1 Kronika 24:3 - ŊMALƐ KRƆŊKRƆŊ LƐ

³ Zadok ni jɛ Eleazar shwiei lɛ ateŋ lɛ kɛ Ahimelek ni jɛ Itamar shwiei lɛ ateŋ lɛ wa Maŋtsɛ David ni ejara Aaron shwiei lɛ amli kuikui yɛ nitsumɔi ni ahã amɛ lɛ anaa.

Ṅmãle̱ Kroṅkroṅ Le̱

³ Ni *David ke̱ Zadok ni dše̱ Eleazar bii le̱ ateṅ le̱ ke̱ Ahimelek ní dše̱ Itamar bii le̱ ateṅ le̱ dša ame̱mli ye̱ ame̱súomo̱ le̱ gbe̱dšiano̱tō le̱ nā. 2 Kron. 8,14.

1 Kronika 24:3 ပူးပေါင်းရင်းမြစ်များ

2 Samuel 20:25

Sheva ji woloŋmalɔ, ni Zadok kɛ Abiatar ji osɔfoi,

2 Samuel 8:17

ni Zadok, Ahitub bi lɛ, kɛ Ahimelek, Abiatar bi lɛ, amɛ ji osɔfoi; ni Seraia ji maŋtsɛ we woloŋmalɔ.

1 Maŋtsɛmɛi 2:35

Kɛkɛ ni Maŋtsɛ Solomon ŋɔ Yehoiada bi Benaia efee tatsɛ yɛ Yoab najiaŋ, ni eŋɔ Zadok efee Osɔfo yɛ Abiatar najiaŋ.

1 Kronika 15:11

Kɛkɛ ni David tsɛ Osɔfo Abiatar kɛ Levibii lɛ ahiɛnyiɛlɔi ekpaa lɛ, ni ji Uriel kɛ Asaia kɛ Yoel kɛ Shemaia kɛ Eliel kɛ Aminadab,

1 Kronika 16:39

David fã Osɔfo Zadok kɛ enyɛmimɛi osɔfoi krokomɛi lɛ, ni ekɛ jamɔ ni ayajaa Yehowa yɛ jamɔhe ni yɔɔ Gibeon lɛ wo amɛdɛŋ,

1 Kronika 18:16

ni Zadok, Ahitub bi lɛ, kɛ Ahimelek, Abiatar bi lɛ, amɛ ji osɔfoi; ni Shawesha ji woloŋmalɔ.

1 Kronika 24:31

Shĩa fɛɛ shĩa mli onukpa lɛ fã enyɛmimɛi gbekɛbii lɛ ateŋ mɔ kome efata ehe kɛfɔ̃ oshiki, ni amɛkɛkɔlɔ amɛgbɛfaŋ nitsumɔi lɛ tamɔ amɛnyɛmimɛi Aaronbii lɛ fee lɛ nɔŋŋ. Amɛ hu amɛfee nii nɛɛ yɛ Maŋtsɛ David kɛ Osɔfo Zadok kɛ Ahimelek kɛ Osɔfoi lɛ kɛ Levibii lɛ atsɛmɛi awei lɛ amli onukpai lɛ fɛɛ ahiɛ.

1 Kronika 24:4

Ana akɛ Eleazarbii lɛ ateŋ hii shĩaiaŋ onukpai lɛ ayi fa fe Itamarbii lɛ ateŋ hii shĩaiaŋ onukpai lɛ. No hewɔ lɛ, ajara Eleazarbii lɛ amli kui nyɔŋma kɛ ekpaa, ni ajara Itamarbii lɛ mli kui kpaanyɔ.

1 Kronika 24:6

Kɛji afɔ̃ shi kome ahã Eleazarwe lɛ, kɛkɛ lɛ afɔ̃ shi kome hu ahã Itamar we lɛ. Ni Shemaia, Netanel bi lɛ, ni jɛ Levibii lɛ ateŋ lɛ, ji woloŋmalɔ mɔ ni ŋmala bɔ ni oshikifɔ̃ɔ lɛ fɛɛ tee nɔ hã. Eŋmala nii nɛɛ yɛ Maŋtsɛ David kɛ lumɛi lɛ kɛ Osɔfo Zadok kɛ Abiatar bi Ahimelek kɛ osɔfoi lɛ kɛ Levibii ashĩaiaŋ onukpai lɛ fɛɛ ahiɛ.

2 Kronika 8:14

Solomon ye akpɔi ni etsɛ David ewo lɛ hu anɔ pɛpɛɛpɛ ekɛto daa gbi sɔɔmɔ nitsumɔi lɛ ahe gbɛjianɔ ehã osɔfoi lɛ akui lɛ kɛ Levibii lɛ hu ni waa osɔfoi lɛ kɛ lalai alamɔ kɛ nitsumɔi hu lɛ, Eto gbɛjianɔ hu ni Sɔlemɔtsu lɛ hebulɔi lɛ yaa kuikui daa gbi amɛyabuɔ Sɔlemɔtsu lɛ agboi lɛ anaa bɔ ni David, Nyɔŋmɔ gbɔmɔ lɛ, wo he akpɔi lɛ pɛpɛɛpɛ.

1 Samuel 21:1

David ba Osɔfo Ahimelek ŋɔɔ yɛ Nob maŋ lɛ mli. Ahimelek kɛ hekpokpomɔ bakpee David ni ebi lɛ akɛ, “Mɛɛba ni okome too onyiɛ, ni mɔ ko mɔ ko fataaa ohe lɛ?”