1 Kronika 24:2 - ŊMALƐ KRƆŊKRƆŊ LƐ

² Nadab kɛ Abihu gboi yɛ amɛtsɛ hiɛ, ni amɛshiii bii. No hewɔ lɛ, amɛnyɛmimɛi Eleazar kɛ Itamar baye osɔfo lɛ.

Ṅmãle̱ Kroṅkroṅ Le̱

² Ši Nadab ke̱ Abihu gboi ye̱ ame̱tše̱ hĩe, ni ame̱šĩĩ bii. Nohewo̱ le̱ Eleazar ke̱ Itamar baye oso̱foi. 3 Mose 10,1. 2. 12.

1 Kronika 24:2 ပူးပေါင်းရင်းမြစ်များ

2 Mose 24:1

Ni Yehowa kɛɛ Mose akɛ, “Bo kɛ Aaron kɛ Nadab kɛ Abihu kɛ Israel onukpai lɛ ateŋ mɛi nyɔŋmai kpawo akwɔ gɔŋ lɛ kɛba miŋɔɔ koni nyɛbaja yɛ sɛɛ flɛŋŋ.

2 Mose 24:9

Kɛkɛ ni Mose kɛ Aaron kɛ Nadab kɛ Abihu kɛ Israel onukpai nyɔŋmai kpawo lɛ kwɔ gɔŋ lɛ kɛtee,

2 Mose 29:9

ni okɛ mlifiinii lɛ afimɔ amɛmli, ni obumɔ amɛ faii lɛ. Bɔ ni owo Aaron kɛ ebihii lɛ osɔfo nɛ koni osɔfo nitsumɔ lɛ afee amɛnɔ ni kã shi akɛ naanɔ akpɔ.

2 Mose 6:23

Aaron ŋɔ Aminadab biyoo Elisheba, ni ji Nahashon nyɛmiyoo lɛ. Ekɛ lɛ fɔ Nadab kɛ Abihu kɛ Eleazar kɛ Itamar.

3 Mose 10:12

Mose kɛɛ Aaron kɛ ebihii ni eshwɛ ni ji Eleazar kɛ Itamar lɛ akɛ, “Niyenii afɔlei ni shwɛɔ yɛ afɔlei ni ashã ahã Yehowa lɛ sɛɛ lɛ, nyɛkɛshãa mã akpiti aboloo ni nyɛyea yɛ afɔleshãa latɛ lɛ he ejaakɛ afɔle nɛɛ nɔ krɔŋkrɔŋ ni fe fɛɛ ni.

3 Mose 10:2

Yehowa hã la ba ebashã amɛ, ni amɛgboi yɛ ehiɛ.

4 Mose 18:7

Shi bo kɛ obihii lɛ pɛ asɔ̃mɔ akɛ osɔfoi yɛ afɔleshãa latɛ lɛ he kɛ muhɔɔ lɛ mligbɛ hu. Miŋɔ osɔfoyeli lɛ mihã nyɛ akɛ sɔɔ̃mɔ ni aŋɔ ke. Mɔ fɛɛ mɔ ni ejeee osɔfo ni eeebɛŋkɛ nibii krɔŋkrɔŋi lɛ, gbe aaagbe lɛ.”

4 Mose 26:61

Shi Nadab kɛ Abihu gboi be ni amɛkɛ la ni bɛ krɔŋkrɔŋ yashã afɔle yɛ Yehowa hiɛ lɛ.

4 Mose 3:2

Aaron bihii lɛ ji Nadab, ekromɔbi lɛ, kɛ Abihu kɛ Eleazar kɛ Itamar.

4 Mose 3:4

Shi Nadab kɛ Abihu gboi be ni amɛhiɛ la ko ni he tseee kɛtee Yehowa hiɛ be ni ayɔɔ Sinai Shiaŋa lɛ nɔ lɛ. Amɛshiii bii. Eleazar kɛ Itamar pɛ sɔ̃mɔ akɛ osɔfoi yɛ amɛtsɛ Aaron walabeiaŋ.