1 Kronika 2:55 - ŊMALƐ KRƆŊKRƆŊ LƐ

⁵⁵ Be nɛɛ mli lɛ woloŋmalɔi awekui komɛi hi shi yɛ Yabez maŋ lɛ mli. Amɛ ji Tiratbii lɛ kɛ Shimeatbii lɛ kɛ Sukatbii lɛ. Amɛ fɛɛ lɛ Kenbii ji amɛ, ni amɛjɛ Hamat mɔ ni to Rekab we lɛ shishi lɛ mli.

Ṅmãle̱ Kroṅkroṅ Le̱

⁵⁵ Ni woloṅmãle̱i asešihii ni yo̱ Iabez le̱ dši Tiratbii, Šimeatbii, Sukatbii. Mene̱mei dši *Kenbii ni dše̱ †Rekab we le̱ tše̱ Hamat mli le̱. *Kodš. 1,16. †Ier. 35.

1 Kronika 2:55 ပူးပေါင်းရင်းမြစ်များ

2 Maŋtsɛmɛi 10:15

Ni be ni eje jɛi eŋɔ shwie nɔ lɛ, ena Yehonadab, Rekab bi lɛ, ni eeba ni ekɛ lɛ abakpe. Yehu ŋa lɛ, ni ekɛɛ lɛ akɛ, “Ani otsui mli tse hã mi tamɔ bɔ ni mitsui mli tse hã bo lɛ?” Ni Yohanadab hã lɛ hetoo akɛ, “Hɛɛ, nakai ni.” Yehu kɛɛ akɛ, “Kɛji nakai ni lɛ, no lɛ taa midɛ̃.” Kɛkɛ ni eta edɛ̃; kɛkɛ ni Yehu hã ekwɔ shwiili lɛ kɛba eŋɔɔ.

1 Kronika 2:54

Salma, mɔ ni to Betlehem lɛ, shwiei ji Netofatbii lɛ, Atarot-Bet-Yoabbii lɛ kɛ Zoribii ni ji Manahat maŋ lɛ mli bii lɛ fã kome lɛ.

1 Kronika 3:1

Maŋtsɛ David bihii ni efɔ yɛ Hebron lɛ agbɛii baa nɛɛ yɛ afii anaa: Ekromɔbi lɛ ji Amnon ni enyɛ ji Ahinoam ni jɛ Yezreel lɛ. Ebi ni ji enyɔ lɛ ji Daniel mɔ ni nyɛ ji Abigail ni jɛ Karmel lɛ.

Ezra 7:6

Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Yeremia 35:19

hewɔ lɛ, mi Yehowa Taiatsɛ, Israel Nyɔŋmɔ, miikɛɛ akɛ be ko baŋ ni anaŋ Rekab bi Yonadab shwie ni aaasɔmɔ mi.”

Yeremia 8:8

Te feɔ tɛŋŋ ni nyɛkɛɔ akɛ, ‘Wɔ lɛ wɔle nii, ni Yehowa mla lɛ yɛ wɔdɛŋ’ lɛ? Naa, woloŋmalɔi lɛ kɛ amɛmale niŋmaa ehã mla lɛ etsɔ̃ amale mla.

Kojolɔi 1:16

Mose shaanuu Kennyo lɛ shwiei kɛ Yudabii lɛ yiŋ kɛjɛ Yeriko tɛ̃ŋ maŋ lɛ mli kɛba Yuda ŋã lɛ ni yɔɔ Arad wuoyigbɛ lɛ nɔ, ni amɛtee amɛkɛ jɛi bii lɛ yahi shi.

Kojolɔi 4:11

Shi Heber, Kennyo lɛ, etse ehe yɛ Kenbii ni ji Mose shaanuu Hobab shwiei lɛ ahe, ni eyashi ebuu lɛ yɛ tso kpele ni ma Zaananim ni yɔɔ Kadesh masɛi lɛ he tɔ̃ɔ.

1 Samuel 15:6

Kɛkɛ ni Saul kɛ shɛɛ maje Kenbii ni yɔɔ maŋ lɛ mli akɛ, “Nyɛshia Amalekbii lɛ ateŋ nyɛyaa koni mikakpãtã nyɛ kɛ amɛ fɛɛ hiɛ, ejaakɛ nyɛ lɛ nyɛfee Israelbii lɛ fɛɛ ejurɔ, be ni amɛjɛ Ijipt amɛbaa lɛ.” No hewɔ lɛ, Kenbii lɛ shi Amalekbii lɛ ateŋ ni amɛtee.