1 Kronika 20:1 - ŊMALƐ KRƆŊKRƆŊ LƐ

¹ Sane nɛɛ sɛɛ afi, be mli ni maŋtsɛmɛi fãa ta lɛ, Yoab ŋɔ Israel ta lɛ ni efã ta ewo Amonbii lɛ, ni ekpãtã amɛshikpɔŋ lɛ hiɛ. Shi Maŋtsɛ David hi shi yɛ sɛɛ yɛ Yerusalɛm. Yoab yagba ta kɛbɔle Raba maŋ lɛ, kɛkɛ ni etua maŋ lɛ, ni eye maŋ lɛ nɔ kunim.

Ṅmãle̱ Kroṅkroṅ Le̱

¹ Ni eba mli ake̱ no se̱ afi, ye̱ be mli beni maṅtše̱mei fãa ta le̱, Ioab ṅõ ta mũ le̱ fẽ ni eyakpãtã Amonbii le̱ ašikpoṅ le̱ hĩe, ni ebo̱ nsra ewo Raba he. Ši David le̱ ehĩ ši ye̱ Ierusalem. Ni Ioab tſia Raba nii ni ebutule̱.

1 Kronika 20:1 ပူးပေါင်းရင်းမြစ်များ

2 Samuel 11:1

Afi ni nyiɛ sɛɛ lɛ, be ni maŋtsɛmɛi fãa ta lɛ, David wo Yoab kɛ esafoiatsɛmɛi kɛ Israel tabilɔi gbɛ, ni amɛyakpãtã Amonbii lɛ ahiɛ. Amɛyasa Raba maŋ lɛ yi; shi David diɛŋtsɛ lɛ ehi shi yɛ Yerusalɛm.

2 Samuel 17:27

Be ni David yashɛ Mahanaim lɛ, gbɔmɛi nɛɛ: Shobi, ni ji Nahash ni jɛ Amonbii amaŋ Raba lɛ mli lɛ bi lɛ, kɛ Makir, ni ji Amiel ni jɛ Lo-Debar lɛ bi lɛ, kɛ agbɛnɛ Barzilai, Gileadnyo lɛ ni jɛ Rogelim lɛ ba eŋɔɔ.

1 Maŋtsɛmɛi 20:22

Kɛkɛ ni gbalɔ lɛ tee Maŋtsɛ Ahab ŋɔɔ, ni eyakɛɛ lɛ akɛ, “Yaa koni oyasaa ohe oto. Ojwɛŋ nɔ ni eba lɛ he, ejaakɛ wɔsɛɛ afi nɛkɛ be mli lɛ Siria maŋtsɛ lɛ baaba ebatua bo.”

1 Maŋtsɛmɛi 20:26

Be ni eshɛ afi naakplɔ lɛ, Ben-Hadad bua Siria tabilɔi anaa, kɛkɛ ni efã kɛba Afek koni ebatua Israelbii lɛ.

2 Maŋtsɛmɛi 13:20

Kɛkɛ ni Elisha gbo, ni afu lɛ. No sɛɛ lɛ, Moab ojoyeli tai lɛ batua Israel shikpɔŋ lɛ yɛ nakai afi lɛ mli.

1 Kronika 19:19

Be ni maŋtsɛmɛi ni yɔɔ Hadadezer shishi lɛ na akɛ Israel eye amɛnɔ kunim lɛ, amɛ kɛ David bakpãtã, ni amɛsɔmɔ lɛ. Kɛjɛ no sɛɛ lɛ amɛyaaa amɛyayeee amɛbuaaa Amonbii lɛ dɔŋŋ.

Yesaia 54:16

“Naa, mi, mibɔ sɔ̃lɔ mɔ ni huɔ ŋai la ekɛsɔ̃ɔ tawuunii lɛ. Ni mi nɔŋŋ mibɔ tabilɔ mɔ ni kpãtãa nibii ahiɛ lɛ.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Ezekiel 21:20

Okadi lɛ ekome atsɔ̃ɔ maŋtsɛ lɛ gbɛ ni ekɛ eklante lɛ atsɔ̃ nɔ kɛba Raba, ni ji Amonbii lɛ amaŋ lɛ mli; okadi kroko lɛ atsɔ̃ɔ gbɛ kɛya Yuda shikpɔŋ lɛ nɔ kɛbote Yerusalɛm ni atswa gbogbo awo ehe lɛ mli tɔ̃ɔ.

Ezekiel 25:5

Maha Rama atsɔ̃ yoomai aniyelihe, ni maha Amonbii amaji wuji lɛ baatsɔ toi atsu. No nyɛkɛaale akɛ mi, mi ji Yehowa.

Amos 1:14

No hewɔ lɛ, mibama Raba maŋ lɛ he gbogbo lɛ naa la, ni ebaashã emli mɔji lɛ. Gbi lɛ abaabɔ tawuu oshe, ni ta lɛ naa baawa tamɔ ahum ni efã.

5 Mose 3:11

(Bashan Maŋtsɛ Og nɛɛ, lɛ ji Refaimbii ashwiei lɛ ateŋ naagbeemɔ ni eshwɛ. Esaatso lɛ dade saatso ni, ni ekɛlɛ ji ninetalɔi nɛɛhu kɛ elɛɛmɔ hu ninetalɔi ejwɛ. Dade saatso nɛɛ yɛ Amonbii amaŋ ni ji Raba kɛbashi ŋmɛnɛ.)