1 Kronika 17:17 - ŊMALƐ KRƆŊKRƆŊ LƐ

¹⁷ Kɛ̃lɛ enɛ jeee nɔ srɔto ko hã bo, Nyɔŋmɔ. Otsɔ̃ɔ wɔsɛɛ shɔŋŋ hu nibii ni baaba miwe lɛ nɔ, Yehowa, Nyɔŋmɔ; ni oobu mi tamɔ gbɔmɔ wulu ko.

Ṅmãle̱ Kroṅkroṅ Le̱

¹⁷ Ni kẽle̱ ene̱ dšee noko sro̱to ko ye̱ ohĩe, Nyoṅmo̱, ši osā owie ye̱ otšũlo̱ we le̱ he hũ ye̱ nibii ní baba ye̱ šoṅṅ le̱ ahewo̱, ni obumi tamo̱ gbomo agbo ko, ō Iehowa Nyoṅmo̱!

1 Kronika 17:17 ပူးပေါင်းရင်းမြစ်များ

2 Samuel 12:8

asaŋ ni mikɛ emaŋtsɛyeli lɛ kɛ eŋãmɛi lɛ hã bo, ni mihã otsɔ̃ Israel kɛ Yuda fɛɛ maŋtsɛ. Eji enɛɛmɛi faaa kulɛ mafata he mahã bo.

2 Samuel 7:19

Ni kɛ̃lɛ enɛ jeee nɔ ko srɔto ko hã bo, Nuŋtsɔ Nyɔŋmɔ. Otsɔ̃ɔ wɔsɛɛ shɔŋŋ nibii ni baaba, mi otsulɔ, miwe lɛ nɔ hu. Nuŋtsɔ Nyɔŋmɔ, otsɔ̃ɔ mi shwiei ni mawo.

1 Maŋtsɛmɛi 3:13

Ni asaŋ nɔ ni obiko tete hu maŋɔ mafata he mahã bo; ninamɔ kɛ anunyam fɛɛ, bɔ ni maŋtsɛmɛi lɛ ateŋ fɛɛ lɛ, mɔ ko mɔ ko kɛ bo yeŋ hegbɔ owala gbii abɔ fɛɛ.

2 Maŋtsɛmɛi 3:18

Elisha tee nɔ akɛ, “Shi enɛ tete lɛ ejeee nɔ ko ni wa yɛ Yehowa hiɛ; asaŋ ebaatu Moabbii lɛ hu ewo nyɛdɛŋ;

1 Kronika 17:16

Kɛkɛ ni Maŋtsɛ David tee Yehowa Kpee Buu lɛ mli, ni eyata shi ni esɔle ekɛɛ akɛ, “Yehowa, Nyɔŋmɔ, namɔ ji mi, ni mɛni po mli miwe yɔɔ hewɔ ni okura mi kɛbashi benɛ nɛɛ?

1 Kronika 17:18

Mɛni dɔŋŋ po yɔɔ minaa ni makɛɛ yɛ mihiɛ nyam ni owo nɛɛ hewɔ, ejaakɛ ole mi, otsulɔ momo.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Efesobii 3:20

Shi mɔ ni nyɛɔ efeɔ kɛtekeɔ nɔ babaoo fe nii fɛɛ ni wɔkpaa he fai loo wɔjwɛŋɔ, yɛ ehewalɛ ni tsuɔ nii yɛ wɔmli lɛ naa lɛ,