1 Kronika 21:7 - ŊMALƐ KRƆŊKRƆŊ LƐ

⁷ Nɔ ni afee lɛ eŋɔɔɔ Nyɔŋmɔ naa, ni no hewɔ lɛ, egbala Israel toi.

Ṅmãle̱ Kroṅkroṅ Le̱

⁷ Ni ne̱ke̱ sane ne̱ *eṅõõ Nyoṅmo̱ nā, nohewo̱ le̱ etſĩa Israel nii. *27,24.

1 Kronika 21:7 ပူးပေါင်းရင်းမြစ်များ

2 Samuel 11:27

Be ni Batsheba eye ŋkɔmɔ egbe naa lɛ, David tsu ni ayaŋɔ lɛ kɛba maŋtsɛ we lɛ, ni etsɔ eŋa. Batsheba kɛ David fɔ binuu. Shi sane ni David ye nɛɛ eŋɔɔɔ Yehowa naa.

2 Samuel 15:26

shi kɛji jeee esuɔmɔ naa ji nakai lɛ miyɛ edɛŋ, bɔ ni eeeto mi kɛkɛ.”

2 Samuel 21:1

David yinɔ lɛ hɔmɔ ni naa wa ko ba afii nɔtonɔto shii etɛ̃ sɔŋŋ. Enɛ hã David tee ni eyabi Yehowa nii. Yehowa kɛɛ David akɛ, “Enɛ fɛɛ jɛ Saul kɛ ewe lɛ yɛ Gibeonbii lɛ ni amɛgbe lɛ hewɔ.”

2 Samuel 21:14

Akɛ Saul kɛ Yonatan wui lɛ tee, ni ayafu yɛ Saul tsɛ Kish fuuhe lɛ, yɛ Zela yɛ Benyamin shikpɔŋ lɛ nɔ. Afee nɔ fɛɛ nɔ pɛpɛɛpɛ bɔ ni maŋtsɛ lɛ efã lɛ. No sɛɛ dani Nyɔŋmɔ bo shikpɔŋ lɛ nɔ bii lɛ afai ni amɛkpa amɛhã shikpɔŋ lɛ toi.

2 Samuel 24:1

Yehowa mli bafu Israelbii lɛ ekoŋŋ, ni etsɔ̃ David nɔ, ni egbala amɛtoi. Yehowa kɛɛ David akɛ, “Yaa ni oyakane Israelbii kɛ Yudabii lɛ.”

2 Samuel 24:10

Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

1 Maŋtsɛmɛi 15:5

Yehowa fee enɛ, ejaakɛ David fee nɔ ni sa Yehowa hiɛ, ni egbaaa afã yɛ kitãi ni ewo lɛ lɛ eko eko he ewala gbii abɔ fɛɛ, akɛ ja yɛ Uria, Hitnyo lɛ, sane lɛ mli pɛ.

1 Kronika 21:14

No hewɔ lɛ, Yehowa hã gbele hela ba shikpɔŋ lɛ nɔ, ni Israelbii ateŋ mɛi akpei nyɔŋmai kpawo gboi.

1 Kronika 21:6

Shi Yoab kaneee Levibii lɛ kɛ Benyaminbii lɛ eshiii nɔ, ejaakɛ nɔ ni Maŋtsɛ David ehã afee lɛ eŋɔɔɔ enaa.

1 Kronika 21:8

Kɛkɛ ni David kɛɛ Nyɔŋmɔ akɛ, “Mitɔ̃ tɔ̃mɔ kpele kɛ nii nɛɛ ni mifee lɛ. No hewɔ lɛ, miikpa bo fai ni okɛ tɔ̃mɔ lɛ afa mi, ejaakɛ miye kwashiai asane naakpa.”

Yoshua 7:1

Israelbii lɛ tɔ̃, ni amɛyayeee kɔkɔ ni abɔ amɛ yɛ musunii lɛ gbɛfaŋ lɛ nɔ, ejaakɛ Akan, ni ji Zabdi bi Karmi bi lɛ, ni jɛ Zera we yɛ Yuda akutso lɛŋ lɛ, kɔlɔ musunii lɛ eko. Enɛ hã Yehowa mli fu Israelbii lɛ naakpa.

Yoshua 7:13

Tee shi; tsuumɔ maŋbii lɛ ahe. Kɛɛmɔ amɛ akɛ, ‘Nyɛtsua nyɛhe nyɛkɛfea nyɛhe krɔŋkrɔŋ nyɛtoa wɔ’, ejaakɛ bɔ ni Yehowa, Israel Nyɔŋmɔ lɛ, kɛɛ nɛ, ‘Israelbii, nyɛkɔlɔ musu nibii lɛ eko, no hewɔ lɛ, nyɛnyɛŋ nyɛhenyɛlɔi lɛ ahiɛ nyɛdamɔ kɛyaashi beyinɔ ni nyɛaajie musunii lɛ nyɛshwie.’

Yoshua 7:5

Aibii lɛ gbe Israelbii lɛ ateŋ mɛi aaafee nyɔŋmai etɛ̃ kɛ ekpaa. Aibii lɛ wo Israelbii lɛ foi kɛjɛ Ai maŋ agbo lɛ naa kɛtee Shebarim, ni amɛgbe Israelbii lɛ be ni amɛkpelekeɔ jɔɔ lɛ. Sane nɛɛ hã Israelbii lɛ atsui fã, ni amɛhe jɔ tamɔ nu.