1 Kronika 15:3 - ŊMALƐ KRƆŊKRƆŊ LƐ

³ David kpee Israelbii fɛɛ, ni amɛnaa bakpe shi yɛ Yerusalɛm koni ayawo Yehowa Kpãŋmɔ Adeka lɛ kɛba he ni asaa ato lɛ lɛ.

Ṅmãle̱ Kroṅkroṅ Le̱

³ Ke̱ke̱ ni David baa Israel mū le̱ fẽ nā ke̱-ba Ierusalem, koni ayawó Iehowa adeka le̱ ke̱-ba egbe̱he ní esă etole̱ le̱.

1 Kronika 15:3 ပူးပေါင်းရင်းမြစ်များ

2 Samuel 6:12

Abagba Maŋtsɛ David akɛ, “Yehowa ejɔɔ Obed-Edom we lɛ kɛ nɔ fɛɛ nɔ ni eyɔɔ yɛ Kpãŋmɔ Adeka lɛ hewɔ.” No hewɔ lɛ, David tee, ni eyawo Kpãŋmɔ Adeka lɛ yɛ Obed-Edom we lɛ kɛba Yerusalɛm kɛ nyamɔ.

2 Samuel 6:17

Ni akɛ Kpãŋmɔ Adeka lɛ ba, ni akɛyama gbɛhe ni ato ahã lɛ yɛ buu ni David eshi ehã lɛ lɛ mli. No sɛɛ lɛ, David shã afɔlei kɛ shidaa afɔlei ehã Yehowa.

1 Maŋtsɛmɛi 8:1

Kɛkɛ ni Solomon bua Israel akutsei kɛ wekui onukpai lɛ kɛ Israelbii lɛ alumɛi lɛ anaa kɛkpe yɛ Yerusalɛm yɛ eŋɔɔ, koni ayawo Yehowa Kpãŋmɔ Adeka lɛ kɛjɛ Zion ni ji David maŋ lɛ mli kɛba Yehowa Sɔlemɔtsu lɛ mli.

1 Kronika 13:2

No sɛɛ lɛ, David kɛɛ Israel gwabɔɔ muu lɛ akɛ, “Kɛji esa nyɛhiɛ, ni Yehowa wɔNyɔŋmɔ lɛ suɔmɔ naa ni lɛ, no lɛ nyɛhãa wɔtsua kɛya wɔnyɛmimɛi ni eshwɛ yɛ Israel shikpɔji lɛ anɔ he fɛɛ he lɛ aŋɔɔ, kɛ osɔfoi lɛ kɛ Levibii ni kɛ amɛyɔɔ yɛ amɛmaji kɛ amɛhe shikpɔji lɛ anɔ lɛ hu aŋɔɔ, akɛ: amɛbua amɛhe naa kɛbashi wɔnɔ,

1 Kronika 13:5

No hewɔ lɛ, David bua Israel muu lɛ fɛɛ naa kɛbakpe, kɛjɛ Ijipt husu lɛ naa, yɛ wuoyigbɛ, aahu kɛyashwie he ni atsɔ̃ɔ kɛyaa Lebo-Hamat lɛ, yɛ kooyigbɛ, koni ayawo Kpãŋmɔ Adeka lɛ yɛ Kiriat-Yearim kɛya Yerusalɛm.

1 Kronika 15:1

David mamɔ tsui yɛ David Maŋ lɛ mli ehã ehe, asaŋ esaa he ko hu, ni eshi bui yɛ jɛi ehã Nyɔŋmɔ Kpãŋmɔ Adeka lɛ.

1 Kronika 15:12

ni ekɛɛ amɛ akɛ, “Nyɛ nyɛ ji Levibii lɛ atsɛmɛi lɛ ashĩai lɛ amli onukpai, no hewɔ lɛ, nyɛ kɛ nyɛnyɛmimɛi Levibii lɛ fɛɛ, nyɛtsuua nyɛhe nyɛfea nyɛhe krɔŋkrɔŋ koni nyɛyawo Yehowa, Israel Nyɔŋmɔ lɛ, Kpãŋmɔ Adeka lɛ kɛba he ni misaa mito lɛ lɛ.

1 Kronika 16:1

Akɛ Nyɔŋmɔ Kpãŋmɔ Adeka lɛ bama buu lɛ ni David eshi ehã adeka lɛ mli, ni ashã shãa afɔlei ahã Nyɔŋmɔ.

2 Kronika 1:2

Maŋtsɛ Solomon tsɛ tabilɔi akpe akui, kɛ tabilɔi oha akui hu atatsɛmɛi lɛ, kɛ kojolɔi lɛ kɛ maŋtsɛyeli lɛ mli lumɛi lɛ, kɛ tsɛmɛi awei lɛ amli onukpai lɛ, kɛ Israel maŋtso muu lɛ fɛɛ akɛ

2 Kronika 1:4

(No be mli lɛ Maŋtsɛ David eyawo Nyɔŋmɔ Kpãŋmɔ Adeka lɛ yɛ Kiriat-Yearim kɛba Yerusalɛm, ni ekɛbato buu lɛ ni, lɛ David lɛ, esaa eto ehã adeka lɛ mli.)

2 Kronika 5:2

Agbɛnɛ Maŋtsɛ Solomon tsɛ Israel onukpai lɛ kɛ akutsei lɛ kɛ Israelbii atsɛmɛi awei lɛ amli onukpai lɛ fɛɛ kɛbakpe. Akpe yɛ Yerusalɛm koni ayawo Yehowa Kpãŋmɔ Adeka lɛ yɛ David maŋ, ni ji Zion, lɛ kɛba Sɔlemɔtsu lɛ mli.

2 Mose 40:20

Ni Mose kɛ tɛi ni aŋmala kitãi lɛ yɛ nɔ lɛ wo Kpãŋmɔ Adeka lɛ mli, ni ekɛ tsei bloblobii lɛ hɔlɔ Adeka lɛ he, ni ekɛ naanɔ lɛ bu Kpãŋmɔ Adeka lɛ naa.

3 Mose 9:5

Amɛkɛ nii ni Mose fã amɛ akɛ amɛkɛba lɛ ba Kpee Buu lɛ hiɛ, ni asafo muu lɛ fɛɛ bua amɛhe naa yɛ jɛi koni amɛja Yehowa.