɛ tsinai lɛ anɔkwɛlɔi lɛ kɛ hii kãkãlɔi lɛ fɛɛ anaa bakpe shi yɛ Yerusalɛm.

1 Kronika 29:6

Kɛkɛ ni tsɛmɛiawei lɛ amli onukpai lɛ kɛ akutsei lɛ amli lumɛi lɛ, kɛ tabilɔi akpe akuikui kɛ tabilɔi oha akuikui atatsɛmɛi lɛ, kɛ maŋtsɛ sɛ̃i lɛ he nibii anɔkwɛlɔi lɛ shi amɛtsitsi akɛ amɛaahã nibii lɛ.

2 Kronika 1:2

Maŋtsɛ Solomon tsɛ tabilɔi akpe akui, kɛ tabilɔi oha akui hu atatsɛmɛi lɛ, kɛ kojolɔi lɛ kɛ maŋtsɛyeli lɛ mli lumɛi lɛ, kɛ tsɛmɛi awei lɛ amli onukpai lɛ, kɛ Israel maŋtso muu lɛ fɛɛ akɛ

2 Mose 18:25

Ehala maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, ni eto amɛ kui anɔkwɛlɔi: mɛi nyɔŋma nyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ mɛi akpeakpe kui anɔkwɛlɔi.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

5 Mose 1:15

Kɛkɛ ni miŋɔ nyɛkutsei lɛ amli hii ni le nii, ni yɔɔ gbɛi hu ni nyɛfamɔ lɛ, ni miwo amɛ onukpai mihã nyɛ, mɛi akpeakpe kui kɛ mɛi ohaoha kui kɛ mɛi nyɔŋmai enumɔenumɔ kui kɛ mɛi nyɔŋmanyɔŋma kui anɔkwɛlɔi kɛ nyɛkutsei lɛ anɔkwɛlɔi hu.

Yoshua 23:1

Be kplaŋŋ sɛɛ be ni Yoshua egbɔ kotokoto, ni Israelbii lɛ ahenyɛlɔi fɛɛ ni bɔle amɛ ekpa amɛnaagbamɔ lɛ,

1 Samuel 8:12

Ebaawo mɛi komɛi asafoiatsɛmɛi ehã mɛi akpekpei kui kɛ mɛi nyɔŋmai enumɔenumɔ kui ehã ehe. Ebaahã mɛi komɛi ahu eŋmɔji amɛhã lɛ, ni mɛi komɛi hu akpa eŋmɔshinii, ni mɛi komɛi atswia etawuunii kɛ eshwiilii ahe nii.