1 Kronika 21:3 - ŊMALƐ KRƆŊKRƆŊ LƐ

³ Shi Yoab kɛɛ David akɛ, “Yehowa ahã bɔ ni maŋ lɛ yifalɛ yɔɔ amrɔ nɛɛ lɛ aku abɔ he toi oha! Shi minuŋtsɔ Maŋtsɛ, kwɛ jeee mikɛɛ bekɛ otsuji ji amɛ fɛɛ? Mɛɛba mɔ ni minuŋtsɔ taoɔ akɛ afee nɛkɛ nɔ ko ni baahã Israel fɛɛ atɔ̃ nɛɛ?”

Ṅmãle̱ Kroṅkroṅ Le̱

³ Ši Ioab kē̱: Iehowa ahã emaṅ le̱ akũ abo̱ he, bo̱ni ame̱yo̱ ne̱, toi oba! Ši minuṅtšo̱ maṅtše̱, ani ame̱fẽ le̱ dšee minuṅtšo̱ tšũdši dšiame̱? Bĕle̱ mẽba minuṅtšo̱ taoo̱ ene̱ mo̱? *Mẽba eeye Israel yi sõ? *2 Mose 30,12.

1 Kronika 21:3 ပူးပေါင်းရင်းမြစ်များ

1 Mose 20:9

Kɛkɛ ni Abimelek tsɛ Abraham ni ekɛɛ lɛ akɛ, “Mɛni ofee wɔ nɛɛ? Mɛni esha mifee bo hewɔ ni otsi mi kɛ mimaŋtsɛyeli lɛ owo esha kpeteŋkple tamɔ nɛkɛ mli nɛɛ? Nɔ ni afeee ofee mi nɛɛ.”

1 Maŋtsɛmɛi 14:16

Yehowa baakwa Israel yɛ eshai ni Yeroboam fee lɛ hewɔ, yɛ eshai ni ekɛhã Israel fɛɛ fee lɛ hewɔ.”

2 Maŋtsɛmɛi 12:7

No hewɔ lɛ, Maŋtsɛ Yoash tsɛ osɔfo Yehoiada kɛ osɔfoi krokomɛi lɛ, ni ekɛɛ amɛ akɛ, “Mɛɛba nyɛsaaa Yehowa we lɛ tsu koi lɛ? No hewɔ lɛ, agbɛnɛ, nyɛkɛ shika ni nyɛheɔ lɛ akatoa dɔŋŋ, shi moŋ nyɛŋɔa nyɛhãa koni akɛsaa Sɔlemɔ we lɛ.”

1 Kronika 19:13

Feemɔ ekãa ni ohã wɔfee hii yɛ wɔmaŋbii kɛ wɔNyɔŋmɔ lɛ maji lɛ ahewɔ, ni Yehowa aaahã nɔ ni lɛ esumɔɔ lɛ aba mli.”

1 Kronika 21:4

Shi Maŋtsɛ David eŋɔɔɔ nɔ ehãaa Yoab. No hewɔ lɛ, Yoab yiŋ etee, ni eyakpa Israel fɛɛ, ni eku esɛɛ eba Yerusalɛm,

Lalai 115:14

Yehowa aaahã nyɛshwere babaoo, nyɛ kɛ nyɛbii fɛɛ.

2 Mose 30:12

“Kanemɔ Israelbii lɛ, ni kɛ ona amɛyikulɛ lɛ, ohã amɛteŋ mɔ fɛɛ mɔ awo eyi too yɛ ekpɔ̃mɔ̃ hewɔ ehã mi Yehowa, koni gbele hela akaba amɛteŋ kɛbakpãtã amɛhiɛ yɛ kanemɔ lɛ hewɔ.

2 Mose 32:21

Ni Mose bi Aaron akɛ, “Mɛni po maŋbii nɛɛ fee bo hewɔ ni ohã amɛfee esha kpele nɛkɛ?”

Abe̱i 14:28

Maŋbii ayifalɛ ji maŋtsɛ anunyam; shi kɛji maŋbii bɛ lɛ, lumɔ hiɛkpãtãmɔ ni.

Yesaia 26:15

Ao Yehowa, ohá maŋ lɛ eshwere, olɛɛ maŋ lɛ husui amli ni enɛ ewo ohiɛ nyam.

Yesaia 48:19

Omusuŋbii aaafa tamɔ shia, ni oshwiei aaafa tamɔ mlu. Agbeŋ amɛgbɛi, ni akpãtãŋ amɛhiɛ yɛ mihiɛ.”

5 Mose 1:11

Yehowa, nyɛtsɛmɛi aNyɔŋmɔ lɛ, ahã nyɛyi afa bɔ ni nyɛyɔɔ amrɔ nɛɛ toi akpei abɔ; ni ejɔɔ nyɛ tamɔ bɔ ni ewo nyɛ shi lɛ.

Yoshua 22:15

Amɛtee Rubenbii lɛ kɛ Gadbii kɛ Manasebii lɛ aŋɔ̃ɔ yɛ Gilead shikpɔŋ lɛ nɔ,

1 Samuel 2:24

Nyɛkafea nakai kɔkɔɔkɔ, mibii. Saji ni minuɔ yɛ Yehowa webii anaa yɛ nyɛhe lɛ, ehiii.