1 Kronika 24:6 - ŊMALƐ KRƆŊKRƆŊ LƐ

⁶ Kɛji afɔ̃ shi kome ahã Eleazarwe lɛ, kɛkɛ lɛ afɔ̃ shi kome hu ahã Itamar we lɛ. Ni Shemaia, Netanel bi lɛ, ni jɛ Levibii lɛ ateŋ lɛ, ji woloŋmalɔ mɔ ni ŋmala bɔ ni oshikifɔ̃ɔ lɛ fɛɛ tee nɔ hã. Eŋmala nii nɛɛ yɛ Maŋtsɛ David kɛ lumɛi lɛ kɛ Osɔfo Zadok kɛ Abiatar bi Ahimelek kɛ osɔfoi lɛ kɛ Levibii ashĩaiaŋ onukpai lɛ fɛɛ ahiɛ.

Ṅmãle̱ Kroṅkroṅ Le̱

⁶ Ni Šemaia, Netanel bi le̱, ni dši woloṅmā̃lo̱ ní dše̱ Levibii le̱ ateṅ le̱ ṅmã ame̱gbe̱i ye̱ maṅtše̱ le̱ ke̱ onukpai le̱ ke̱ oso̱fo Zadok ke̱ *Ahimelek, Abiatar bi le̱, ke̱ oso̱foi ke̱ Levibii le̱ atše̱mei awei le̱ ano̱ onukpai le̱ ahïe: ké̱ ako̱ tše̱we kome ahã Eleazar le̱, ke̱ke̱ le̱ ako̱ ekome ahã Itamar. *18,13.

1 Kronika 24:6 ပူးပေါင်းရင်းမြစ်များ

1 Maŋtsɛmɛi 4:3

Elihoref kɛ Ahia, Shisha bii lɛ, ji woloŋmalɔi; Yehoshafat, Ahilud bi lɛ, ji sajiaŋmlãlɔ.

1 Kronika 18:16

ni Zadok, Ahitub bi lɛ, kɛ Ahimelek, Abiatar bi lɛ, amɛ ji osɔfoi; ni Shawesha ji woloŋmalɔ.

1 Kronika 23:24

Levi shwiei ni akane amɛ yɛ amɛwei kɛ amɛshiãishiãi anaa lɛ nɛ. Aŋmãla amɛgbɛii ekomekome; ni nuu fɛɛ nuu ni eye kɛjɛ afii nyɔŋmai enyɔ kɛyaa lɛ, akɛ lɛ shi Yehowa Sɔlemɔ we lɛ mli sɔ̃ɔlɔi lɛ anɔ.

1 Kronika 24:31

Shĩa fɛɛ shĩa mli onukpa lɛ fã enyɛmimɛi gbekɛbii lɛ ateŋ mɔ kome efata ehe kɛfɔ̃ oshiki, ni amɛkɛkɔlɔ amɛgbɛfaŋ nitsumɔi lɛ tamɔ amɛnyɛmimɛi Aaronbii lɛ fee lɛ nɔŋŋ. Amɛ hu amɛfee nii nɛɛ yɛ Maŋtsɛ David kɛ Osɔfo Zadok kɛ Ahimelek kɛ Osɔfoi lɛ kɛ Levibii lɛ atsɛmɛi awei lɛ amli onukpai lɛ fɛɛ ahiɛ.

1 Kronika 24:7

Klɛŋklɛŋ oshiki lɛ gbee Yehoiarib nɔ; ni nɔ ni ji enyɔ lɛ gbee Yedaia nɔ.

2 Kronika 34:13

ni ahã amɛteŋ mɛi komɛi kwɛ jatsutrelɔi lɛ anɔ, ni mɛi komɛi hu kwɛ ŋai srɔtoi srɔtoi tsulɔi lɛ anɔ. Levibii nɛɛ nɔŋŋ ateŋ mɛi komɛi bu nibii lɛ ahe akɔntaa, ni fabii hu bu agbo naa.

Ezra 7:6

Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Nehemia 8:1

Be ni shɛɔ nyɔŋ ni ji kpawo lɛ nɔ lɛ, Israelbii lɛ yɛ amɛmaji lɛ amli. Maŋ lɛ bluublu bakpe yɛ blohu ko ni yɔɔ Nu Agbo lɛ hiɛ lɛ mli. Amɛkɛɛ Ezra, osɔfo kɛ woloŋmalɔ lɛ, akɛ eyakɔ wolo ni Mose Mla ni Yehowa wo Israel lɛ yɔɔ mli lɛ kɛba.

Mateo 13:52

Ni ekɛɛ amɛ akɛ, “No hewɔ lɛ, mlatsɔɔlɔ fɛɛ mlatsɔɔlɔ ni afee lɛ kaselɔ, ahã ŋwɛi maŋtsɛyeli lɛ, etamɔ shĩatsɛ ko ni jieɔ nii hei kɛ nii memeji kɛjeɔ ejwetri lɛ mli.”

Mateo 8:19

Ni mlatsɔɔlɔ ko ba eŋɔɔ ebakɛɛ lɛ akɛ, “Tsɔɔlɔ, manyiɛ osɛɛ kɛya he fɛɛ he ni oyaa.”

Marko 2:26

Bɔ ni ebote Nyɔŋmɔ We lɛ yɛ Osɔfonukpa Abiatar yinɔ ni eyaye aboloo ni akɛmãa Nyɔŋmɔ hiɛ lɛ, ni ehã mɛi ni ekɛnyiɛ lɛ hu eko amɛye, tsɛbelɛ mɔ ko bɛ hegbɛ ni eyeɔ akɛ ja osɔfoi lɛ kɛkɛ lɛ?”