1 Kronika 18:12 - ŊMALƐ KRƆŊKRƆŊ LƐ

¹² Abishai ni atsɛɔ enyɛ Zeruia lɛ, gbe Edombii akpei nyɔŋma kɛ kpaanyɔ yɛ Ŋoo Jɔɔ lɛ mli.

Ṅmãle̱ Kroṅkroṅ Le̱

¹² Ni asaṅ Abišai, Zeruia bi le̱, gbe Edombii le̱ ateṅ mei akpei-nyoṅma-ke̱-kpānyo̱ ye̱ Ṅō-dšō̱ le̱ṅ.

1 Kronika 18:12 ပူးပေါင်းရင်းမြစ်များ

2 Samuel 10:10

No sɛɛ lɛ, etu etabilɔi ni shwɛ lɛ ewo enyɛmi Abishai dɛŋ, ni ekɛ amɛ gba ta koni amɛ lɛ amɛkɛ Amonbii lɛ akpe.

2 Samuel 10:14

Be ni Amonbii lɛ na akɛ Siriabii lɛ ejo foi lɛ, amɛ hu amɛjo Abishai naa foi, ni amɛyabote maŋ lɛ mli. Kɛkɛ ni Yoab ku esɛɛ ni efɔ̃ɔ Amonbii lɛ kɛ ta lɛ wuumɔ, ni eba Yerusalɛm.

2 Samuel 20:6

No hewɔ lɛ, maŋtsɛ lɛ kɛɛ Abishai akɛ, “Etamɔ nɔ ni Bikri bi Sheba baagba wɔnaa fe Absalom tete. Ŋɔɔ mitabilɔi lɛ, ni nyɛtiua lɛ koni ekayana maji ni atswa gbogboi awo amɛhe lɛ amli eyabote ni etsɔ̃ jɛi eje wɔdɛŋ.”

2 Samuel 21:17

Shi Abishai, ni ji Zeruia bi lɛ, bahere David. Ebatswa Filistinyo lɛ nɔ, ni egbe lɛ. Jɛi ni David tabilɔi lɛ hã David kã amɛ kitã akɛ efataŋ amɛhe kɛyaŋ ta dɔŋŋ. Amɛkɛɛ lɛ akɛ, “Okɛ wɔ akaya ta dɔŋŋ koni okabahã Israel hiɛnɔkãmɔ miitã.”

2 Samuel 23:18

Abishai, Yoab nyɛmi lɛ, ni ekɛ lɛ fɛɛ nyɛ ji Zeruia lɛ, ji hii kakabãi nyɔŋmai etɛ̃ lɛ fɛɛ anukpa. Ekɛ hii ohai etɛ̃ nɔ, ni ekɛ edɛŋ akplɔ gbe amɛ fɛɛ tswɛm. Enɛ hã ena gbɛi yɛ hii nyɔŋmai etɛ̃ lɛ ateŋ.

2 Samuel 3:30

Nɛkɛ gbɛ nɔ Yoab kɛ enyɛmi Abishai tsɔ ni amɛgbe Abner ejaakɛ egbe amɛnyɛminuu Asahel yɛ Gibeon ta lɛ mli.

2 Samuel 7:13

Lɛ ji mɔ ni baama Sɔlemɔ we ehã mi ni mahã emaŋtsɛ sɛi lɛ ama shi shiŋŋ kɛya naanɔ.

1 Maŋtsɛmɛi 11:15

Ejaakɛ David kɛ Edom na ta, ni eye Edom nɔ. Be ni agbe ta lɛ naa lɛ Yoab, David tatsɛ lɛ, tee Edom koni eyafu gbohii lɛ.

2 Maŋtsɛmɛi 14:7

Amazia gbe Edombii asraafoi akpei nyɔŋma yɛ Ŋoo Jɔɔ lɛ mli, ni eŋɔ Sela maŋ wulu lɛ yɛ ta mli, ni ewo lɛ Yokteel kɛbashi ŋmɛnɛ.

1 Kronika 11:20

Abishai, Yoab nyɛmi lɛ, ji hii Kakabãi Nyɔŋmai Etɛ̃ lɛ fɛɛ anukpa. Ekɛ hii ohai etɛ̃ nɔ, ni ekɛ edɛŋ akplɔ gbe fɛɛ, ni ekɛna gbɛi yɛ hii Kakabãi Nyɔŋmai etɛ̃ lɛ ateŋ.

1 Kronika 18:11

Maŋtsɛ David jɔɔ nibii nɛɛ anɔ eke Yehowa, ni ekɛfata jwiɛtɛi kɛ shika ni eloo momo sa yɛ majimaji fɛɛ ni eye amɛnɔ kunim lɛ amli kɛba lɛ he. Maji nɛɛ ji Edom kɛ Moab kɛ Amon kɛ Filistia kɛ Amalek.

1 Kronika 18:13

Nii nɛɛ sɛɛ lɛ Abishai jara asraafoi kuikui eto Edom shikpɔŋ lɛ nɔ, ni Edombii fɛɛ tsɔ̃ David tsuji. He fɛɛ he ni David tsɔ̃ lɛ Yehowa hã eye kunim.

1 Kronika 19:11

Etabilɔi ni shwɛ lɛ, etu amɛ fɛɛ ewo enyɛmi Abishai shishi. Amɛ lɛ, amɛgba ta lɛ koni amɛkɛ Amonbii lɛ akpe.

1 Kronika 2:16

Yeshai fɔ biyei hu ni ji Zeruia kɛ Abigail. Yeshai biyoo Zeruia nɛɛ fɔ bihii etɛ̃, Abishai kɛ Yoab kɛ Asahel.

2 Kronika 25:11

Amazia fee nuu, ni enyiɛ tabilɔi lɛ ahiɛ kɛtee Ŋoo Jɔɔ lɛ mli, ni amɛ kɛ Edombii lɛ yatswa ta ko yɛ jɛi. Yudabii lɛ gbe Edom tabilɔi akpei nyɔŋma yɛ jɛi,

Lalai 60:1

Oo Naa Nyɔŋmɔ, okwa wɔ, okumɔ wɔhe afabaŋ, omli efu wɔ. Kuu osɛɛ oba wɔŋɔɔ ekoŋŋ.

Lalai 60:2

Ohã shikpɔŋ lɛ ehoso, ni ohã emli egbala; tsaramɔ hei ni egbala lɛ, ejaakɛ ewɔtsɔ.

1 Samuel 26:6

Kɛkɛ ni David bi Ahimelek, Hitnyo lɛ, kɛ Zeruia bi Abishai, Yoab nyɛminuu lɛ, akɛ, “Nyɛteŋ namɔ kɛ mi aaatee Saul shitoohe lɛ mli?” Abishai here nɔ ekɛɛ, “Mi kɛ bo aaatee!”

1 Samuel 26:8

Kɛkɛ ni Abishai kɛɛ David akɛ, “Nyɔŋmɔ ejie ohenyɛlɔ lɛ ewo odɛ̃ŋ ŋmɛnɛ. No hewɔ lɛ, agbɛnɛ hã matsu lɛ akplɔ lɛ shi koome kɛmɔ shikpɔŋ nyɔŋlo, mihaŋ etia shii enyɔ.”