1 Kronika 19:7 - ŊMALƐ KRƆŊKRƆŊ LƐ

⁷ Shwiilii akpei nyɔŋmai etɛ̃ kɛ enyɔ lɛ kɛ Maaka maŋtsɛ kɛ etabilɔi lɛ, mɛi apaa ni ayabɔ lɛ ba, ni amɛbagba ta yɛ Madeba maŋ lɛ hiɛ. Amonbii lɛ diɛŋtsɛ hu bua amɛhe naa kɛjɛ amɛmaji lɛ amli ni amɛ hu amɛbagba ta.

Ṅmãle̱ Kroṅkroṅ Le̱

⁷ Ni ame̱bo̱ ſīlii akpei-nyoṅmai-etẽ-ke̱-enyo̱ ke̱ Maaka maṅtše̱ le̱ ke̱ emaṅ le̱ apā; ni ame̱ba ni ame̱babo̱ nsra ye̱ Medeba hĩe. Ni Amonbii le̱ hũ bua amehe nā ke̱-dše̱ ame̱mãdši le̱ amli ni ame̱-ba ta le̱ṅ.

1 Kronika 19:7 ပူးပေါင်းရင်းမြစ်များ

2 Samuel 10:6

Amonbii lɛ na akɛ amɛyata David he. No hewɔ lɛ, amɛtsu kɛtee ni ayabɔ Siriabii tabilɔi ni nyiɛɔ nane akpei nyɔŋmai enyɔ apaa kɛjɛ Bet-Rehob kɛ Zoba. Amɛyabɔ Maaka maŋtsɛ lɛ kɛ etabilɔi akpe kɛ Tob tabilɔi hu akpei nyɔŋma kɛ enyɔ apaa.

1 Kronika 18:4

David shɔ̃ Maŋtsɛ Hadadezer tayaa shwiilii akpe, ni emɔmɔ tabilɔi okpɔŋɔnɔtalɔi akpei kpawo kɛ nanenɔnyiɛlɔi akpei nyɔŋmai enyɔ. David folɔ shwiili naa okpɔŋɔi lɛ fɛɛ anaji asɛɛ fãi; shi eshi amɛteŋ bɔ ni baahia ahã shwiilii oha.

1 Kronika 19:8

Be ni David nu lɛ ewo Yoab kɛ hii kãkãlɔi asafo muu lɛ fɛɛ gbɛ kɛtee.

2 Kronika 14:9

Kɛkɛ ni Etiopianyo ko ni gbɛi ji Zera lɛ fã ta kɛba koni ebatua Yudabii. Ehiɛ tabilɔi akpe toi akpe kɛ tayaa shwiilii hu ohai etɛ̃; ni eba aahu kɛbashɛ Maresha tɔ̃ɔ.

2 Mose 14:9

Ijiptbii lɛ yi Israelbii lɛ asɛɛ kɛ Farao okpɔŋɔi kɛ tayaa shwiilii kɛ okpɔŋɔnɔtalɔi kɛ asraafoi fɛɛ. Ni amɛyanina Israelbii lɛ ni amɛto shi yɛ Ŋshɔ Tsuru lɛ naa, yɛ Pi-hahirot masɛi yɛ Baal-Zefon hiɛ.

Yesaia 15:2

Dibonbii lɛ ekwɔ kɛtee amɛwɔŋjamɔhei lɛ koni amɛyafo. Moabbii ewɔ lele yɛ Nebo kɛ Medeba maji lɛ ahewɔ. Amɛshɛ yi fɛɛ yi kɛ tsɛŋ fɛɛ tsɛŋ.

4 Mose 21:30

No hewɔ lɛ, amɛshwiei ahiɛ ekpãtã kɛjɛ Heshbon aahu kɛyashwie Dibon tɔ̃ɔ; kɛjɛ Nashim kɛtee Nofa yɛ Medeba masɛi.”

Yoshua 13:16

Amɛshikpɔŋ lɛ ji Aroer, ni ji Arnon Jɔɔ lɛ, kɛ maŋ wulu lɛ ni kã jɔɔ lɛ teŋ lɛ, kɛ gɔŋ yiteŋ shikpɔŋ kplanaa lɛ fɛɛ ni yɔɔ Medeba lɛ,

Yoshua 13:9

Amɛna kɛjɛ Aroer, ni ji Arnon Jɔɔ lɛ naa shikpɔŋ lɛ, kɛ maŋ wulu ni kã jɔɔ lɛ teŋ lɛ, kɛ gɔŋ yiteŋ shikpɔŋ kplanaa lɛ fɛɛ kɛjɛ Medeba aahu kɛyashi Dibon.

Kojolɔi 4:3

Israelbii lɛ bolɔ amɛtsɛ Yehowa koni eye ebua amɛ, ejaakɛ Yabin yɛ dade tayaa shwiilii ohai nɛɛhu, ni ewa Israelbii lɛ ayi waa naakpa afii nyɔŋmai enyɔ sɔŋŋ.

1 Samuel 13:5

Kɛkɛ ni Filistibii lɛ bua amɛhe naa koni amɛ kɛ Israelbii lɛ abawu. Amɛhiɛ ta shwiilii akpei nyɔŋmai etɛ̃ kɛ okpɔŋɔnɔtalɔi akpei ekpaa kɛ asraafoi ni yifalɛ oookɛɛ ŋshɔnaa shia; ni amɛfã ta kɛgba, ni amɛbabɔ nsra yɛ Mikmash yɛ Bet-Aven bokãgbɛ.