1 Kronika 22:16 - ŊMALƐ KRƆŊKRƆŊ LƐ

¹⁶ ni ji shika ŋmiiŋmi kɛ jwiɛtɛi kɛ akɔɔble kɛ dade. Tee shi ni owo nitsumɔ lɛ nɔ! Yehowa aaaye abua bo!”

Ṅmãle̱ Kroṅkroṅ Le̱

¹⁶ šika ke̱ dſie̱te̱i ke̱ abō̱ble ke̱ dade hũ alee nā. Te ši ni ofe, ši Iehowa ke̱o ye̱!

1 Kronika 22:16 ပူးပေါင်းရင်းမြစ်များ

1 Maŋtsɛmɛi 2:2

“Mibi, eshwɛ fioo pɛ ni magbo tamɔ bɔ ni adesai fɛɛ gboiɔ lɛ. No hewɔ lɛ, ohe awa, ni ofee ekãa taakɛ nuu.

1 Maŋtsɛmɛi 7:47

Nibii lɛ ayifalɛ sɔŋŋ hewɔ lɛ, Solomon eŋmɛɛɛ koni ena eyikulɛ. Akɔɔble lɛ hu aleee naa.

1 Kronika 22:11

“No hewɔ lɛ, mibi, Yehowa ajɔɔ bo koni onyɛ shihilɛhe lɛ oma oha Yehowa, oNyɔŋmɔ lɛ, bɔ ni ekɛɛ yɛ ohe lɛ.

1 Kronika 22:14

Naa, migbo deŋme misaa nibii nɛɛ mito miha Yehowa Shihilɛhe lɛ maa: shika ŋmiiŋmi ni tsiimɔ ji talentai akpei oha, kɛ jwiɛtɛi hu ni tsiimɔ ji talentai akpe toi akpe, kɛ akɔɔble kɛ dade ni anyɛɛɛ aŋmɛ tete, ejaakɛ amɛfa fe nine; tsei kɛ tɛi hu yɛ. Shi obaatao nibii nɛɛ eko ogbe yi.

1 Kronika 22:15

Oyɛ ŋaalɔi hu babaoo: tɛgbalɔi kɛ tsu tswalɔi kɛ kapintafoi kɛ ŋaalɔi krokomɛi babaoo ni anyɛɛɛ akane,

1 Kronika 22:3

David hã nitsulɔi lɛ dade babaoo koni akɛfolɔ plɛkoobii kɛ klampii ahã agboi lɛ anaa shinai lɛ. Ehã amɛ akɔɔble hu babaoo ni anyɛɛɛ aŋmɛ.

1 Kronika 28:10

Naa, kwɛmɔ ohe ni ahi, ejaakɛ Yehowa eŋɔ̃ bo koni oma shĩa ni akɛfee Jamɔhe Krɔŋkrɔŋ. Wajemɔ ohe, ni ofee ekãa.”

1 Kronika 29:2

No hewɔ lɛ, misaa nibii mito, bɔ ni manyɛ, yɛ miNyɔŋmɔ lɛ Sɔlemɔ we lɛ hewɔ: shika kɛ jwiɛtɛi kɛ akɔɔble kɛ dade kɛ tso ni akɛbaatsu amɛhe nibii srɔtoi, dani soro ojarawa tɛi srɔtoi kɛ tɛi ni akɛmamɔɔ nibii amli akɛyeɔ sama, kɛ tɛi ni kpɛlɛɔ kɛ tɛi ni yɔɔ ŋwãtãŋwãtã kɛ tɛi ni akɛkaa shikpɔŋ.

2 Kronika 1:1

Solomon, ni ji Maŋtsɛ binuu lɛ, hã ehewalɛ he shi yɛ emaŋtsɛyelihei lɛ anɔ, ni Yehowa, eNyɔŋmɔ lɛ, jɔɔ lɛ ni etsɔ̃ gbɔmɔ wulu kpanaa diɛŋtsɛ.

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Yoshua 1:2

“Mitsulɔ Mose egbo, no hewɔ lɛ, saamɔ ohe koni bo kɛ Israelbii lɛ fɛɛ afo Yordan Faa nɛɛ kɛya shikpɔŋ lɛ ni mikɛhãa amɛ lɛ nɔ.

Yoshua 1:5

Mɔ ko mɔ ko nyɛŋ ohiɛ adamɔ owalagbii abɔ fɛɛ. Bɔ ni mikɛ Mose hi shi lɛ, nakai nɔŋŋ mikɛ bo aaahi shi; mishiŋ bo, ni mikwaŋ bo hu.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Yoshua 7:10

Yehowa kɛɛ Yoshua akɛ, “Tee shi; mɛni hewɔ ni okɛ ohiɛ ebu shi?

Kojolɔi 4:14

Kɛkɛ ni Debora kɛɛ Barak akɛ, “Tee shi, ejaakɛ ŋmɛnɛ gbi nɛɛ ji gbi ni Yehowa baahã oye Sisera nɔ kunim. Ani jeee Yehowa efã kɛnyiɛ ohiɛ nɛɛ?” No hewɔ lɛ, Barak kpeleke shi kɛjɛ Tabor gɔŋ lɛ nɔ. Hii akpei nyɔŋma lɛ nyiɛ esɛɛ.

1 Samuel 17:37

Yehowa, mɔ ni jie mi yɛ jata kɛ oshishibrishi daaŋ lɛ, lɛ nɔŋŋ eeejie mi yɛ Filistinyo nɛɛ dɛŋ.” Kɛkɛ ni agbɛnɛ Saul kɛɛ David akɛ, “Ojogbaŋŋ! Yaa, ni Yehowa aye abua bo.”

1 Samuel 20:13

Shi kɛji mitsɛ eto eyiŋ doo akɛ efɔŋ nɔŋŋ ebafee bo, ni mihãaa ole koni ojo foi oya shweshweeshwe lɛ, no lɛ Yehowa awo mi he nyɔmɔ kɛteke nɔ. Yehowa kɛ bo ahi shi tamɔ bɔ ni ekɛ mitsɛ ehi shi lɛ.