1 Kronika 19:2 - ŊMALƐ KRƆŊKRƆŊ LƐ

² Kɛkɛ ni Maŋtsɛ David to eyiŋ ni ekɛɛ akɛ, “Mibajie mlihilɛ kpo matsɔ̃ɔ Nahash bi Hanun, ejaakɛ etsɛ mli hi hã mi.” No hewɔ lɛ, Maŋtsɛ David tsu tsuji kɛtee akɛ amɛyahã Hanun kpoo amɛhã lɛ yɛ etsɛ gbele lɛ hewɔ. Be ni David tsuji lɛ tee Hanun ŋɔɔ yɛ Amonbii ashikpɔŋ lɛ nɔ amɛyahã lɛ kpoo lɛ,

Ṅmãle̱ Kroṅkroṅ Le̱

² Ke̱ke̱ ni David kē̱ ake̱: Madšie mlihĩle̱ kpo matšõ Hanun, Nahaš bi le̱, edšake̱ etše̱ hũ mli hĩ hãmi. Ni David tšũ bo̱foi ke̱-te ake̱ ame̱yahãle̱ kpóo ye̱ etše̱ hewo̱. Ni David tšũdši le̱ yiṅ ame̱te Amonbii le̱ ašikpoṅ le̱ no̱, ni ame̱te Hanun ṅõ ni ame̱yahãle̱ kpóo.

1 Kronika 19:2 ပူးပေါင်းရင်းမြစ်များ

2 Samuel 9:1

Gbi ko lɛ David bi akɛ, “Ani Saul shwie ko kwraa yɛ jeŋ lolo lo? Masumɔ akɛ mafee mɔ lɛ ejurɔ yɛ Yonatan hewɔ.”

2 Samuel 9:7

David kɛɛ lɛ akɛ, “Kaashe gbeyei! Miyɛ ejurɔ ni mafee bo yɛ otsɛ Yonatan hewɔ. Mibakpale onii Saul shikpɔji lɛ fɛɛ mahã bo; ni kɛjɛ kɛyaa nɛɛ lɛ obaata mikpɔlɔ̃ lɛ he, ni okɛ mi baaye nii daa.”

2 Maŋtsɛmɛi 4:13

Elisha kɛɛ Gehazi akɛ, “Kɛɛmɔ yoo lɛ akɛ, ‘Kwɛ bɔ sɔŋŋ ni ogba ohe naa yɛ wɔhewɔ; mɛni ooosumɔ akɛ mifee mihã bo? Ani oyɛ sane ko ni ooosumɔ akɛ ayakɛɛ maŋtsɛ lɛ loo asraafoiatsɛ lɛ lo?’ ” Yoo lɛ hã lɛ hetoo akɛ, “Mi diɛŋtsɛ mimaŋbii ateŋ miyɔɔ lɛ, ni nɔ ko he ehiaaa mi.”

1 Kronika 19:1

Yɛ mli aahu lɛ Amonbii amaŋtsɛ Nahash gbo, ni ebinuu baye esɛɛ akɛ maŋtsɛ.

1 Kronika 19:3

Amonbii lɛ alumɛi lɛ kɛɛ Hanun akɛ, “Naa, tsumɔ ni David etsu kɛba akɛ abahã bo kpoo nɛɛ lɛ kaasusu akɛ ekɛmiiwo otsɛ hiɛ nyam. Maŋ lɛ saramɔ kɛ eshikpamɔ moŋ hewɔ ni David ewo etsuji gbɛ kɛba nɛɛ bɔ ni afee ni enyɛ maŋ lɛ ebaŋɔ.”

Nehemia 13:1

Nakai gbi lɛ be ni akaneɔ Mose Mla lɛ yɛ maŋbii lɛ atoiŋ lɛ, ana ni aŋmã yɛ mli akɛ Amonnyo loo Moabnyo akaba Nyɔŋmɔ maŋbii lɛ ahenaabuamɔ lɛ mli kɔkɔɔkɔ;

Nehemia 4:3

Kɛkɛ ni Tobia, Amonnyo ni damɔ emasɛi lɛ, kɛɛ, “Tɛ gbogbo tete po ni amɛtswaa nɛɛ lɛ, kɛ osɔ tete tu eyi nɔ lɛ, eeekumɔ eshwie shi.”

Nehemia 4:7

Shi be ni Sanbalat kɛ Tobia kɛ Arabiabii kɛ Amonbii kɛ Ashdodbii lɛ nu akɛ atsara Yerusalɛm gbogboi lɛ kɛkpe, ni abɔ̃i fɔji lɛ tsiimɔ lɛ, amɛmli wo la naakpa.

Ester 6:3

Kɛkɛ ni maŋtsɛ lɛ bi akɛ, “Mɛni afee akɛwo Mɔdekai hiɛ nyam yɛ nɔ ni etsu nɛɛ hewɔ?” Maŋtsɛ lɛ sɔ̃ɔlɔi ni yɔɔ emasɛi lɛ here nɔ akɛ, “Afeko nɔ ko nɔ ko ahãko lɛ.”

Jajelɔ 9:15

Nuu ohiafo ko yɛ maŋ bibioo lɛ mli, ni lɛ etsɔ̃ enilee nɔ ehere maŋ lɛ yiwala. Shi mɔ ko mɔ ko kaiii nuu ohiafo nɛɛ.

Yohane 11:19

Ni Yudafoi lɛ ateŋ mɛi pii eba Marta kɛ Mariamɛi aŋɔɔ, koni amɛbaye amɛ ŋkɔmɔ yɛ amɛnyɛmi nuu lɛ hewɔ.

1 Samuel 30:26

Be ni David bashɛ Ziklag lɛ, etsu akɛ nibii ni eyaye amɛ ofɔ̃ lɛ eko tee ayake Yuda maŋ onukpai fɛɛ ni ji ehe gbɔmɛi kpakpai lɛ kɛ shɛɛ akɛ, “Naa, miyaye ofɔ yɛ Yehowa henyɛlɔi lɛ ashikpɔŋ lɛ nɔ. Nɔ ni mikɛɛ akɛbake nyɛ nɛ.”