1 Kronika 17:23 - ŊMALƐ KRƆŊKRƆŊ LƐ

²³ “No hewɔ lɛ, agbɛnɛ, Yehowa, hã shi ni owo yɛ mi, otsulɔ kɛ miwe lɛ, he lɛ aba mli bɔ ni okɛɛ lɛ shishiishi kɛya naanɔ;

Ṅmãle̱ Kroṅkroṅ Le̱

²³ Ni agbe̱ne̱, Iehowa, wiemo̱ le̱ ní owie ye̱ otšũlo̱ ke̱ ewe le̱ hewo̱ le̱, hã ní ana ake̱ ano̱kwale ni ke̱-ya nāno̱, ni ofe take̱ bo̱ni okē̱ le̱.

1 Kronika 17:23 ပူးပေါင်းရင်းမြစ်များ

1 Mose 32:12

Bo okɛɛ akɛ, ‘Mafee bo jogbaŋŋ, ni mahã oshwiei afa tamɔ ŋshɔnaa shia, ni anyɛŋ amɛyibɔ akane yɛ amɛyifalɛ naa.’ ”

1 Maŋtsɛmɛi 8:26

No hewɔ lɛ, agbɛnɛ, Israel Nyɔŋmɔ, miikpa bo fai, hã shi ni owo mitsɛ David, otsulɔ lɛ, fɛɛ aba mli.

1 Kronika 17:22

Ofee Israel bo diɛŋtsɛ omaŋ kɛmiiya naanɔ, ni bo, Yehowa, otsɔ̃ amɛNyɔŋmɔ.

1 Kronika 17:24

ni ogbɛi lɛ aaada kpeteŋkple, ni aaakɛɛ kɛya naanɔ akɛ, ‘Yehowa Taiatsɛ lɛ, lɛ ji Israel Nyɔŋmɔ lɛ.’ Ni ooohã miwe lɛ ahe shi shiŋŋ yɛ yinɔi fɛɛ mli.

1 Kronika 28:4

Shi Yehowa, Israel Nyɔŋmɔ lɛ, lɛ nɔŋŋ eŋɔ mi yɛ mitsɛwebii lɛ fɛɛ ateŋ koni mi kɛ mishwiei aye Israel maŋtsɛ kɛya naanɔ. Eŋɔ̃ Yuda yɛ akutsei lɛ ateŋ koni etsɔ̃ hiɛnyiɛlɔ; ni eŋɔ̃ mitsɛwe lɛ yɛ Yudabii awei lɛ ateŋ, ni ena mihe tsui yɛ mitsɛbii lɛ fɛɛ ateŋ, ni ewo mi Israel fɛɛ maŋtsɛ.

2 Kronika 1:9

Yehowa Nyɔŋmɔ, agbɛnɛ hã shi ni owo mitsɛ David lɛ aba mli. Bo owo mi maŋ ni yifalɛ tamɔ shikpɔŋ mlu nɛɛ nɔ maŋtsɛ;

Lalai 119:49

Kaimɔ owiemɔ ni okɛ otsulɔ wie ni ehã mina hiɛnɔkãmɔ lɛ.

Yeremia 11:5

bɔ ni afee ni matsu kitã ni mikã nyɛtsɛmɛi lɛ he nii, no ji akɛ mahã amɛ shikpɔŋ kpakpa ni baa nii koni amɛhi nɔ tamɔ bɔ ni eyɔɔ ŋmɛnɛ nɛɛ lɛ.” Kɛkɛ ni mihere nɔ akɛ, “Yehowa, aba mli nakai.”

Luka 1:38

Ni Maria kɛɛ, “Naa, Nuŋtsɔ lɛ weyoo ji mi; bɔ ni okɛɛ lɛ aba mli nakai ahã mi!” Ni bɔfo lɛ shi lɛ etee.