1 Kronika 26:26 - ŊMALƐ KRƆŊKRƆŊ LƐ

²⁶ Nɛkɛ Shelomit nɛɛ kɛ enyɛmimɛi ji mɛi ni buɔ nibii krɔŋkrɔŋi lɛ atoohe lɛ he, ni ji nibii ni Maŋtsɛ David kɛ tsɛmɛiawei amli weku nukpai, kɛ asafoiatsɛmɛi ni kwɛɔ mɛi akpe akui kɛ mɛi ni kwɛɔ mɛi oha akui anɔ lɛ kɛ tatsɛmɛi lɛ ejɔɔ nɔ eke Nyɔŋmɔ lɛ.

Ṅmãle̱ Kroṅkroṅ Le̱

²⁶ Ne̱ke̱ Šelomot ne̱ ke̱ enyemimei le̱ dši mei ní kwe̱o̱ nii kroṅkroṅi le̱ atōhei le̱ fẽ, nii ní maṅtše̱ David ke̱ tše̱mei awei le̱ ano̱ onukpai le̱ ke̱ mei akpe-kpei ke̱ mei ohahai ano̱ asafoiatše̱mei le̱ ke̱ tatše̱mei le̱ dšō̱ no̱ ke le̱.

1 Kronika 26:26 ပူးပေါင်းရင်းမြစ်များ

2 Samuel 8:11

Maŋtsɛ David jɔɔ nibii nɛɛ hu anɔ eke akɛ akɛsɔmɔ Yehowa tamɔ bɔ ni ejɔɔ jwiɛtɛi kɛ shika ni eshɔ̃ kɛjɛ majimaji ni eye amɛnɔ lɛ amli kɛba lɛ nɔ lɛ.

1 Kronika 22:14

Naa, migbo deŋme misaa nibii nɛɛ mito miha Yehowa Shihilɛhe lɛ maa: shika ŋmiiŋmi ni tsiimɔ ji talentai akpei oha, kɛ jwiɛtɛi hu ni tsiimɔ ji talentai akpe toi akpe, kɛ akɔɔble kɛ dade ni anyɛɛɛ aŋmɛ tete, ejaakɛ amɛfa fe nine; tsei kɛ tɛi hu yɛ. Shi obaatao nibii nɛɛ eko ogbe yi.

1 Kronika 18:11

Maŋtsɛ David jɔɔ nibii nɛɛ anɔ eke Yehowa, ni ekɛfata jwiɛtɛi kɛ shika ni eloo momo sa yɛ majimaji fɛɛ ni eye amɛnɔ kunim lɛ amli kɛba lɛ he. Maji nɛɛ ji Edom kɛ Moab kɛ Amon kɛ Filistia kɛ Amalek.

1 Kronika 26:25

Shebuel wekunyo Eliezer bi ji Rehabia, ni Rehabia bi ji Yeshaia, ni Yeshaia bi ji Yoram, ni Yoram bi ji Zikri, ni Zikri bi ji Shelomit.

1 Kronika 26:27

Amɛjɔɔ tai amli nibii ni amɛha lɛ mli eko nɔ amɛkɛke koni akɛtsu Yehowa we lɛ he nii.

1 Kronika 9:14

Levibii ni hi Yerusalɛm lɛ ji Shemaia ni etsɛ ji Hashub, ni eji Azrikam kɛ Hashabia, ni jɛ Merari mli lɛ seshinyo lɛ,

1 Kronika 28:21

Ni naa bɔ ni ajara Nyɔŋmɔ We lɛ nitsumɔ lɛ ahã osɔfoi akuu kɛ Levibii akuu lɛ. Ni yɛ nitsumɔ fɛɛ nitsumɔ gbɛfaŋ lɛ, ayɛ mɛi ni le ŋaa srɔtoi, ni asaŋ amɛyɛ he tsui tsɔ̃ akɛ amɛaatsu nii kɛwa bo; amɛsɛɛ lɛ lumɛi lɛ kɛ maŋ muu lɛ fɛɛ hu yɛ odɛ̃ŋ.”

2 Kronika 23:8

Levibii lɛ kɛ Yuda hii lɛ fɛɛ fee bɔ ni Osɔfo Yehoiada wo amɛ kitã akɛ amɛfee lɛ pɛpɛɛpɛ. Asafoiatsɛmɛi lɛ ateŋ mɔ fɛɛ mɔ kɛ ewebii ni baa nitsumɔ yɛ hejɔɔmɔ gbi lɛ nɔ lɛ ba, ni amɛbafata kui ni kulɛ amɛmiikpa nitsumɔ yɛ hejɔɔmɔ gbi lɛ nɔ lɛ ahe; ejaakɛ Osɔfo Yehoiada kpaaa amɛ nitsumɔ koni amɛya shĩa.

2 Kronika 31:2

Maŋtsɛ Hezekia hã akɛ bɔ ni ajara osɔfoi lɛ kɛ Levibii lɛ amli kuikui sa lɛ bɔ̃i nitsumɔ ekoŋŋ bɔ ni ku fɛɛ ku yɛ enitsumɔ krɛdɛɛ lɛ. Mɛi yɛ ni shãa afɔle ni ashãa fɛɛ lɛ, kɛ shidaa afɔlei lɛ; ni mɛi yɛ ni sɔmɔɔ yɛ jamɔ lɛ mli, ni mɛi yɛ ni laa kɛjieɔ Yehowa yi; dani mɛi yɛ ni buɔ Sɔlemɔ we lɛ agboi lɛ anaa.

Ezra 2:42

Agbonaakwɛlɔi lɛ abii ni ji Shalumbii kɛ Aterbii kɛ Talmonbii kɛ Akubbii kɛ Hatitabii kɛ Shobaibii lɛ. Amɛ fɛɛ lɛ amɛfeɔ oha kɛ nyɔŋmai etɛ̃ kɛ nɛɛhu.

Nehemia 12:45

ejaakɛ osɔfoi lɛ kɛ Levibii lɛ ye hetsuumɔ mlai lɛ kɛ gbɛnai krokomɛi ni amɛNyɔŋmɔ lɛ to lɛ anɔ. Nakai nɔŋŋ lalɔi lɛ kɛ agbonaakwɛlɔi lɛ tsu amɛgbɛnaanii tamɔ bɔ ni Maŋtsɛ David kɛ ebi Solomon wo kitã ni afee lɛ.