1 Kronika 22:3 - ŊMALƐ KRƆŊKRƆŊ LƐ

³ David hã nitsulɔi lɛ dade babaoo koni akɛfolɔ plɛkoobii kɛ klampii ahã agboi lɛ anaa shinai lɛ. Ehã amɛ akɔɔble hu babaoo ni anyɛɛɛ aŋmɛ.

Ṅmãle̱ Kroṅkroṅ Le̱

³ Ni asaṅ David bua dade babaō nā ni ake̱-sõ agbói le̱ anā šĩnāi le̱ ahe ple̱kobii ke̱ sái le̱ hũ, ke̱ akō̱ble babaō ni anyẽẽ aṅmẽ,

1 Kronika 22:3 ပူးပေါင်းရင်းမြစ်များ

1 Maŋtsɛmɛi 7:47

Nibii lɛ ayifalɛ sɔŋŋ hewɔ lɛ, Solomon eŋmɛɛɛ koni ena eyikulɛ. Akɔɔble lɛ hu aleee naa.

1 Kronika 22:14

Naa, migbo deŋme misaa nibii nɛɛ mito miha Yehowa Shihilɛhe lɛ maa: shika ŋmiiŋmi ni tsiimɔ ji talentai akpei oha, kɛ jwiɛtɛi hu ni tsiimɔ ji talentai akpe toi akpe, kɛ akɔɔble kɛ dade ni anyɛɛɛ aŋmɛ tete, ejaakɛ amɛfa fe nine; tsei kɛ tɛi hu yɛ. Shi obaatao nibii nɛɛ eko ogbe yi.

1 Kronika 29:2

No hewɔ lɛ, misaa nibii mito, bɔ ni manyɛ, yɛ miNyɔŋmɔ lɛ Sɔlemɔ we lɛ hewɔ: shika kɛ jwiɛtɛi kɛ akɔɔble kɛ dade kɛ tso ni akɛbaatsu amɛhe nibii srɔtoi, dani soro ojarawa tɛi srɔtoi kɛ tɛi ni akɛmamɔɔ nibii amli akɛyeɔ sama, kɛ tɛi ni kpɛlɛɔ kɛ tɛi ni yɔɔ ŋwãtãŋwãtã kɛ tɛi ni akɛkaa shikpɔŋ.

1 Kronika 29:7

Ni amɛhã nibii ni baa nɛɛ koni akɛtsu Sɔlemɔtsu lɛ mãa lɛ he nii: shika ŋmiiŋmi ni tsiimɔ ji talentai akpei enumɔ kɛ shika ŋmiiŋmi ni tsiimɔ ji dalei akpei nyɔŋma kɛ jwiɛtɛi ni tsiimɔ ji talentai akpei nyɔŋma kɛ akɔɔble ni tsiimɔ ji talentai akpei nyɔŋma kɛ kpaanyɔ kɛ dade ni tsiimɔ ji talentai akpei oha.

2 Kronika 4:18

Maŋtsɛ fee nibii nɛɛ babaoo bɔ sɔŋŋ ni no hewɔ lɛ, aleee akɔɔble tsiimɔ ni akɛtsu nii lɛ naa.

Yeremia 52:20

Shi akɔɔble ni akɛfee akulashiŋi enyɔ lɛ kɛ gbudugbaŋ wulu lɛ, kɛ akɔɔble okpɔŋɔi nyɔŋma kɛ enyɔ ni gbudugbaŋ lɛ ma amɛnɔ lɛ kɛ amɛshishi nibii ni amɛmamɔ nɔ lɛ ni Maŋtsɛ Solomon fee ewo Yehowa we lɛ lɛ, anyɛɛɛ etsiimɔ aŋmɛ.

5 Mose 8:9

Daaŋŋmãa ni nyɛaaye he esɛŋ, ni nɔ ko nɔ ko he ehiaŋ nyɛ yɛ shikpɔŋ nɛɛ nɔ. Dade yɛ emli tɛi lɛ amli; ni nyɛaana akɔɔble hu nyɛtsa yɛ shikpɔŋ nɛɛ nɔ gɔji lɛ amli.