1 Kronika 16:34 - ŊMALƐ KRƆŊKRƆŊ LƐ

³⁴ Nyɛdaa Yehowa shi ejaakɛ ehi; ejaakɛ esuɔmɔ ni tsakeee lɛ hiɔ shi kɛyaa naanɔ.

Ṅmãle̱ Kroṅkroṅ Le̱

³⁴ Nyedaã Iehowa ši, edšake̱ ehĩ; edšake̱ nāno̱ emo̱bo̱nale̱ hĩo̱ ši ke̱-yaä!

1 Kronika 16:34 ပူးပေါင်းရင်းမြစ်များ

1 Kronika 16:33

Kooŋ tsei aaala kɛ nyamɔ yɛ Yehowa hiɛ, be mli ni ebaa ebaye shikpɔŋ lɛ nɔ lɛ.

1 Kronika 16:41

Mɛi ni ahala afata amɛhe ji Heman kɛ Yedutun kɛ mɛi krokomɛi hu ni aje gbɛ ahala amɛ akɛ amɛla kɛda Yehowa shi yɛ esuɔmɔ ni tsakeee kɛmiiya naanɔ lɛ hewɔ.

2 Kronika 20:21

Be ni Yehoshafat kɛ maŋ lɛ eto ajina sɛɛ lɛ, ehala lalatsɛmɛi komɛi akɛ amɛwula kɛ atadei ni amɛwoɔ yɛ gbii krɔŋkrɔŋi anɔ lɛ koni amɛla kɛjie Yehowa yi kɛnyiɛ tabilɔi lɛ ahiɛ amɛkɛɛ akɛ, “Ajie Yehowa yi, ejaakɛ esuɔmɔ sɛɛ efooo kɛyaa naanɔ!”

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

2 Kronika 7:3

Be ni Israelbii lɛ na la lɛ ni jɛ ŋwɛi lɛ kɛ Yehowa anunyam la lɛ ni ebayi Sɔlemɔtsu lɛŋ obɔ̃ lɛ, amɛkɛ amɛhiɛiaŋ bumɔ shi, yɛ he ko ni aka jɛi tɛ, ni amɛja Yehowa, ni amɛda lɛ shi yɛ emlihilɛ kɛ esuɔmɔ ni sɛɛ efooo kɛmiiya naanɔ lɛ hewɔ.

Ezra 3:11

Amɛla ni amɛhereheree nɔ amɛkɛkafo Yehowa, ni amɛkɛda lɛ shi amɛkɛɛ, “Ejaakɛ ehi, ejaakɛ esuɔmɔ ni ekɛsumɔɔ Israel lɛ yɛ kɛmiiya naanɔ.” Maŋ muu lɛ fɛɛ bɔ oshe waa amɛkɛkafo Yehowa yɛ Yehowa shĩa lɛ shishitoo lɛ hewɔ.

Lalai 100:5

Ejaakɛ Yehowa hi; esuɔmɔ ni tsakeee lɛ yɛ kɛyaa naanɔ; ni enɔkwayeli lɛ hiɔ shi kɛyaa yinɔi fɛɛ anɔ!

Lalai 105:1

Oo, nyɛdaa Yehowa shi, Nyɛtsɛa lɛ, nyɛjaa lɛ. Nyɛhãa alea enifeemɔnii lɛ yɛ majimaji lɛ ateŋ.

Lalai 106:1

Nyɛjiea Yehowa yi! Nyɛdaa Yehowa shi, ejaakɛ ehi, ejaakɛ esuɔmɔ ni tsakeee lɛ hiɔ shi kɛyaa naanɔ.

Lalai 107:1

Nyɛdaa Yehowa shi, ejaakɛ ehi ejaakɛ naanɔ esuɔmɔ ni tsakeee lɛ hiɔ shi kɛyaa.

Lalai 118:1

Oo, nyɛdaaa Yehowa shi, ejaakɛ ehi, ejaakɛ naanɔ esuɔmɔ ni tsakeee lɛ hiɔ shi kɛyaa.

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”