1 Kronika 22:9 - ŊMALƐ KRƆŊKRƆŊ LƐ

⁹ Naa, obaafɔ binuu ko. Toiŋjɔlɛ baaba yɛ eyinɔ, ejaakɛ maha ehenyɛlɔi fɛɛ ni bɔle lɛ lɛ ahã ena toiŋjɔlɛ. Abaatsɛ lɛ Solomon, ni mahã Israel ana toiŋjɔlɛ yɛ eyinɔ.

Ṅmãle̱ Kroṅkroṅ Le̱

⁹ Na, abafo̱ binū ko ahão, le̱ le̱ ebafe hedšō̱mo̱-gbomo, ni mahã ehe adšo̱le̱ ye̱ ehenye̱lo̱i ni bo̱lele̱ le̱ fẽ adeṅ; edšake̱ aatšē̱le̱ Salomo, ni mahã Israel hedšo̱le̱ ke̱ toiṅdšo̱le̱ ye̱ eyino̱;

1 Kronika 22:9 ပူးပေါင်းရင်းမြစ်များ

1 Maŋtsɛmɛi 1:13

Yiŋ ni oya Maŋtsɛ David ŋɔɔ ni oyakɛɛ lɛ akɛ, ‘Nii, ani jeee bo okã oweyoo kitã akɛ obi Solomon ni baata mimaŋtsɛ sɛi lɛ nɔ lɛ? Te aye tɛŋŋ ni Adonia moŋ yeɔ maŋtsɛ lɛ nɛɛ?’ ”

1 Maŋtsɛmɛi 2:15

Ni Adonia kɛɛ, “Ole akɛ kulɛ maŋtsɛyeli lɛ minɔ ni; ni Israel fɛɛ hiɛ kã minɔ akɛ mi mibaye maŋtsɛ lɛ; shi kɛ̃lɛ maŋtsɛyeli lɛ etsɔ̃ ehã he kroko, ni Nuŋtsɔ lɛ suɔmɔ naa lɛ etsɔ̃ minyɛmi lɛ nɔ.

1 Maŋtsɛmɛi 3:7

Ni amrɔ nɛɛ, Ao Yehowa, miNyɔŋmɔ, owo mi, otsulɔ, maŋtsɛ yɛ mitsɛ sɛɛ. Gbekɛ bibioo kɛ minaa fufɔ sã kɛkɛ ji mi, ni mileee maŋnɔyeli.

1 Maŋtsɛmɛi 4:20

Yuda kɛ Israel yi fa babaoo diɛŋtsɛ tamɔ ŋshɔnaa shia. Amɛyeyeɔ nii, ni amɛnunuɔ dãi, ni amɛmii shɛɔ amɛhe.

1 Maŋtsɛmɛi 4:24

Solomon ye shikpɔji fɛɛ ni yɔɔ Eufrate Faa lɛ anaigbɛ, kɛjɛ Tifsa aahu kɛyashwie Gaza, lɛ nɔ. Eye maŋtsɛmɛi fɛɛ ni yɔɔ Eufrate Faa lɛ anaigbɛ lɛ nɔ. Solomon na toiŋjɔlɛ yɛ ehewɔhewɔ maji lɛ fɛɛ amli.

1 Maŋtsɛmɛi 4:25

Ni Solomon yinɔ fɛɛ lɛ, Yuda kɛ Israel hi shi shweshweeshwe. Mɔ fɛɛ mɔ hi shi yɛ ewain tso kɛ egbami tso shishi kɛjɛ Dan aahu kɛyashwie Beersheba.

1 Maŋtsɛmɛi 5:4

Shi agbɛnɛ Yehowa, miNyɔŋmɔ lɛ, ehã mikoji anɔ ejɔ mi; henyɛlɔ ko bɛ lɛ, osharã ko hu bɛ.

1 Maŋtsɛmɛi 8:56

“Ajie Yehowa, mɔ ni ehã emaŋ Israel toiŋjɔlɛ taakɛ bɔ ni ewo shi lɛ pɛpɛɛpɛ. Eshiwoi kpakpai fɛɛ ni etsɔ̃ etsulɔ Mose nɔ ewo lɛ, emli wiemɔ lɛ ekome folo nɛkɛ efeko yaka.

1 Kronika 17:11

Ogbele sɛɛ lɛ matee mɔ ni jɛ omli shi akɛ maŋtsɛ, ni mahã emaŋtsɛyeli ama shi.

1 Kronika 22:18

Ekɛɛ amɛ akɛ, “Yehowa, nyɛNyɔŋmɔ lɛ, kɛ nyɛ yɛ, ni eha nyɛtoiŋ ejɔ nyɛ yɛ he fɛɛ he, ejaakɛ ehã miye majimaji lɛ fɛɛ anɔ bii anɔ kunim, ni no hewɔ lɛ, amɛyɛ nyɛshishi.

2 Kronika 6:15

Oye shi ni owo otsulɔ, mitsɛ David lɛ nɔ, akɛ ŋmɛnɛ gbi nɛɛ lɛ ohã nɔ fɛɛ nɔ ni okɛɛ lɛ eba mli.

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Lalai 72:1

Oo Naa Nyɔŋmɔ, tsɔ̃ɔmɔ maŋtsɛ lɛ, koni ekɛ ojalɛ akojo; ni otsɔ̃ɔ maŋtsɛbi lɛ ojalɛ saneyeli lɛ.

Lalai 72:7

Jalɛ saneyeli ashwere yɛ elumɔyeli be lɛŋ, ni toiŋjɔlɛ aba babaoo kɛyaashi beyinɔ ni nyɔɔŋtsere bɛ dɔŋŋ.

Yesaia 26:12

Ao Yehowa, oooha wɔna toiŋjɔlɛ ejaakɛ nitsumɔi fɛɛ ni wɔtsu lɛ, bo ji mɔ ni otsu.

Yesaia 45:7

Mi mihãa la kɛ duŋ fɛɛ baa; mihãa anaa hejɔlɛ, ni mihãa jaramɔ baa. Mi ji Yehowa, mɔ ni feɔ enɛɛmɛi fɛɛ lɛ.”

Yesaia 57:19

Hejɔlɛ, hejɔlɛ aha mɔ ni yɔɔ shɔŋŋ kɛ mɔ ni bɛŋkɛ fɛɛ. Mibatsa miwebii lɛ.

Yesaia 66:12

Ejaakɛ bɔ ni Yehowa kɛɛ nɛ, “Maha nyɛshwere babaoo tamɔ faa ni hoɔ, ni majimajiaŋbii lɛ anii ni amɛna lɛ aaayiridi, tamɔ faa ni eyi kɛteke nɔ, kɛba nyɛdɛŋ. Nyɛaatamɔ abifao ni yeɔ enyɛ fufɔ; aaahiɛ nyɛ dɔdɔɔdɔ kɛ suɔmɔ yɛ kpɔkɔiaŋ.

Hagai 2:9

Sɔlemɔ we nɛɛ sɛɛkpee anunyam lɛ baafe etsutsu anunyam lɛ, ni biɛ majɛ mahã miwebii lɛ ashwere, Mi Yehowa, Taiatsɛ lɛ, mikɛɛ.”

Kojolɔi 6:24

Kɛkɛ ni Gideon ma afɔleshãa latɛ yɛ jɛi ehã Yehowa, ni etsɛ lɛ akɛ, “Yehowa ji hejɔlɛ.” Afɔleshãa latɛ lɛ yɛ Ofra ni ji Abiezerbii anɔ lɛ kɛbashi ŋmɛnɛ.