1 Kronika 26:32 - ŊMALƐ KRƆŊKRƆŊ LƐ

³² Maŋtsɛ David hala Yeria shwiei nɛɛ ashĩaishĩai lɛ kɛ enyɛmimɛi Hebronbii nɛɛ ateŋ hii kãkãlɔi kɛ tsɛmɛi awei amli onukpai akpei enyɔ kɛ ohai kpawo, ni ekɛ Israel shikpɔŋ ni yɔɔ Yordan bokãgbɛ lɛ, ni ji Rubenbii kɛ Gadbii kɛ Bokãgbɛ Manasebii ashikpɔŋ lɛ, nɔkwɛmɔ wo amɛdɛŋ akɛ amɛkwɛ Yehowajamɔ saji kɛ maŋtsɛ lɛ hu sɔɔmɔ saji fɛɛ anɔ yɛ jɛi.

Ṅmãle̱ Kroṅkroṅ Le̱

³² ni enyemimei ni dši hĩĩ ekãlo̱i so̱ṅṅ ke̱ tše̱mei awei ano̱ onukpai le̱ feo akpei-enyo̱ ke̱ ohai-kpawo; ni David ṅõame̱ eto Rubenbii le̱ ke̱ Gadbii le̱ ke̱ Manase akutšo fã le̱ no̱, ye̱ Nyoṅmo̱ gbe̱fãṅ sãdši fẽ ke̱ maṅtše̱ le̱ hũ sãdši amli.

1 Kronika 26:32 ပူးပေါင်းရင်းမြစ်များ

1 Kronika 12:37

Akutsei lɛ ni yɔɔ Yordan bokãgbɛ lɛ, ni ji Rubenbii lɛ kɛ Gadbii lɛ kɛ Bokãgbɛ Manasebii lɛ, ni bafata David he lɛ fee hii akpei oha kɛ nyɔŋmai enyɔ ni le tawuu nibii srɔtoi fɛɛ hiɛmɔ kɛ tawuu.

1 Kronika 15:12

ni ekɛɛ amɛ akɛ, “Nyɛ nyɛ ji Levibii lɛ atsɛmɛi lɛ ashĩai lɛ amli onukpai, no hewɔ lɛ, nyɛ kɛ nyɛnyɛmimɛi Levibii lɛ fɛɛ, nyɛtsuua nyɛhe nyɛfea nyɛhe krɔŋkrɔŋ koni nyɛyawo Yehowa, Israel Nyɔŋmɔ lɛ, Kpãŋmɔ Adeka lɛ kɛba he ni misaa mito lɛ lɛ.

1 Kronika 23:24

Levi shwiei ni akane amɛ yɛ amɛwei kɛ amɛshiãishiãi anaa lɛ nɛ. Aŋmãla amɛgbɛii ekomekome; ni nuu fɛɛ nuu ni eye kɛjɛ afii nyɔŋmai enyɔ kɛyaa lɛ, akɛ lɛ shi Yehowa Sɔlemɔ we lɛ mli sɔ̃ɔlɔi lɛ anɔ.

1 Kronika 24:31

Shĩa fɛɛ shĩa mli onukpa lɛ fã enyɛmimɛi gbekɛbii lɛ ateŋ mɔ kome efata ehe kɛfɔ̃ oshiki, ni amɛkɛkɔlɔ amɛgbɛfaŋ nitsumɔi lɛ tamɔ amɛnyɛmimɛi Aaronbii lɛ fee lɛ nɔŋŋ. Amɛ hu amɛfee nii nɛɛ yɛ Maŋtsɛ David kɛ Osɔfo Zadok kɛ Ahimelek kɛ Osɔfoi lɛ kɛ Levibii lɛ atsɛmɛi awei lɛ amli onukpai lɛ fɛɛ ahiɛ.

1 Kronika 27:1

Agbɛnɛ naa Israelbii lɛ atsɛmɛi awei lɛ amli onukpai kɛ tabilɔi akpe kui atatsɛmɛi kɛ tabilɔi oha kui atatsɛmɛi kɛ amɛshishi lumɛi ni sɔmɔ Maŋtsɛ David kɛkura Israel lɛ. Nyɔŋ fɛɛ nyɔŋ nɔ yɛ afi lɛ mli lɛ, ayɛ tabilɔi akpei nyɔŋmai enyɔ kɛ ejwɛ ni ato ni amɛ amɛsɔmɔɔ yɛ tatsɛnukpa kome krɛdɛɛ ko shishi kɛkura Israel saji.

2 Kronika 19:11

Yɛ saji fɛɛ ni kɔɔ Yehowa he gbɛfaŋ lɛ, bɔ ni Amaria, osɔfonukpa lɛ, baabua he lɛ no ji naagbee. Ni saji ni kɔɔ maŋtsɛ lɛ he gbɛfaŋ lɛ, bɔni Ishmael bi Zebadia ni ji Yuda amralo lɛ baabua he lɛ, no ji naagbee. Levibii lɛ baakwɛ akɛ aaye kojomɔhei lɛ amli buamɔi fɛɛ anɔ. Nyɛfea ekãa kɛtsua nyɛnii; ni Yehowa aye mɔ ni sane yɔɔ mli lɛ sane ehã lɛ!”

Yoshua 1:12

Agbɛnɛ Yoshua kɛɛ Rubenbii lɛ kɛ Gadbii lɛ kɛ Manasebii akutso lɛ fã lɛ akɛ,