1 Kronika 16:4 - ŊMALƐ KRƆŊKRƆŊ LƐ

⁴ David famɔ Levibii lɛ ateŋ mɛi komɛi koni amɛla kɛsɔmɔ yɛ Yehowa Kpãŋmɔ Adeka lɛ hiɛ kɛjie Yehowa, Israel Nyɔŋmɔ lɛ, yi koni amɛda lɛ shi ni amɛkɛkafo lɛ.

Ṅmãle̱ Kroṅkroṅ Le̱

⁴ Ni efãmo̱ Levibii le̱ ateṅ meikomei eto ni ame̱súmo̱ ye̱ Iehowa adeka le̱ hĩe, ni ame̱dšie Iehowa, Israel Nyoṅmo̱ le̱, yi ni ame̱dale̱ ši ni ame̱kafole̱:

1 Kronika 16:4 ပူးပေါင်းရင်းမြစ်များ

1 Mose 17:7

“Mahã mikpãŋmɔ ni kã mi kɛ bo teŋ lɛ ama shi shiŋŋ, ni eeetsɔ̃ naanɔ kpãŋmɔ ehã oshwiei ni aaaba yɛ osɛɛ lɛ yɛ amɛyinɔi fɛɛ mli; matsɔ̃ Nyɔŋmɔ mahã bo kɛ oshwiei ni aaaba yɛ osɛɛ lɛ.

1 Mose 32:28

Nuu lɛ kɛɛ lɛ akɛ, “Atsɛŋ bo Yakob dɔŋŋ, shi Israel aaatsɛ bo, ejaakɛ okɛ Nyɔŋmɔ kɛ gbɔmɛi eshi mple, ni oye kunim.”

1 Mose 33:20

Yakob ma afɔleshãa latɛ yɛ jɛi, ni ewo lɛ gbɛi akɛ “El, Israel Nyɔŋmɔ lɛ.”

1 Maŋtsɛmɛi 8:15

Ekɛɛ, “Ajɔɔ Yehowa, Israel Nyɔŋmɔ lɛ, mɔ ni wo mitsɛ David shi, ni ekɛ ehewalɛ lɛ ehã eshiwoo lɛ eba mli.

1 Kronika 15:16

David fã Levibii lɛ anukpai lɛ akɛ amɛhala amɛnyɛmimɛi lɛ ateŋ jooshwɛlɔi lɛ ateŋ mɛi komɛi koni amɛla, kɛ mɛi komɛi hu koni amɛkɛ obentai kɛ saŋkui kɛ ŋmɛji ashwɛ joo kɛwo nifeemɔ lɛ he sɔlɛ.

1 Kronika 16:3

Kɛkɛ ni eja Israelbii lɛ fɛɛ nii. Ehã nuu fɛɛ nuu kɛ yoo fɛɛ yoo aboloo akwaabɔ kome kɛ loo kukuli kome kɛ wainyibii ni aka ni egbi.

1 Kronika 16:5

Asaf ji gbɔmɛi nɛɛ anukpa, ni esɛɛmɔ ji Zakaria. Yehiel kɛ Shemiramot kɛ Yehiel kɛ Matitia kɛ Eliab kɛ Benaia kɛ Obed-Edom kɛ Yehiel baatswa saŋkui kɛ obentai lɛ, ni Asaf baatswa ŋmɛlɛ kɛ egbee ŋlɛ̃ŋlɛ̃ lɛ.

1 Kronika 16:8

Nyɛdaa Yehowa shi! Nyɛshiɛa egbojee; nyɛhãa maji lɛ alea nibii ni etsu lɛ!

1 Kronika 24:3

Zadok ni jɛ Eleazar shwiei lɛ ateŋ lɛ kɛ Ahimelek ni jɛ Itamar shwiei lɛ ateŋ lɛ wa Maŋtsɛ David ni ejara Aaron shwiei lɛ amli kuikui yɛ nitsumɔi ni ahã amɛ lɛ anaa.

1 Kronika 25:1

Maŋtsɛ David kɛ Levibii lɛ ateiaŋ lumɛi lɛ hala mɛi komɛi yɛ Asafbii lɛ kɛ Hemanbii lɛ kɛ Yedutunbii lɛ ateŋ, ni amɛto amɛ akɛ amɛ amɛgba kɛji aaja, shi nakai be mli nɔŋŋ lɛ amɛmiitswa obenta kɛ saŋkui kɛ ŋmɛji, ni amɛmiikpã bɛji hu. Mɛi ni ahala kɛ nitsumɔi hu ni ahã amɛ lɛ baa nɛɛ.

1 Kronika 6:31

Mɛi yɛ ni Maŋtsɛ David to koni amɛkwɛ lala ni alaa yɛ Yehowa we lɛ mli lɛ nɔ, kɛjɛ beyinɔ ni akɛ Kpãŋmɔ Adeka lɛ bama Yehowa we lɛ mli lɛ.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

Ezra 3:10

Be ni tsumalɔi lɛ to Yehowa Sɔlemɔtsu lɛ shishi lɛ, osɔfoi ni ewula kɛ amɛtadei lɛ badamɔ shi kɛ amɛtɛtrɛmantrɛi ni amɛhiɛ yɛ amɛdɛŋ kɛ Levibii lɛ ni ji Asafbii lɛ hu kɛ amɛŋoŋoi, koni amɛkafo Yehowa tamɔ bɔ ni Israel Maŋtsɛ David eto gbɛjianɔ lɛ.

Nehemia 12:24

Levibii lɛ atsɛmɛi awei lɛ ayitsei ni ji Hashibia kɛ Sherebia kɛ Yeshua, Kadmiel bi lɛ, to gbɛjianɔ. Afee kui enyɔ; ku kome miijie Nyɔŋmɔ yi, ni amɛmiida lɛ shi; belɛ ku ni ji enyɔ ni yɔɔ amɛhiɛ lɛ miihere nɔ. Amɛ jie Nyɔŋmɔ yi, ni amɛda lɛ shi tamɔ bɔ ni Nyɔŋmɔ gbɔmɔ David ewo kitã lɛ.

Lalai 103:2

Oo, misusuma, jiemɔ Yehowa yi, ni ohiɛ akakpa nibii juji ni efeɔ lɛ fiaa nɔ.

Lalai 105:5

Oo nyɛ, etsulɔ Abraham shwiei, nyɛ Yakobbii ni ehala, nyɛkaia naakpɛɛ nitsumɔi ni etsu lɛ; kɛ kojomɔi ni ekojo lɛ.

Lalai 106:48

Yijiemɔ ahã Yehowa Israel Nyɔŋmɔ lɛ, kɛjɛ naanɔ kɛyashi naanɔ; ni maŋ muu lɛ fɛɛ akɛɛ akɛ, “Amen!” Nyɛjiea Yehowa yi!

Lalai 37:1

Kaawo otsui he la yɛ efɔŋfeelɔi ahewɔ; asaŋ ohiɛ akakɔ̃ mɛi ni feɔ nii ni ejaaa gbɛ lɛ anɔ.

Lalai 70:1

Oo Naa Nyɔŋmɔ, ofainɛ heremɔ miyiwala! Oo Yehowa, ye obua mi nɔŋŋ!

Lalai 72:18

Ajie Yehowa, Israel Nyɔŋmɔ lɛ, yi! Lɛ ekoome too efeɔ naakpɛɛnii.